व्यक्ती जातो, सहवास राहतो! शाळेचा रिपोर्ट कार्ड घेऊन चिमुकला पोहचला कबरीजवळ, आईला हाक मारली अन्… हृदयस्पर्शी Video Viral

Heart Touching Video : आई गेली पण आपला सहवास ठेवून गेली. आईच्या कबरीजवळ जाऊन चिमुकल्यांनी असं काही केलं की पाहून यूजर्सनाही आपले अश्रू थांबवता आले नाही. हा व्हिडिओ एकदा नक्की पाहा.

• एक भावनिक व्हिडिओ सोशल मीडियावर मोठ्या प्रमाणात व्हायरल होत आहे.
• व्हिडिओमध्ये दोन लहान मुले आपल्या भावना अतिशय निरागसपणे व्यक्त करताना दिसतात.
• या दृश्यांमुळे अनेक यूजर्स भावूक होऊन आपल्या प्रतिक्रिया देत आहेत.

‘स्वामी तिन्ही जगाचा आईविना भिकारी’ ही ओळ तर तुम्ही अनेकदा ऐकली असेल. कोणत्याही मुलासाठी त्याचं संपूर्ण जग म्हणजे त्याची आई असते. अशात आई आपल्या आजूबाजूला नाही ही भावना मनाला चिरणारी आहे. असं म्हणतात की, व्यक्ती गेला तरी त्याच्या आठवणी, त्याचा सहवास आपल्यासोबत कायम राहतोच. लहनपणी आपल्याला साधं चाॅकलेट जरी कुणी दिलं तरी ती गोष्ट आईसोबत पहिली शेअर केली जायची. कारण लहानपणीची सर्वात पहिली आपली मैत्रीनच आई असायची. अलिकडे सोशल मिडियावर यासंबंधितच एक भावनिक व्हिडिओ शेअर करण्यात आला आहे. यात एक लहान मुलगा आईला आपला रिपोर्ट कार्ड दाखवण्यासाठी तिच्या कबरीजवळ पोहचल्याचे दिसून येते. आई नेहमीप्रमाणे आपल्याला शाबासकी देईल या भावनेने तो तिच्या कबरीजवळ जाऊन तिला हाक मारु लागतो पण आईचा तो आवाज त्याला पुन्हा ऐकू येणार नाही हे त्याच्या लक्षातच येत नाही.

“आम्ही थकलो आहोत, युद्ध थांबवा,” रडतंच अमेरिकन महिला सैनिकाने केली विनवणी, सोशल मीडियावर व्यक्त केली शेवटची इच्छा; Video Viral

काय दिसलं व्हिडिओत?

इंटरनेटवर वेगाने व्हायरल होत असलेला हा व्हिडिओ दोन चिमुकल्या भावंडांचा आहे. दोघांची आई त्यांना सोडून या जगातून गेली असल्याचे समजते. आई गेली पण तिचा सहवास काही मुलांच्या हृदयातून गेला नाही आणि म्हणूनच फार निरागसतेने ते तिची भेट घेण्यासाठी तिच्या कबरीजवळ पोहचतात. यावेळी त्यांच्या हातात त्यांना शाळेतून मिळालेला रिपोर्ट कार्ड असतो. व्हिडिओमध्ये मुले त्यांच्या आईच्या कबरीजवळ प्रार्थना करताना, त्यानंतर त्यांचे प्रगतीपुस्तक घेऊन तिच्या शेजारी बसताना दिसतात जे पाहणे फारच भावनिक ठरते. मुलांचा निरागसपणा त्यांच्या मनात असलेलं आईच जिवंत प्रेम आता यूजर्सना भावूक करत आहे. व्हिडिओ आपल्याला आपल्या आयुष्यातील आईचं महत्त्व नव्याने समजावून सांगते.

See more

एक Kiss अन् मृत्यूला बळी पडला व्यक्ती! किंग कोब्राचे चुंबन घेतानाच घडला अनर्थ प्रकार; घटनेचा चित्तथरारक Video Viral

हा व्हिडिओ @mohd_sarwat_khan नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘निकाल लागल्यानंतर, शाळेतील मुले त्यांच्या आईच्या कबरीवर निकाल दाखवण्यासाठी स्मशानभूमीत गेली’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “माझ्या डोळ्यांतील अश्रू थांबत नाहीत, माझी आईसुद्धा गेली, ती मला सहा महिन्यांपूर्वी सोडून गेली. तिची आठवण काढून मी रोज रडते. मला माझ्या आईची खूप आठवण येते.”, दुसऱ्या युजरने लिहिले आहे, “नक्कीच आई वडिलांहून मोठं या जगात कुणीच नाही” आणखीन एका युजरने लिहिले आहे, “त्यांच्यांसोबत फार वाईट झालं, देव त्यांना नेहमी सुखी ठेवो”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.