समुद्रकिनाऱ्यावर प्रियकरासोबत फिरत होती महिला, तितक्यात अंगावर कोसळली वीज; मृत्यूचा धडकी भरवणारा Video Viral

Death Viral Video : रोमँटिक वातावरण, समुद्रकिनारी जोडीदाराची साथ पण तितक्यात महिलेसोबत घडलं भलतंच. घटनेचे फुटेज सोशल मिडियावर शेअर करण्यात आले असून महिलेच्या नशीबावर लोकांनी खंत व्यक्त केली आहे.

• जोडीदारासोबत समुद्रकिनारी फिरताना ३९ वर्षीय महिलेवर वीज कोसळली.
• सीसीटीव्हीत कैद झाला अंगावर काटा आणणारा घटनेचा व्हिडिओ.
• सीपीआर आणि उपचारांनंतरही महिलेचा दुर्दैवी मृत्यू.

चित्रपटात आपल्या पार्टनरसोबत हिरो-हिरोईनला तुम्ही समुद्रकिनाऱ्यावर फिरताना तर तुम्ही अनेकदा पाहिले असेल. हा एक सीन हा जो एकदा तरी खऱ्या आयुष्यात अनुभवण्याचा विचार प्रत्येकाच्या मनात येतो. सुंदर संध्याकाळ आणि सुमद्रकिनारी जोडीदारासोबत सूर्यास्ताचा आनंद एक रोमँटिक फील देऊन जातो. पण तुमचा हाच रोमँटिक काळ तुमच्या जीवावर बेतू शकतो यावर तुमचा विश्वास बसेल का? अलिकडे अशीच एक घटना सोशल मिडियावर शेअर करण्यात आली आहे ज्यात समुद्रकिनाऱ्यावर जोडीदारासोबत फिरताना महिलेला मृत्यूने गाठलं. या घटनेचे लाईव्ह फुटेज सध्या चांगलेच ट्रेडिंगमध्ये असून व्हिडिओतील दृष्ये अनेकांना हादरवणारी ठरली. चला यात काय घडलं ते जाणून घेऊया.

नेपाळ पुरातील सर्वात भावूक क्षण! कुटुंबाच्या प्राणांसाठी बापाने पणाला लावला जीव; भावूक करणारा Video Viral

काय घडलं व्हिडिओत?

मिरर यूकेमधील एका वृत्तानुसार, शुक्रवारी संध्याकाळी ६ वाजताच्या सुमारास ब्राझीलच्या प्रसिद्ध प्रिया दा पिनहेरा (Praia da Pinheira) समुद्रकिनाऱ्यावर ३९ वर्षीय एंडिनारा गोंसाल्वेस अरेजे (Endinara Gonçalves Areze) हिचा मृत्यू झाला. एंडिनारा आपल्या जोडीदारासह समुद्रकिनाऱ्यावर फिरत होती. सर्वकाही सुरळीत सुरु असतानाच अचानक वीजांचा कडकडाट होतो आणि एक वीजेची तार एंडिनाराच्या अंगावर येऊन कोसळतो. एंडिनारा जमिनीवर कोसळते तर तिचा जोडीदार तिला आधार देण्याचा प्रयत्न करतो. या घटनेचे फुटेज समुद्रकिनाऱ्यापासून दूर असणाऱ्या एका सीसीटीव्ही कॅमेरात कैद झाले असून यात मृत्यूचा थरार स्पष्ट दिसून येतो.

वीज एंडिनारावर कोसळल्याने इतर कुणालाही काही झालं नाही पण एंडिनारा जमिनीवर कोसळून पडली. तिची ही अवस्था पाहून जोडीदार घाबरला आणि त्याने मदतीसाठी हाका मारायला सुरुवात केली. आजूबाजूच्या लोकांनी मदत करण्यासाठी धाव घेतली आणि काही वेळातच इमरजंसी सर्व्हिस टीम घटनास्थळी पोहचली. अग्निशमन दलाच्या जवानांनी आणि वैद्यकीय पथकांनी समुद्रकिनाऱ्यावरच एंडिनाराला सीपीआर दिला. त्यानंतर तिला प्राया दो सोन्हो येथील आपत्कालीन विभागात नेण्यात आले, जिथे तिच्या हृदयाला पुन्हा सुरू करण्यासाठी डिफिब्रिलेटरमधून तीन इलेक्ट्रिक शॉक देण्यात आले. उपचारादरम्यान तिला क्षणभर शुद्ध आली पण काहीवेळातच तिचा मृत्यू झाला.

🇧🇷 Holy crap, I’m never going out in a lightning storm again after seeing this Edinara Gonçalves Areze was with her friends on Pinheira Beach in Brazil when she was struck She suffered a cardiac arrest, received CPR and medical care, but died the next day at Hospital Regional… — Mario Nawfal (@MarioNawfal) August 31, 2026

न पासपोर्ट, न व्हिसा! लेकीच्या लग्नाला पोहोचता आले नाही म्हणून आई-वडिलांनी केले ‘डिजिटल कन्यादान’; Video Viral

या घटनेचे फुटेज @MarioNawfal नावाच्या एक्स अकाऊंटवरुन शेअर करण्यात आले आहे. घटना सध्या सोशल मिडियावर चांगलीच चर्चेत असून एंडिनाराच्या मृत्यूवर अनेकांनी खंत व्यक्त केली आहे. एका यूजरने म्हटले की, “लहानपणीच हे शिकलो होतो की वादळी पाऊस असताना पाण्याच्या जवळ जाऊ नये. तिचा मृत्यू होणे ही अत्यंत दुर्दैवी गोष्ट आहे”, दुसऱ्या युजरने लिहिले आहे, “त्यांच्या अगदी जवळच धातूचा एक प्रचंड खांब होता, पण कसं कुणास ठाऊक, वीज तिच्याच अंगावर जाऊन कोसळली”, आणखी एका यूजरने लिहिले आहे, “रोमँटिक गेलं खड्ड्यात मी काही पावसात आता समुद्रकिनाऱ्यावर फिरायला जाणार नाही”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.