'डीएम अंकल, रोड बनवून द्या...', शाळकरी मुलीची जिल्हाधिकाऱ्यांना आर्त हाक, रस्त्यावरील खड्डे आणि साचलेल्या पाण्यामुळे होतोय त्रास
चिमुकलीच्या या व्हिडिओने अनेक खेड्यापेड्यातील सत्य परिस्थिती दाखवून दिली. अनेक गावांमध्ये किंवा लहान शहरांमध्ये रस्त्यातील खड्ड्यांमुळे रस्ते अक्षरश: खळग्यांप्रमाणे दिसून येतात. या खड्ड्यांमधून गाडी चालवणे म्हणजे चालकाचा आणि रस्त्यावरुन जाणाऱ्या लोकांचा जीव धोक्यात घालण्यासारखे आहे. मागेच एका व्हायरल व्हिडिओत रस्त्यातील खड्ड्यात बाईक अडकल्याने चालकाचा गंभीर अपघात झाल्याचे दृष्य व्हायरल झाले होते. अशात चिमुकलीची रस्ते दुरुस्तीची काही चुकीची नाही.
व्हिडिओ मुलगी ज्या ठिकाणी उभी आहे त्याच्या मागे रस्त्याचे झालेले बेहाल स्पष्टपणे दिसते. यात रस्त्यावर चिखल आणि मोठमोठे खड्डे दिसून येतात ज्यात पाणी साचलेलं असतं. मुलगी व्हिडिओत सांगते की, खड्ड्यातील या पाण्यामुळे अपघाताची स्थिती निर्माण होते. पिडितांच्या मदतीसाठी प्रशासनाने तातडीने यावर कारवाई करावी अशी मागणी ती व्हिडिओत करते. लहान वयात मुलीचे धाडस आणि न डगमगता समस्या मांडण्याची तिची शैली पाहून अनेक यूजर्स मुलीवर खुश झाले आहेत. चिमुकलीची समस्या लक्षात घेऊन प्रशासनाने तत्काळ यावर कारवाई करावी अशी मागणीही आता नेटकरी करत आहेत.
DM अंकल मेरे घर की रोड बनवा दीजिए, बहुत बड़े-बड़े गड्ढे है। हम डूब गए थे पानी भर जाता है। सड़क बनवाने के लिए बाराबंकी के जिलाधिकारी से नन्ही सी बच्ची ने लगाई गुहार।@DM_Barabanki pic.twitter.com/4NbLarOKdf — Ajju_रायसना (@IamAjju9984) August 26, 2026
दरम्यान पावसाळ्यात रस्ते खराब होणे, त्यावर खड्डे पडणे, पाणी साचणे या समस्या फार सामान्य आहेत. पण याकडे दुर्लक्ष न करता योग्य वेळी रस्त्याचे काम पूर्ण करणे किंवा रस्ते दुरुस्ती फार गरजेचे आहे. पावसाच्या दिवसात रस्ते निसरडे असल्याने रस्त्यात जर एखादा खड्डा गाडीच्या आड आला तर मोठा अपघात घडण्याची शक्यता असते. त्यामुळे नागरिकांचा जीव धोक्यात येऊ नये, यासाठी प्रशासनाने वेळेत योग्य ती उपाययोजना करून रस्त्यांची दुरुस्ती करणे आवश्यक ठरते.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
.png "Videos"){kind=small}
