च्युइंग गम मिठाई नाही! गुजरात हायकोर्टाचा मोठा निर्णय, १२.५% व्हॅट आकारणीचा निर्णय कायम

च्युइंग गम चघळायला अनेकांना आवडते, पण त्याच्या कर आकारणीबाबत गुजरात उच्च न्यायालयाने महत्त्वपूर्ण निर्णय दिला आहे. च्युइंग गमला मिठाईच्या श्रेणीत ठेवता येणार नसल्याचे स्पष्ट करत न्यायालयाने १२.५ टक्के व्हॅट आकारणी योग्य ठरवली.

• च्युइंग गमला मिठाईच्या श्रेणीत ठेवण्यास गुजरात हायकोर्टाचा नकार.
• ४ टक्क्यांऐवजी १२.५ टक्के व्हॅट आकारणीचा निर्णय कायम.
• या निकालाचा थेट परिणाम गुजरातमधील संबंधित करप्रकरणावर; देशभरात कर वाढल्याचा अर्थ नाही.

मुलांपासून मोठ्यांपर्यंत अनेकांना च्युइंग गम चघळायला आवडते. मात्र, च्युइंग गमला मिठाई किंवा गोड खाद्यपदार्थांच्या श्रेणीत ठेवता येणार नसल्याचा निर्वाळा गुजरात उच्च न्यायालयाने दिला आहे. च्युइंग गम चघळल्यानंतर त्याचा उर्वरित भाग गिळला जात नसून फेकून दिला जातो, असे निरीक्षण न्यायालयाने नोंदवले. त्यामुळे त्यावर ४ टक्क्यांऐवजी १२.५ टक्के मूल्यवर्धित कर (व्हॅट) आकारण्याचा निर्णय न्यायालयाने कायम ठेवला आहे.

काय आहे प्रकरण?

गुजरातमधील कॅड मॅक च्यू फूड् ही कंपनी पेपरमिंट, साखरेच्या गोळ्या आणि च्युइंग गमचे उत्पादन करते. या कंपनीच्या कर आकारणीवरून अनेक वर्षांपासून वाद सुरू होता. फेब्रुवारी २००७ मध्ये वाणिज्यिक कर अधिकाऱ्यांनी कंपनीची तपासणी करून विक्री आणि करासंबंधीच्या नोंदींची पडताळणी केली.

Justice K Chandru on Collegium System: न्यायमूर्तींच्या नियुक्तीत ‘भगवेकरण’!; माजी न्यायमूर्ती के. चंद्रूंचा धक्कादायक गौप्यस्फोट

देशभरात च्युइंग गम महागणार का ?

उच्च न्यायालयाचा हा निर्णय गुजरातमधील करप्रकरणाशी संबंधित आहे. त्यामुळे देशभरात च्युइंग गमवरील कर वाढणार असल्याचा निष्कर्ष काढता येणार नाही. या निर्णयाचा थेट परिणाम गुजरातमधील संबंधित कर आकारणीवर होणार आहे.

कंपनीची भूमिका

व्हॅट कर विभागाच्या निर्णयाला कंपनीने आव्हान दिले. त्यानंतर न्यायाधिकरणाने कंपनीच्या बाजूने निकाल देत च्युइंग गमचा समावेश मिठाई आणि गोड खाद्यपदार्थाच्या श्रेणीत केला. त्यानुसार त्यावर ४ टक्के कर लागू करण्याचा निर्णय घेण्यात आला. मात्र, गुजरात सरकारने या निर्णयाला उच्च न्यायालयात आव्हान दिले.

न्यायालयाने काय म्हटले ?

गुजरात उच्च न्यायालयाच्या द्विसदस्यीय खंडपीठाने सुनावणीदरम्यान केवळ एखाद्या पदार्थाची चव गोड आहे म्हणून त्याला खाद्यपदार्थ मानता येणार नाही, असे स्पष्ट केले. च्युइंग गम चघळताना त्याची गोड चव जाणवते, मात्र तो गिळला जात नाही, याकडे न्यायालयाने लक्ष वैधले. त्यामुळे त्याचा समावेश मिठाई किंवा गोड खाद्यपदार्थांच्या कर श्रेणीत करणे योग्य नसल्याचे न्यायालयाने म्हटले. न्यायालयाने व्हॅट न्यायाधिकरणाचा पूर्वीचा निर्णय रद्द करून राज्य सरकारची भूमिका मान्य केली.

राज्य सरकारी विभागांत मोठा घोटाळा; तब्बल 700 कोटींच्या गैरव्यवहारप्रकरणी चौघांना अटक, CBI ची कारवाई

देशभरात च्युइंग गम महागणार का ?

उच्च न्यायालयाचा हा निर्णय गुजरातमधील करप्रकरणाशी संबंधित आहे. त्यामुळे देशभरात च्युइंग गमवरील कर वाढणार असल्याचा निष्कर्ष काढता येणार नाही. या निर्णयाचा थेट परिणाम गुजरातमधील संबंधित कर आकारणीवर होणार आहे.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.