रविवार, 15 नोव्हेंबर 2026
Tech Tips: गॅस तुटवड्यामुळे इलेक्ट्रिक इंडक्शन वापरताय? ‘या’ चुका टाळा, नाहीतर मोठं नुकसान होऊ शकतं
गॅस सिलेंडरचा वापर करताना तुम्ही कोणतेही भांड वापरून जेवण बनवू शकता किंवा गरम करू शकता. मात्र इलेक्ट्रिक इंडक्शनचा वापर करताना ही सुविधा नसते. इलेक्ट्रिक इंडक्शनवर तुम्ही प्रत्येक भांड्याचा वापर करू शकत नाही. इलेक्ट्रिक इंडक्शनवर ॲल्युमिनियम, तांबे, काच आणि सिरॅमिकपासून बनवलेली भांडी वापरू नका. यामुळे धोका निर्माण होऊ शकतो. (फोटो सौजन्य – Pinterest)
जेवण बनवताना किंवा गरम करताना इलेक्ट्रिक इंडक्शनच्या पृष्ठभागावर चाकू, चमचा किंवा एल्यूमिनियम फॉइल सारख्या धातूच्या वस्तू ठेऊ नका. या वस्तू गरम होऊ शकतात, ज्या उचलताना हाताला चटका लागू शकतो.
इलेक्ट्रिक इंडक्शन अशा जागी ठेवा ज्या ठिकाणाहून एयर इनटेक आणि एग्जॉस्ट वेंट्स बंद होणार नाहीत. एयर इनटेक आणि एग्जॉस्ट वेंट्स सहसा इलेक्ट्रिक इंडक्शनच्या खालच्या किंवा मागील बाजूला असतात. एयर इनटेक आणि एग्जॉस्ट वेंट्ससाठी हवेचा प्रवेश आवश्यक असतो. जर ते बंद झाले, तर इलेक्ट्रिक इंडक्शन जास्त गरम होऊ शकतो, ज्यामुळे त्याच्या कार्यक्षमतेवर परिणाम होतो.
तुम्ही वापरत असलेल्या इलेक्ट्रिक इंडक्शनचे काच किंवा पृष्ठभाग तुटलेला असेल तर त्याचा वापर करणं तात्काळ बंद करा. तुटलेल्या पृष्ठभागामुळे पाणी इलेक्ट्रिक इंडक्शनमध्ये जाऊ शकते. ज्यामुळे इंटरनल पार्ट्स खराब होऊ शकतात आणि विजेचा झटका लागू शकतो.
इलेक्ट्रिक इंडक्शनचा वापर करताना निष्काळजीपणा करू नका. इलेक्ट्रिक इंडक्शनची साफसफाई करताना विजेचे कनेक्शन बंद करा आणि सुक्या आणि कापडाने इलेक्ट्रिक इंडक्शन स्वच्छ करा. त्याचप्रमाणे, स्वयंपाक करताना काचेच्या पृष्ठभागावरून भांडी घासणे टाळा. यामुळे ओरखडे पडू शकतात. वर सांगितलेल्या सर्व टिप्स लक्षात ठेऊन तुम्ही योग्य प्रकारे इलेक्ट्रिक इंडक्शनचा वापर करू शकता.
