‘मुली फॉलो करणार नाहीत तोपर्यंत रुळावरून हटणार नाही!’; फॉलोअर्ससाठी व्यक्तीने दिले मृत्यूला आमंत्रण; Video Viral

Stunt Viral Video : रिलच्या नादात जीवाचा केला साैदा? रेल्वे रुळावर उभं राहून व्यक्तीने बनवली रील. म्हणाला, मुली फाॅलो करत नाहीत तोपर्यंत... ही घटना सध्या सोशल मिडियावर चांगलीच चर्चेत असून यूजर्सने संबंधित व्यक्तीवर कायदेशीर कारवाईची मागणी केली आहे.

• फॉलोअर्ससाठी रेल्वे रुळावर उभा राहिला
• “मुली फॉलो करेपर्यंत हटणार नाही” असा दावा
• व्हिडिओ व्हायरल; पोलिसांकडे कारवाईची मागणी

लोकांच्या आयुष्यात सोशल मिडिया, रिल्स आणि फाॅलोवर्सचा प्रभाव इतका वाढला आहे की, इंटरनेटवर लोकप्रियता मिळवण्यासाठी लोक वाटेल ते करु लागले आहेत. यासाठी कधी धोकादायक स्टंट्स शेअर केले जातात, तर कधी नको ते विचित्र प्रकार पोस्ट केले जातात. बऱ्याचदा काहीतरी वेगळं आणि नवीन करण्याच्या नादात लोक आपला जीव पणाला लावत असतात. अलिकडे व्हायरल झालेल्या घटनेत देखील असेच काहीसे दृष्य दिसून आले. घटना महाराष्ट्राच्या वाशिम जिल्ह्यातील असून यात एक व्यक्ती रेल्वे पटरीवर उभा असल्याचे दृष्य दिसले. मुली फॉलो करणार नाहीत तोपर्यंत रुळावरून हटणार नाही असे त्याने व्हिडिओत म्हटले. चला व्हिडिओविषयी सविस्तर जाणून घेऊया.

‘सर आम्हाला सोडून जाऊ नका…’; शिक्षकाचे ट्रान्सफर अन् मिठी मारून ढसाढसा रडले विद्यार्थी, Video Viral

काय घडलं व्हिडिओत?

व्हिडिओमध्ये व्यक्ती रेल्वे रुळावर उभा राहून आपला व्हिडिओ शूट करतो. हा व्हिडिओ शूट करताना तो म्हणतो की, वाशिम जिल्ह्यातील मुली जोपर्यंत मला फाॅलो करत नाहीत तोपर्यंत मी रेल्वे रुळावरुन हलार नाही. इतकंच नाही तर व्हिडिओमध्ये तो शप्पथ देखील घेतो. रेल्वे रुळावरुन चालत असताना व्यक्ती हा व्हडिओ शूट करतो. यावेळी स्थानकावर किंवा रुळावर कोणतीही ट्रेन नसते. व्ह्यूज आणि लाईक्ससाठी व्यक्तीने आपला जीव धोक्यात घातल्याने सोशल मडियावर मात्र त्याच्यावर चांगलीच टिका व्यक्त केली जात आहे. रेल्वेच्या नियमांनुसार, प्रवाशांना रेल्वे रुळावर जाण्यास मनाई आहे, असे करताना पकडले गेल्यास रेल्वे प्रशासन कायदेशीर कारवाई देखील करु शकते.

वाशिम : *फॉलोअर्स के लिए मौत को दावत* *“लड़कियां फॉलो नहीं करेंगी, तब तक पटरी से नहीं हटूंगा” – युवक का वीडियो वायरल* एंकर : इंस्टाग्राम पर फॉलोअर्स बढ़ाने के जुनून में एक युवक को अपनी जान की भी परवाह नहीं रही! वाशिम में सोशल मीडिया पर प्रसिद्धि पाने के चक्कर में एक युवक ने… pic.twitter.com/3DwQkIT7Vo — Jayprrakash Singh (@jayprakashindia) September 5, 2026

तरुणाने छेडछाड करताच भडकला रोबोट! रागाच्या भरात घेतला असा बदला; VIDEO पाहाल तर तुम्हीही हादराल

इंटरनेटवर व्यक्तीचा हा पराक्रम आता चांगलाच व्हायरल होत असून यूजर्सने पोलिसांकडे कठोर कारवाईची मागणी केली आहे. तथापि, पोलिसांनी यासाठी कोणतेही अधिकृत निवेदन अद्याप जारी केलेले नाही. घटनेचा व्हिडिओ @jayprakashindia नावाच्या एक्स अकाऊंटवर शेअर करण्यात आले आहे. अनेक यूजर्सने या घटनेवर कमेंट्स करत व्हिडिओतील दृष्यांवर आपले मत मांडले आहे. यात एका यूजरने म्हटले की, “फेमस होण्यासाठी लोक आता काहीही करायला लागले आहेत”, दुसऱ्या युजरने लिहिले आहे, “पोलिसांनी याला पकडून चाबकाचे फटके द्यायला हवेत”, आणखी एका यूजरने लिहिले आहे, “रिलच्या मागे लोक अक्कलशूण्य झालेत”.

टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.