फोटो सौजन्य सोशल मीडिया
वाढते व्याजदर, महागाई, युद्धजन्य परिस्थिती आणि परदेशी आर्थिक मदतीतील घट यामुळे या देशांच्या अर्थव्यवस्थांवर मोठा दबाव निर्माण झाला आहे. शांतीचे वातावरण प्रस्थापित होण्याची आशादायी चिन्हे कमी प्रमाणात दिसत आहेत . अशातच कर्जाचा हप्ता आणि व्याज भरण्यातच सरकारी उत्पन्नाचा मोठा हिस्सा खर्च होत असल्याने विकासकामांसाठी निधी उरणे कठीण झाले आहे.
विकसनशील देशांना मिळणाऱ्या सरकारी महसुलाचा मोठा भाग कर्जावरील व्याज आणि परतफेडीसाठी खर्च करावा लागत आहे. त्यामुळे आरोग्य, शिक्षण, रोजगार आणि पायाभूत सुविधांसाठी उपलब्ध असलेला निधी कमी होत आहे. अनेक देशांना नवीन कर्ज घेऊन जुन्या कर्जाची परतफेड करण्याची वेळ आली आहे.जवळपास सगळीकडे अनिश्तितता पसरली आहे . बाजारात पैसा बाहेर निघत नाही आहे .
Iraq News : इराक मधील महिलांचे नवीन शस्त्र मोबाईल ; लैंगिक छळाविरुद्ध कॅमेऱ्याचा वापर
विकसनशील देशांचे एकत्रित बाह्य कर्ज प्रचंड वाढले आहे. आंतरराष्ट्रीय बाजारपेठेतून घेतलेल्या कर्जावरील व्याजदर वाढल्याने आर्थिक परिस्थिती आणखी कठीण झाली आहे. त्यातच परदेशी आर्थिक मदत आणि गुंतवणुकीचा ओघ कमी झाल्याने या देशांसमोर विकासासाठी निधी उभारण्याचे मोठे आव्हान निर्माण झाले आहे. यामुळे अस्थिरता असताना जवळील पैसा खर्च करण्याची इच्छा कमी होत चालली आहे .
मध्यपूर्वेतील संघर्ष आणि रशिया-युक्रेन युद्धामुळे जागतिक बाजारपेठेत इंधन, अन्नधान्य आणि वाहतुकीचा खर्च वाढण्याची भीती आहे. आयातीवर अवलंबून असलेल्या गरीब देशांना याचा मोठा फटका बसत आहे. चलनाचे अवमूल्यन, वाढती महागाई आणि परकीय चलनाचा तुटवडा यामुळे आर्थिक संकट अधिक गडद होत आहे.
या परिस्थितीत कर्जपुनर्रचना, आर्थिक मदत आणि खासगी गुंतवणूक वाढवण्याची मागणी जोर धरत आहे.या सगळ्यात मात्र युद्धासाठी लागणारे सर्व प्रकारचे साहित्य आणि शस्त्र पुरवणारे जे देश यामध्ये आघाडीवर आहेत त्यांचा व्यवसाय मात्र तेजीत सुरु आहे . शस्त्र आणि दारूगोळ्याचा विक्रीमुळे काही ठराविक देश मात्र आपली अर्थव्यवस्था मजबूत करत आहेत .
.png "Videos"){kind=small}
