अमेरिकन सैन्यात मोठा बदल; ट्रम्प प्रशासनाचा ट्रान्सजेंडर्सना वगळण्याचा निर्णय?
नवी दिल्ली: अमेरिकेचे नवनिर्वाचित राष्ट्राध्यक्ष डोनाल्ड ट्रम्प सध्या ट्रम्प प्रशासनात आपल्या दुसऱ्या कार्यकाळात अमेरिकेतील LGBTQIA+ समुदायावर मोठा बदल करण्याची तयारी करत आहेत. मिळालेल्या माहितीनुसार, डोनाल्ड ट्रम्प लवकरच एक कार्यकारी आदेश लागू करण्या असून याची तयारी सुरू करण्यात आली आहे. यामध्ये अमेरिकेच्या सैन्यातून सर्व ट्रांसजेंडर सदस्यांना बाहेर काढण्यात येणार असल्याचे म्हटले जात आहे.
ट्रान्सजेंडर्सना सैन्याच्या सेवेपासून वगळण्यात येणार
इंग्रजी वृत्तपत्राने दिलेल्या माहितीनुसार, या आदेशात, ट्रान्सजेंडर सैन्याच्या सेवेपासून “अयोग्य” ठरतील आणि त्यांना चिकित्सकीय दृष्ट्या सेवा देण्यात येणार नाही. याआधीच्या कार्यकाळात देखील डोनाल्ड ट्रम्प यांनी अमेरिकेतील सैन्यात ट्रान्सजेंडर सदस्यांना सामील करण्यास विरोध दर्शवला होता. मात्र, त्यावेळी सैन्यात आधीपासून कार्यरत असलेल्या ट्रान्सजेंडर्सना त्या सेवेत राहण्याची मुभा देण्यात आली होती.
मात्र, नवीन आदेशानुसार, सैन्यात सेवा करणाऱ्या सर्व ट्रांसजेंडरांना बाहेर काढण्यात येणार आहे. मीडिया रिपोर्टनुसार, या निर्णयाचा परिणाम सुमारे 15,000 ट्रान्सजेंडर सैनिकांवर होण्याची शक्यता आहे. रिपोर्ट्सनुसार, जो बाइडन यांच्या अध्यक्षतेत ट्रम्पच्या त्या बंधनांची छटा हटविण्यात आली होती. तसेच ट्रान्सजेंडर्सना खेळापासून दूर ठेवण्यात देखील ट्रम्प यांनी निर्णय घेतला होता.
जागतिक घडामोडी संबंधित बातम्या- तुर्कीतील विमानतळावर रशियन विमानाला भीषण आग; घटनेचा VIDEO व्हायरल
फोटो सौजन्य: सोशल मीडिया
निवडणुक प्रचारदरम्यान देखील ट्रान्सजेंडर मुद्द्यावर चर्चा
ट्रम्प यांनी एका प्रमुख दृष्टिकोनातून, अमेरिकेला कथित “जागृती” आणि “वामपंथी विचारधारा”पासून मुक्त करण्याचे संकेत दिले आहेत. त्यांनी त्यांच्या निवडणुकीच्या प्रचारादरम्यान म्हटले होते की, “तांत्रिक आणि अन्यायपूर्ण शिकवणींचे विरोध करणारे शाळा आणि संस्थांना निधी कमी करावा.” ट्रान्सजेंडर खेळाडूंना मुलींच्या खेळांमध्ये सहभागी होण्यापासून प्रतिबंध घालण्याचीही मागणी त्यांनी केली होती. तसेच लिंग ओळखीवरील शालेय पाठ्यक्रमांवर बंदी घालण्याची त्यांनी इच्छा व्यक्त केली होती.
ट्रान्सजेंडर कर्मचाऱ्यांच्या समावेशामुळे अमेरिकेच्या सुरक्षेवर परिणाम
ट्रम्प यांच्या या निर्यावर त्यांच्या बाजूने पीट हेगसेथ या व्यक्तीने वकिली केली आहे. त्यांनी अमेरिकेतील सैन्यात महिला आणि ट्रान्सजेंडर कर्मचाऱ्यांच्या समावेशामुळे अमेरिकेच्या सुरक्षेवर परिणाम होत असल्याचे म्हटले आहे. मीडिया रिपोर्टनुसार, हेगसेथ यांच्या मते, या पावलांमुळे सैन्याची कार्यक्षमता आणि सुरक्षितता कमी होईल. यामुळे ट्रम्प राष्ट्राध्यक्षपदाची सूत्रे हाती घेतल्यानंतर 20 जानेवारी 2025 रोजी हा आदेश जारी करू शकतात असा अंदाज बांधला जात आहे.
.png "Videos"){kind=small}
