Nepal Mother Save Daughter Video: फक्त 2 सेकंदांचा फरक अन् मोठा अनर्थ! नेपाळच्या महापुरात लेकींसाठी आईची थरारक धडपड

Nepal Mother Save Daughter Video: नेपाळमध्ये मुसळधार पावसामुळे निर्माण झालेल्या भीषण पूरस्थितीने मोठे संकट उभे केले आहे. अनेक भागांत घरं, वाहने आणि मालमत्तेचे मोठ्या प्रमाणावर नुकसान झाले असून बचाव आणि शोधमोहीम सुरू आहे. दिलेल्या माहितीनुसार, ६०० हून अधिक जणांचा मृत्यू झाला असून २,००० पेक्षा जास्त लोक बेपत्ता असल्याचे सांगितले

• नेपाळमध्ये महापुराचा मोठा तडाखा
• ६०० हून अधिक मृत्यू, हजारो जण बेपत्ता असल्याचा दावा
• भारताकडून अन्न-औषधांसह मदतीचा हात

Nepal Floods News: नेपाळमध्ये निसर्गाने अक्षरशः रौद्र रूप दाखवलं आहे. गेल्या काही दिवसांपासून सुरू असलेल्या मुसळधार पावसामुळे सगळीकडे पूर आला आहे. या पुरात लोकांची घरं, गाड्या, सगळं काही वाहून गेलंय. अजूनही तिथे लोकांना शोधण्याचं आणि वाचवण्याचं काम सुरू आहे. आतापर्यंत ६०० हून जास्त लोकांचा जीव गेल्याची बातमी आहे. तर २००० पेक्षा जास्त लोक कुठे आहेत हेच कळत समजत नसून त्यामधील 30 लोक हे पर्यटक असल्याची माहिती मिळते. भारताचे पण बरेच लोक बेपत्ता आहेत, त्यातली ३ लोकांची प्रेतं तर भारतात वाहून आल्याचं सांगितलं जातंय.

नेपाळची परिस्थिती हाताबाहेर

सोशल मीडियावर नेपाळचे असे व्हिडीओ येत आहेत की बघून अंगावर काटा येईल. सगळीकडे फक्त चिखल आणि पाणी. लोक चिखलातून एकमेकांना बाहेर काढत आहेत.या कठीण काळात भारताने लगेच मदतीचा हात पुढे केला आहे. भारतीय लष्कराची विमानं जेवण, औषधं आणि इतर मदत घेऊन नेपाळला पोहोचली आहेत. भारतासोबतच अजून काही देशांनी पण मदत पाठवली आहे.यातच दोन व्हिडीओ सध्या खूप व्हायरल होत आहेत. Nepal Mother Save Daughter Video:

Sirf 2 second ki deri hoti, maa apni dono betiyon ke saath paani mein sama jaati. pic.twitter.com/Fzy2a2RBy5 — Maratha Newz (@Maratha_NEWz) August 29, 2026

पहिल्या व्हिडिओमध्ये काय आहे?

पहिला व्हिडीओ एका आईच्या धाडसाचा आहे. व्हिडीओमध्ये दिसतंय की डोंगरावरून अचानक पाण्याचा मोठा लोंढा येतो. समोरच एक दोन मजली घर होतं, ते एका क्षणात पाण्यासोबत वाहून जातं. पाण्याचा वेग इतका जास्त होता की काही कळायच्या आत घर पडलं.त्याच ठिकाणी रस्त्यावर एक आई आणि तिच्या दोन लहान मुली उभ्या होत्या. मुली नुकत्याच शाळेतून आल्या होत्या, अंगावर शाळेचा ड्रेस आणि गळ्यात ओळखपत्र लटकत होतं. पाणी येताना पाहून आईने क्षणाचाही विचार केला नाही. तिने दोन्ही मुलींचा हात घट्ट पकडला आणि वर डोंगराच्या दिशेने पळायला लागली. पळताना ती रस्त्यावर पडली सुद्धा, पण लगेच उठली आणि मुलींना घेऊन धावत सुटली. जर तिने थोडा जरी उशीर केला असता तर खूप मोठी दुर्घटना घडली असती. तिच्या या वेळी दाखवलेल्या हुशारीचं सगळीकडे कौतुक होतंय.

Footage Shows How Family Trapped Inside Nepal’s Blue House Was Rescued 🎥 GANESH SHRESTHA pic.twitter.com/YX3NiDyoqW — Viral Stringer (@StringerViral) August 29, 2026

दुसऱ्या व्हिडिओमध्ये काय आहे?

दुसरा व्हिडीओ त्या प्रसिद्ध हिरव्या घराचा आहे. याआधी पण या घराचा व्हिडीओ आला होता. पुरात आजूबाजूची सगळी घरं वाहून गेली, पण हे हिरव्या रंगाचं दोन मजली घर मात्र जागचं हललं नाही. पहिल्या मजल्याचं थोडं नुकसान झालंय, पण घर अजूनही उभं आहे. चारही बाजूला पाणी असताना या घरातले लोक मदतीसाठी ओरडत होते.आता या घराचा नवा व्हिडीओ आला आहे. त्यात बचाव पथक त्या घरात अडकलेल्या लोकांना सुरक्षित बाहेर काढताना दिसत आहे. सुदैवाने या घरातले सगळे लोक सुखरूप आहेत.हे दोन्ही व्हिडीओ पाहून नेपाळमध्ये परिस्थिती किती भयानक आहे हे लक्षात येतं.