‘मला वाचवा…’ सरकारी रुग्णालयात गर्भवतीचा आक्रोश, प्रसूतीदरम्यान मायलेकाचा मृत्यू; Video Viral

Rewa Hospital Video : मध्य प्रदेशच्या मेमोरीअल रुग्णालयात आई आणि नवजात बालकाचा मृत्यू झाल्याने सर्वत्र खळबळ उडाली आहे. प्रसूतीच्या काही तास आधीचा एक व्हिडिओ इंटरनेटवर व्हायरल झाला असून यात महिला रुग्णालयातून जाण्यासाठी विनवणी करताना दिसून आली.

• ‘मला वाचवा…’ महिलेचा VIDEO व्हायरल
• प्रसूतीदरम्यान आई-बाळाचा मृत्यू
• निष्काळजीपणाच्या आरोपानंतर दोन नर्स निलंबित

मध्य प्रदेशच्या रीवा शहरातील मेमोरीअल रुग्णालयात आई आणि बाळाचा मृत्यू झाल्याने एकच खळबळ उडाली आहे. मुख्य म्हणजे, प्रसूतीआधी महिलेचा आधीच रुग्णालयात आक्रोश सुरु होता. मृत्यूनंतर संतापलेल्या कुटुंबाने रुग्णालयाबाहेर धरणे आंदोलन केले आणि वैद्यकीय निष्काळजीपणाचा आरोप लावत संबंधितांवर कारवाई करण्याची मागणी केली. प्रकरणाची गंभीरता पाहता रुग्णालयाने दोन नर्सिंग अधिकाऱ्यांना निलंबित केलं असून या प्रकरणात चाैकशीचे आदेश देण्यात आले आहेत.

Nepal Flood Viral Video: पूराच्या थैमानातही लाजिरवाणी घटना; मृत महिलेचे कानातले काढण्याचा प्रयत्न, Video Viral

श्याम शाह मेडिकल काॅलेजशी संलग्न असलेले संजय गांधी हाॅस्पिटल पुन्हा एकदा वादाच्या भोवऱ्यात अडकले आहे. मंगवान येथील रहिवासी असलेल्या कल्पना मिश्रा यांना २५ ऑगस्टच्या रात्री प्रसूतीसाठी रुग्णालयात दाखल झाल्या होत्या. कुटुंबाने सांगितल्याप्रमाणे, २६ ऑगस्ट रोजी रात्री ऑपरेशन करुन डिलिव्हरी करण्यात आली. त्यांनी दावा केला आहे की, महिलेला वेळेवर उपचार न मिळाल्याने तिचा मृत्यू झाला. यासोबतच रुग्णालयात उपस्थित असणाऱ्या डाॅक्टर आणि अन्य स्टाफने त्यांच्यासोबत चुकीचे वर्तन केल्याचाही दावा केला गेला. प्रसूतीआधीचा व्हिडिओ सोशल मिडियावर वेगाने व्हायरल होत असून यात गरोदर महिला आक्रोश करताना दिसून आली. व्हिडिओची अद्याप अधिकृतरित्या पुष्टी करण्यात आली नसून या घटनेमुळे रुग्णालयाच्या व्यावस्थेवर गंभीर प्रश्न उपस्थित केले जात आहेत.

या प्रकरणात कुटुंबाच्या संमंतीने महिलेवर शवविच्छेदन करण्यात आले असून रुग्णालयातील दोन नर्सिंग अधिकाऱ्यांना निलंबित करण्यात आले आहे. या संपूर्ण प्रकाराच्या चाैकशीसाठी आता एक समिती देखील स्थापन करण्यात आली आहे. महिला आणि मुलाच्या मृत्यूचे खरं कारण अद्याप समोर आलेलं नाही. पोस्टमार्टम रिपोर्ट आणि तपास अहवालांनंतरच मृत्यूचे कारण स्पष्ट होईल. “बाबू, आम्हाला वाचव, ते आम्हाला मारून टाकतील” हा व्हिडिओ तिच्या मृच्यूच्या काही तास आधीचा असल्याचा दावा करण्यात आला आहे. रुग्णालयातून जाण्यासाठी ती यात विनंती करताना दिसते. कुटुंबाने महिलेच्या मृत्यूला रुग्णालयाचा निष्काळजीपणा जबाबदार असल्याचे सांगितले.

Heartbreaking: A 25 year old woman Kalpana Mishra died with her newborn during her first delivery at Gandhi Memorial Hospital in Rewa home district of MP Deputy CM and Health Minister Rajendra Shukla. शब्द: “ऐ बाबू हमको बचा लो ये हमको मार डालेंगे “🙏 A video shows her crying… pic.twitter.com/Hq8oPNXiWh — Ramesh Speaks (@rameshofficial0) August 27, 2026

Viral Video: न भूतो न भविष्यति लग्न! टॉयलेट पेपरचा ड्रेस अन् कॉफी स्टिक्सचा बुके घेऊन कपलने आकाशातच धरला संसार

व्हायरल व्हिडिओ

या घटनेचा एक व्हिडिओ सोशल मिडियावर वेगाने शेअर केला जात आहे ज्यात महिला प्रसूतीआधी स्वत:ला वाचवण्याची विनंती करु लागली. तिच्या आधीच ध्यानात आले होते की, पुढे जाऊन तिच्या जीवाचे काहीतरी बरेवाईट होऊ शकते. व्हिडिओमध्ये महिला म्हणते की, ” बाबू, आम्हाला वाचव, ते आम्हाला मारून टाकतील”. हा व्हिडिओ मृत्यूच्या काही तास आधीचा असल्याचा दावा करण्यात आला आहे. महिलेच्या मृत्यूला रुग्णालयातील निष्काळजीपणा जबाबदार ठरल्याचा दावा कुटुंबाने केला आहे.