जमिनीच्या वादातून मुलं झाली हैवान, रस्त्यावरच जन्मदात्या वडिलांना केली बेदम मारहाण; पुण्यातील घटनेचा Video Viral

Son Beat Father : पैशांच्या नादात हैवान झाली पोरं, जन्मदात्या वडिलांना भरस्त्यात करु लागले मारहाण. घटना सध्या सोशल मिडियावर चांगलीच व्हायरल होत असून पोलिसांनी मुलांवर कायदेशीर गुन्हा दाखल केला आहे.

• जमिनीच्या वादातून वृद्ध वडिलांना मुलांकडून मारहाण झाल्याचा धक्कादायक प्रकार समोर आला.
• घटनेचा व्हिडिओ सोशल मीडियावर व्हायरल होत असून नेटकऱ्यांकडून संताप व्यक्त केला जात आहे.
• मारहाणीनंतर वडिलांनी पोलिसांत तक्रार दाखल केली असून प्रकरणाचा तपास सुरू आहे.

पुण्यातील इंदापूरमध्ये जमिनीच्या वादावरुन वडिल-मुलीच्या नात्याला कलंक लागणारी घटना घडली. मुलांनी रागाच्या भरात रस्त्याच्या कडेला वडिलांना बेदम मारहाण करण्यास सुरुवात केली. मुख्य म्हणजे हाता-पायांनी नाही तर काठीने ही मारहाण करण्यात आली. वडिल वेदनेने कळवळत राहिले पण मुलांना काही आपल्या जन्मदात्यावर दया आली नाही. घटना मनाला सुन्न करणारी असून याचा व्हिडिओ सध्या सोशल मिडियावर चांगलाच ट्रेंड करत आहे. चला सविस्तर जाणून घेऊया.

भारतीय टपाल विभागाचा मोठा उपक्रम! टपाल अन् पार्सल आता सायकलवरून नाही, थेट आकाशाच्या मार्गाने पोहचणार घरी; Video Viral

जेव्हा पैशांची लालसा क्षमतेहून अधिक वाढते तेव्हा नात्यातील बंध त्यापुढे लहान वाटू लागतात. जमिन-पैशासाठी बहिण-भावामध्ये, भावा-भावामध्ये भांडणं झालेली आपण पाहिली असतील पण जमिनीसाठी वडिलांना मारहाण करण्याची ही घटना खरोखर धक्कादायक आहे. व्हायरल होत असलेला हा व्हिडिओ इंदापूरच्या सलीम लॉन्स परिसराजवळचा असल्याचे सांगण्यात येत आहे. दोन मुलांनी आपल्या ६५ वर्षांच्या वडिलांवर काठीने हल्ला केला आणि रस्त्यातच कोणतीही भिती आणि लाज न बाळगता निर्दयीपणे त्यांना मारहाण करायला सुरुवात केली. वडिल वेदनेने कळवळत मुलांना थांबवण्याचा खूप प्रयत्न करतात पण मुलांच्या त्यांच्यावर दया येत नाही. व्हिडिओच्या शेवटापर्यंत मुलं आपल्या वडिलांना मारताना दिसून येतात. पिडित वृद्धाची ओळख तुकाराम किसन राउत अशी पटली आहे.

वडिलांनी पोलिसात केली तक्रार

मुलांनी मारहाण केल्यानंतर वडिलही यावर गप्प बसले नाही आणि त्यांनी थेट पोलिस ठाण्यात जाऊन मुलांविरुद्ध तक्रार दाखल केली. पोलिसांनी या प्रकरणात वडिलांच्या तक्रारीच्या आधारे संबंधित मुलांविरोधात गुन्हा दाखल केला गेला आहे. मुलांची ओळख संजय तुकाराम राउत आणि राजेंद्र तुकाराम राउत अशी पटली आहे. मारहाणीच्या व्हिडिओच्या आधारे पोलिस या घटनेचा तपास करत आहे. तथापि, या घटनेने पुन्हा एकदा सिद्ध केले आहे की, लोभापुढे वडिलांसारखं नातं देखील अर्थहिन ठरतं.

महाराष्ट्र के पुणे जिले में जमीन बेचने से नाराज दो बेटों ने टहलने निकले अपने बुजुर्ग माता-पिता को सरेराह सड़क पर डंडों से पीटा.. वहां से गुजर रहे लोगों ने दपंति को बचाया.. pic.twitter.com/RvfZpRiEQr — Ajay Kumar Dwivedi… (@AjayDwi65357304) September 2, 2026

हा आहे पाकिस्तानचा फेक डाॅमिनोज, इथे मेन्यूपासून सर्वकाही आहे बनावटी! परदेशी पर्यटकाने केला पर्दाफाश; Video Viral 

दरम्यान घटनेचा व्हिडिओ @AjayDwi65357304 नावाच्या एक्स अकाऊंटवर शेअर करण्यात आला आहे. व्हिडिओ चांगलाच चर्चेत असून यूजर्सने यातील दृष्यांवर आपले मत व्यक्त केले आहे. एका यूजरने म्हटले की, “अशी मुलं नसलेली बरी”, दुसऱ्या युजरने लिहिले आहे, “पैसा लोकांना काहीही करायला भाग पाडतो”, आणखी एका यूजरने लिहिले आहे, “वडिलांवर हात उगारताना जरा तरी मनाची लाज वाटायला हवी होती”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.