शेख हसीना प्रत्यार्पण प्रकरणी नवीन वाद; बांगलादेश भारताला पाठवणार ‘रिमाइंडर लेटर’
ढाका: भारत आणि बांगलादेश यांच्यातील संबंध अधिक बिघडत चालले आहेत. बांगलादेश सोडून आल्यानंतर शेख हसीना यांनी भारतात आश्रय घेतला त्यानंतर वाचावरण अधिकच चिघळले आहे. बांगलादेशने भारताकडे आपल्या माजी पंतप्रधान शेख हसीनाच्या प्रत्यार्पणाची मागणी केली होती. आता शेख हसीना यांच्या प्रत्यार्पणावरुन बांगलादेश आणि भारत यांच्यातील राजनैतिक वादाला पुन्हा तोंड फुटले आहे. बांगलादेशच्या परराष्ट्र मंत्रालयाने भारताला ‘रिमाइंडर लेटर’ पाठविण्याची घोषणा करून हा वाद आणखी चिघळवला आहे. या प्रकरणावरून बांगलादेश भारतावर राजनैतिक दबाव वाढवण्याचा प्रयत्न करत असल्याचे, तज्ज्ञांचे म्हटले आहे.
भारताविरोधात कूटनीतिक दबावाची खेळी
विश्लेषकांच्या मते, बांगलादेशचे यूनुस सरकार हा मुद्दा आंतरराष्ट्रीय स्तरावर उचलून भारताला अडचणीत आणू इच्छित आहे. संयुक्त राष्ट्र, आंतरराष्ट्रीय न्यायालय (ICC)यांसारख्या संस्थांकडून पाठिंबा मिळवण्याचा बांगलादेशचा प्रयत्न भारतासाठी धोकादायक ठरु शकतो असे म्हटले जात आहे. याशिवाय, पाकिस्तान व चीनसारख्या भारतविरोधी देशांशी हातमिळवणी करून बांगलादेश राजनैतिक लाभ उचलण्याचा प्रयत्न करत आहे. यूनुस सरकारच्या हालचाली दर्शवत आहेत की, हा मुद्दा बांगलादेशच्या अंतर्गत राजकारणाशी जोडलेला आहे. त्यांच्या धोरणाचा उद्देश राजकीय गुण मिळवण्याचा असून भारताला बदनाम करण्याचा आहे, असे तज्ञांनी स्पष्ट केले आहे.
काय असेल भारताची रणनीती?
तज्ञांच्या म्हणण्यानुसार, भारताने या परिस्थितीत सावध भूमिका घेतली पाहिजे. कूटनीतिक मार्गाने चर्चा सुरू ठेवत, अमेरिका, जपान व युरोपीय देशांचे समर्थन मिळवणे भारतासाठी महत्त्वाचे ठरेल. तसेच, बांगलादेशच्या उकसवण्याला जागतिक पातळीवर योग्य उत्तर देणे गरजेचे असल्याचे तज्ञांनी म्हटले आहे. भारताने आंतरराष्ट्रीय समुदायाला पटवून द्यावे की हा वाद फक्त ढाक्याच्या अंतर्गत राजकारणाचा भाग आहे. भारताच्या धोरणावर प्रश्न उपस्थित झाला आहे की, तो शांत राहील की बांगलादेशच्या राजनैतिक चालांना कठोर उत्तर देईल.
शेख हसीना वाजिद यांचे आरोप
शेख हसीना यांचे पुत्र वाजिद यांनी यूनुस सरकारवर न्यायालयीय यंत्रणेचा राजकीय सूडासाठी गैरवापर केल्याचा आरोप केला आहे. त्यांनी इंटरनॅशनल क्रिमिनल ट्रिब्यूनलच्या माध्यमातून हसीना व त्यांच्या सहकाऱ्यांविरोधात ताशाच्या पत्त्यांसारखी खटले उभारल्याचा आरोप केला आहे. शेख हसीना या 16 वर्षांपूर्वी बांगलादेशातील आरक्षणविरोधी आंदोलनानंतर भारतात आश्रयाला आल्या होत्या. आता बांगलादेशने भारतावर प्रत्यर्पणाचा दबाव आणून राजनैतिक खेळी सुरू केली आहे. भारताला संयम व चातुर्याने या परिस्थितीचा सामना करावा लागणार आहे.
.png "Videos"){kind=small}
