घराच्या छतावर दिसला दुर्मिळ पांढरा मोर, त्याच्या मनमोहक दृष्यांनी यूजर्स झाले मोहित; अद्भुत Video Viral

White Peacock Video : हिरव्या-निळ्या रंगाचा मोर तर आपण अनेकदा पाहिला असेल पण तुम्ही कधी पांढऱ्या रंगाचा मोर पाहिला आहे का? अलिकडे इंटरनेटवर या दुर्मिळ मोराचा व्हिडिओ चांगलाच शेअर केला जात आहे.

• सोशल मीडियावर एक अनोखे आणि लक्षवेधी दृश्य वेगाने व्हायरल होत आहे.
• या व्हिडिओमुळे यूजर्समध्ये आश्चर्य आणि उत्सुकता निर्माण झाली आहे.
• अनेकांनी या दृश्याच्या सौंदर्याचे कौतुक करत प्रतिक्रिया दिल्या आहेत.

सोशल मिडिया एक असे प्लॅटफाॅर्म आहे जिथे कधी काय दिसून येईल ते सांगता येत नाही. इथे नेहमीच अनेक मनोरंजक आणि लक्षवेधी दृष्ये शेअर केली जातात. तर काही असे व्हिडिओही शेअर होतात ज्यांचा आपण कधी स्वप्नातही विचार केला नसावा. अलिकडे असेच एक मनमोहक आणि आपले डोळे दिपवणारे दृष्य इथे शेअर झाले आहे ज्यात छतावर एक सुंदर पांढराशुभ्र मोर बसल्याचे दृष्य दिसून आले. मोर हा जगातील एक सर्वात सुंदर प्राणी मानला जातो. भारताचा तर तो राष्ट्रीय पक्षी आहे. अशात आपण आजवर हिरव्या आणि निळ्या रंगाचाच मोर अधिकतर पाहिला आहे पण नुकत्याच शेअर झालेल्या या व्हिडिओत तुम्हाला हिरवा नाही तर फार दुर्मिळ अशा पांढऱ्या मोराचे दृष्य पाहता येणार आहे.

पठ्ठ्यानं कारला ‘असं’ मॉडिफाय केलं की भले भले इंजिनियरही होतील फेल; गुजरातच्या या कारची होतेय जोरदार चर्चा, Video Viral

काय दिसलं व्हिडिओत?

मोराचे साैंदर्य इतके अद्वितीय होते की त्याला पाहताच लोकांची नजर त्याच्यावरुन हटलीच नाही. विचार करा जर लोकांना हिरवा-निळ्या मोराला पाहून आकर्षण वाटते तर जेव्हा पांढरा मोर त्यांच्या डोळ्यासमोर येईल तेव्हा त्यांची काय प्रतिक्रिया येईल. पांढरा मोर हा फार दुर्मिळ असून भारताबाहेरील देशात तो अधिकतर आढळून येतो. व्हिडिओत घराच्या छतावर मोर मोठ्या ऐटीत बसलेला दिसतो. त्याचा पिसार सुंदर हिरव्या रंगाने नटलेला असतो तर मानेपासूनचे शरीर हे पांढऱ्या रंगाचे असते. लोकांनी जेव्हा त्याला पाहिले तेव्हा ते थक्क झाले आणि अनेकांनी हे दृष्य आपल्या कॅमेरात टिपले. याचा व्हिडिओ जेव्हा सोशल मिडियावर शेअर करण्यात आला तेव्हा यूजर्स त्याला पाहून मोहित झाले आणि अनेकांनी हे दृष्य वेगाने शेअर करण्यास सुरुवात केली. हा मोर नक्की कुठुन आला आणि यानंतर त्याचे काय झाले याची माहिती मात्र व्हिडिओत देण्यात आलेली नाही.

See more

Viral News : …अन् फुकटात चहा प्या, गॅस टंचाईवर पुणेरी जुगाड; पाटी वाचून पोट धरुन हसाल

हा व्हिडिओ @mydigitaldiary.exe नावाच्या इंस्टाग्राम अकाऊंटवरुन शेअर करण्यात आला आहे. व्हिडिओच्या कॅप्शनमध्ये लिहिण्यात आले आहे की, ‘या छोट्याशा पठ्ठ्याने आज गच्चीवर आम्हाला आश्चर्यचकित केले.’. व्हिडिओवर कमेंट्स करत अनेकांनी या दृष्यांवर आपले मत व्यक्त केले. यात एका यूजरने म्हटले की, “तो अत्यंत सुंदर आहे!”, दुसऱ्या युजरने लिहिले आहे, “तो, सर्वकाळातील महानतम कलाकाराने साकारलेल्या अमूर्त कलेसारखा दिसतो.” आणखीन एका युजरने लिहिले आहे, “ही पहिलीच वेळ आहे की मी एक पांढऱ्या मोराला पाहत आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत आम्ही मांडत नाही वा आमचा कोणताही दावा नाही.