गुरुवार, 5 नोव्हेंबर 2026
चिमुकल्यांचा भन्नाट ‘बाल्या डान्स’! गणरायासमोर धरला ठेका, खेडमधील VIDEO व्हायरल
गणपती बाप्पासमोर आयोजित जागरणाच्या कार्यक्रमात मोठ्यांसोबत लहान मुलांनीही सहभाग घेतला. पारंपरिक वेशभूषा परिधान करून चिमुकल्यांनी तालावर ठेका धरत बाल्या डान्स सादर केला. त्यांच्या निरागस चेहऱ्यावरील आनंद, उत्साह आणि तालबद्ध हालचाली पाहून उपस्थितांनीही त्यांना भरभरून दाद दिली.
Viral Video: निषेधासाठी थेट पालिका कार्यालयात कुत्र्यांची ‘Entry’; निफाडमधील व्हिडिओ व्हायरल
कोकणातील गणेशोत्सवाला धार्मिक महत्त्वाबरोबरच सांस्कृतिक परंपरेचीही मोठी जोड आहे. गावागावातील गणेशोत्सवात भजन, कीर्तन, पारंपरिक नृत्य, खेळ आणि विविध लोककलांचे कार्यक्रम पूर्वीपासून सादर केले जातात.
View this post on Instagram
काळानुसार मनोरंजनाची साधने बदलली आणि सोशल मीडियाचा प्रभाव वाढला. त्यामुळे काही पारंपरिक लोककला नव्या पिढीपासून दूर जात असल्याची चिंता व्यक्त केली जाते. अशा परिस्थितीत लहान मुलांनी या कला आत्मसात करून सादर करणे हे कोकणच्या सांस्कृतिक वारशासाठी सकारात्मक चित्र ठरत आहे.
खेडमधील चिमुकल्यांच्या बाल्या डान्सचा व्हिडिओ उपस्थितांपैकी कुणीतरी मोबाईलमध्ये कैद केला. त्यानंतर हा व्हिडिओ सोशल मीडियावर शेअर होताच अनेकांचे लक्ष त्याकडे वेधले गेले. मुकल्यांचा उत्साह आणि पारंपरिक नृत्य पाहून नेटकऱ्यांकडूनही कौतुक होत आहे. गणेशोत्सवाच्या निमित्ताने कोकणची लोककला नव्या पिढीकडे हस्तांतरित होत असल्याचे या व्हिडिओतून अधोरेखित होत आहे.
पूर्वी गाव आणि परिसरापुरत्या मर्यादित राहणाऱ्या अशा लोककलांना आता सोशल मीडियामुळे मोठे व्यासपीठ उपलब्ध होत आहे. गावातील एखाद्या जागरणात सादर झालेली कला काही वेळातच हजारो लोकांपर्यंत पोहोचू शकते.
गणरायाच्या साक्षीने चिमुकल्यांनी सादर केलेल्या या बाल्या डान्समुळे गणेशोत्सवाचा आनंद द्विगुणित झाला असून, कोकणच्या पारंपरिक लोककलेला नव्या पिढीच्या माध्यमातून नवी ओळख मिळताना दिसत आहे.
