मध्यपूर्वेत महायुद्धाची नांदी? अमेरिकेचा होर्मुझ बेटांवर ताबा मिळवण्याचा प्लॅन; पण हे पाऊल ठरणार 'मूर्खपणा'? ( फोटो सौजन्य : सोशल मीडिया )
Trump Kharg Island Attack News : शुक्रवारी, १३ मार्च रोजी अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणच्या ‘खार्ग’ बेटावर यशस्वी हवाई हल्ला केल्याची घोषणा केली आणि जागतिक राजकारणात खळबळ उडाली. या हल्ल्यामुळे आता चर्चा सुरू झाली आहे ती म्हणजे, अमेरिका होर्मुझची सामुद्रधुनी (Strait of Hormuz) आपल्या पूर्ण नियंत्रणात घेण्याच्या तयारीत आहे का? याच दरम्यान, अमेरिकेचे माजी नौदल अधिकारी आणि संरक्षण तज्ज्ञ माल्कम नॅन्स यांनी एका अशा योजनेचा खुलासा केला आहे, जी ऐकून संरक्षण विश्वाचे डोळे पांढरे झाले आहेत. त्यांनी या योजनेला ‘धोकादायक’ आणि ‘मूर्खपणा’ असे संबोधले आहे.
माल्कम नॅन्स यांच्या मते, अमेरिकन लष्करी वर्तुळात अनेक दशकांपासून एक योजना चर्चेत आहे. या योजनेनुसार, अमेरिका प्रथम इराणच्या मालकीची लाराक, होर्मुझ आणि केश्म ही तीन महत्त्वाची बेटे ताब्यात घेईल आणि त्यानंतर इराणच्या मुख्य भूभागावरील ‘बंदर अब्बास’ या बंदराला वेढा घालेल. नॅन्स यांनी सांगितले की, हे काम पूर्ण करण्यासाठी किमान ६,००० मरीन सैनिक आणि अत्याधुनिक लष्करी उपकरणांची आवश्यकता असेल. मात्र, ही योजना ४० वर्षांपूर्वी तयार करण्यात आली होती आणि आजच्या काळात ती अंमलात आणणे म्हणजे मृत्यूला आमंत्रण देण्यासारखे आहे.
US President Donald Trump: The U.S. Navy will begin escorting tankers through the Strait of Hormuz “soon”. pic.twitter.com/EJqcNPEPUt — Aditya Raj Kaul (@AdityaRajKaul) March 13, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : War Updates : इराणचा सौदी अरेबियावर मोठा हल्ला; प्रिन्स सुलतान विमानतळावर 5 अमेरिकन विमाने केली उद्ध्वस्त
होर्मुझ ताब्यात घेणे अमेरिकेसाठी सोपे का नाही, याचे सविस्तर विश्लेषण नॅन्स यांनी केले आहे. ते म्हणतात की, इराणचे आयआरजीसी (IRGC) आणि बासीज दलाचे सैनिक पर्वतांच्या रांगांमध्ये लपून बसले आहेत. अमेरिकन नौदल सामुद्रधुनीत शिरताच, इराणकडून आत्मघाती नौका, पाणबुडी ड्रोन आणि पर्वतांवरून क्षेपणास्त्र हल्ले सुरू होतील. इतकेच नाही तर इराणने होर्मुझच्या तळाशी अशा प्रकारच्या ‘खाणी’ (Sea Mines) पेरल्या आहेत, ज्यांचा थांगपत्ता लावणे अमेरिकेला अद्याप शक्य झालेले नाही.
Thos guy just humiliated liar Malcolm Nance. He sets the record straight about US Navy mine clearing in the Persian Gulf & Strait of Hormuz. https://t.co/2VqeOtKJPB — Harold__Finch (@HaroldWren22) March 11, 2026
credit – social media and Twitter
अमेरिकेला या युद्धासाठी लागणारा रसद पुरवठा युएई (UAE) आणि कतारमधील तळांवरून करावा लागेल. मात्र, नॅन्स यांनी निदर्शनास आणून दिले की, हे देश अशा प्रकारच्या भीषण युद्धासाठी तयार नाहीत. जर अमेरिकेने होर्मुझवर हल्ला केला, तर इराणचे पहिले लक्ष हे युएई आणि कतारमधील अमेरिकन तळ असतील. यामुळे केवळ अमेरिकाच नाही, तर संपूर्ण आखाती देश विनाशाच्या खाईत लोटले जातील.
जागतिक घडामोडी संबंधित बातम्या वाचण्यासाठी येथे क्लिक करा : War Updates : इराणचा सौदी अरेबियावर मोठा हल्ला; प्रिन्स सुलतान विमानतळावर 5 अमेरिकन विमाने केली उद्ध्वस्त
नॅन्स यांनी शेवटी एक महत्त्वाचा मुद्दा मांडला. ते म्हणाले की, जर पेंटागॉनने इटलीहून हिंद महासागरात ‘एक्सपिडिशनरी सी बेस’ जहाज आणले, तरच कदाचित ते होर्मुझमध्ये काही काळ तग धरू शकतील. पण इराणच्या भौगोलिक स्थितीचा विचार करता, ही संपूर्ण मोहीम अमेरिकेसाठी एका मोठ्या सापळ्यासारखी ठरेल. ट्रम्प यांचा आक्रमक पवित्रा आणि २५०० मरीन सैनिकांची तैनाती यामुळे जग आता एका निर्णायक वळणावर उभे आहे.
Ans: राष्ट्राध्यक्ष ट्रम्प यांनी इराणच्या मोक्याच्या 'खार्ग' (Kharg Island) बेटावर अमेरिकन सैन्याने हल्ला केल्याचे जाहीर केले आहे.
Ans: जगातील २०% तेल पुरवठा याच मार्गावरून होतो. यावर ताबा मिळवणे म्हणजे जागतिक अर्थव्यवस्थेची नाडी हातात घेण्यासारखे आहे.
Ans: कारण इराणची भौगोलिक स्थिती, त्यांचे आत्मघाती ड्रोन आणि समुद्रातील सुरुंग यांमुळे अमेरिकेचे मोठे नुकसान होऊ शकते, असा त्यांचा दावा आहे.
