‘जिगरबाज ड्रायव्हर!’ निवासी भागात ट्रकला लागली भीषण आग; स्वतःचा जीव धोक्यात घालून रोखला अनर्थ; Video Viral

Truck Caught Fire : आगीच्या ज्वाळांनी पेटून उठला ट्रक, पण चालकाच्या प्रसंगावधानाने टळली मोठी दुर्घटना. रस्त्यातच ट्रकमधील गवताने पेट घेतल्याने चालकाने लोकवस्तीपासून दूरवर ट्रक चालवत नेला. त्याच्या धाडसाचे आता काैतुक केलं जातंय.

• जळता ट्रक भररस्त्यात धावताना दिसला
• लोकवस्तीपासून ट्रक दूर नेला
• ड्रायव्हरच्या प्रसंगावधानाचं होतंय कौतुक

उत्तर प्रदेशच्या सहारनपूरमधून एक धक्कादायक व्हिडिओ समोर आला आहे जो सोशल मिडियावर चांगलाच व्हायरल होत आहे. व्हिडिओमध्ये सुक्या गवताने भरलेला ट्रेक रस्त्यावरुन धावताना दिसला. पण यातील आश्चर्यकारक गोष्ट म्हणजे, या गवताला ट्रकमध्येच आग लागली होती. अशा परिस्थितीत लोकांना त्रास होऊ नये किंवा यात कोणती जिवितहानि होऊ नये म्हणून चालक आपल्या जीवाची बाजी लावतो आणि हा जळलेला ट्रक मेन रोडपासून दूर चालवत घेऊन जातो. ही घटना सध्या सोशल मिडियावर चांगलीच शेअर केली जात असून ड्राव्हरच्या हुशारीचे काैतुक केले जात आहे. चला व्हिडिओ नक्की काय घडलं ते सविस्तर जाणून घेऊया.

अगं बाईई… आता रोबोट्सनेही सुरू केली चीटिंग? शर्यत जिंकण्यासाठी लावला अजब डोकेबाजीतला जुगाड; Video Viral

काय घडलं व्हिडिओत?

मिळालेल्या माहितीनुसार, व्हिडिओतील ही घटना महेश्वरी-सहरनपूर रस्त्यावर घडल्याचे सांगण्यात येत आहे. रस्त्याच्या दुतर्फा घरे, दुकाने आणि लोकांची वर्दळ दिसत आहे. अशा दाट लोकवस्तीच्या ठिकाणी जळता ट्रक थांबवणे हा एक मोठा धोका ठरू शकला असता. ट्रकवर लादलेला सुका गवत आगीच्या ज्वाळांमध्ये जळून खाक होत होता ज्यामुळे परिस्थिती गंभीर झाली होती. यात ट्रकला आग लागण्याचीही शक्यता होती. असं असूनही ट्रक ड्रायव्हरने मात्र आपला जीव धोक्यात घातला आणि रस्त्याच्या मधोमध ट्रकला सोडून न जाता वस्तीपासून दूर ट्रकला घेऊन तो पुढे गेला.काही लोकांनी दावा केली की, त्याने पुढे हा ट्रक अग्निशमन केंद्रावर नेला. तथापि, घटना नेमकी कधी घडली आणि आग लागण्याचे कारण काय हे अद्याप स्पष्ट झालेलं नाही.

व्हिडिओमध्ये आपल्याला जळता ट्रक रस्त्यावरुन वेगाने धावताना दिसून येईल. ट्रकमधील जळते गवत यावेळी रस्त्यावर देखील पडत होते. ट्रकमधून येणारा धूर आणि आगीचे ते दृष्य पाहून अनेकांना धक्का बसला तर काहींनी याचा व्हिडिओ आपल्या फोनच्या कॅमेरात कैद केला. यातीलच एकाने या घटनेचे फुटेज सोशल मिडियावर शेअर केले आहे.

Such brave people are only found in India
A truck load of grass caught fire in middle of residential area .
The driver took the risk of driving it away from the residential area, and seems instead of calling fire engines, he went to fire station with the truck. pic.twitter.com/0RwaW8SLuJ — Woke Eminent (@WokePandemic) August 28, 2026

‘मला वाचवा…’ सरकारी रुग्णालयात गर्भवतीचा आक्रोश, प्रसूतीदरम्यान मायलेकाचा मृत्यू; Video Viral

दरम्यान या घटनेचा हा व्हिडिओ @WokePandemic नावाच्या एक्स अकाऊंटवर शेअर करण्यात आला आहे. अनेक यूजर्सने व्हिडिओवर कमेंट्स करत यातील दृष्यांवर आपले मत व्यक्त केले. एका यूजरने म्हटले की, ड्रायव्हरने स्वतःचा जीव धोक्यात घालून मोठा अपघात टाळला, खरंच कौतुकास्पद!”, दुसऱ्या युजरने लिहिले आहे, “अरे बापरे, पण त्या ट्रकला आग लागली कशी?”, आणखी एका यूजरने लिहिले आहे, “लोकवस्तीपासून ट्रक दूर नेणं हा खरंच योग्य निर्णय होता”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.