रविवार, 15 नोव्हेंबर 2026
WhatsApp Update: मेसेजिंग प्लॅटफॉर्मवर नव्या फीचर्सचा पाऊस! चॅट ट्रान्सफरपासून फोटो एडिटिंगपर्यंत... असा बदलणार यूजर्सचा अनुभव
भारतात सॅमसंगने मारली बाजी! टॅब्लेट विक्रीत Apple आणि Acer ला सोडले मागे, जाणून घ्या सविस्तर
व्हाट्सअ‍ॅपने त्यांच्या ब्लॉक पोस्टमध्ये सांगितले आहे की, आता युजर्स त्यांचे व्हाट्सअ‍ॅप चॅट्स क्रॉस फ्लॅटफॉर्मवर ट्रान्सफर करू शकणार आहे. याचा अर्थ असा आहे की आता युजर त्यांचे चॅट्स अँड्रॉइड फोनहून आयफोनवर किंवा आयफोन फोनवरून अँड्रॉइड फोनवर ट्रान्सफर करू शकतात. ही प्रोसेस देखील अतिशय सोपी आहे. (फोटो सौजन्य – Pinterest)
व्हाट्सअ‍ॅपमध्ये अकाउंट मायग्रेशन नावाचे एक नवीन फिचर जोडण्यात आले आहे. युजर्स त्यांचे अकाउंट डिटेल्स ग्रुप आणि इंडिविज्युअल चॅट्स, व्हाट्सअ‍ॅप चॅनेल अपडेट्स आणि चॅट हिस्ट्री आता मायग्रेट करू शकणार आहेत. या प्रोसेसमुळे युजर्स नवीन फोनमध्ये देखील त्यांची संपूर्ण माहिती अगदी सहजपणे मायग्रेट करू शकतात.
ब्लॉक पोस्टमध्ये दिलेल्या माहितीनुसार, व्हाट्सअ‍ॅप युजर त्यांच्या अकाउंटचे स्टोरेज आता अगदी सहजपणे मॅनेज करू शकणार आहे. युजर्सना आता जुने चॅट्स एक एक करून डिलीट करण्याची गरज नाही. कारण नवीन फीचर्सअंतपर्गत आता युजर एकाच वेळी संपूर्ण चॅट डिलीट करू शकणार आहेत. तसेच युजरकडे डिलीट केलेल्या चॅट्समधून मीडिया फाईल स्टोअर करण्याचा ऑप्शन असणार आहे.
व्हाट्सअपने त्यांच्या ब्लॉक पोस्टमध्ये सांगितले आहे की, आता आयफोन युजर एका व्हाट्सअपमध्ये दोन अकाउंट वापरू शकणार आहेत. हे फीचर इंस्टाग्राम प्रमाणेच आहे. यामध्ये देखील युजर्सना दोन वेगवेगळे अकाउंट वापरण्याची परवानगी मिळते. तसेच व्हाट्सअ‍ॅप युजर्सकडे या फीचरअंतर्गत प्रोफाइल निवडण्याचे देखील पर्याय असणार आहे.
व्हाट्सअ‍ॅपने मेटा एआयवर आधारित एक नवीन AI फोटो एडिटिंग फीचर देखील रोल आउट केले आहे. युजर्स व्हॉट्सॲपवर शेअर केले जाणारे फोटो ॲपमध्ये एआयच्या मदतीने एडिट करू शकणार आहेत. यासोबतच ऑब्जेक्ट रिमूव करण्यापासून बॅकग्राऊंड बदलण्यापर्यंत अनेक सुविधा मिळणार आहेत.
व्हाट्सअ‍ॅपमध्ये एआय रायटिंग हेल्प टूल देखील जोडण्यात आले आहे. हे टूल चॅट्स करताना तुम्हाला सजेशन देणार आहे. कंपनीने दावा केला आहे की या टूलमुळे युजरच्या प्रायव्हसीवर कोणताही परिणाम होणार नाही.
व्हाट्सअ‍ॅपमधील नवीन फीचर्समुळे कंटेट मॅनेज करणे अधिक सोपे झाले आहे. युजर्स त्यांचे चॅट्स वेगवेगळ्या डिव्हाईसमध्ये अगदी सहज मॅनेज करू शकणार आहेत.
