बुधवार, 16 सप्टेंबर 2026
फोटो सौजन्य AI
प्रस्तावानुसार १३ वर्षांखालील मुलांना सोशल मीडिया प्लॅटफॉर्मवर स्वतंत्र प्रवेश मिळणार नाही, तर १३ ते १५ वयोगटातील मुलांसाठी पालकांच्या नियंत्रणाखाली मर्यादित प्रवेशाची व्यवस्था केली जाणार आहे. मात्र, हे नियम अद्याप कायदा झालेले नाहीत; पुढील प्रक्रियेनंतर त्यावर अंतिम निर्णय होणार आहे.
या प्रस्तावाचा मुख्य उद्देश मुलांना सोशल मीडियावरील हानिकारक कंटेंट, व्यसनाधीन करणाऱ्या फीचर्स आणि अनोळखी व्यक्तींशी होणाऱ्या संपर्कापासून सुरक्षित ठेवणे हा आहे. १३ वर्षांखालील मुलांसाठी स्वतंत्र सोशल मीडिया अकाउंटवर निर्बंध आणण्याची योजना आहे.
त्याऐवजी वयानुसार सुरक्षित आणि मुलांसाठी तयार केलेल्या डिजिटल सेवांचा वापर करण्याची व्यवस्था प्रस्तावित आहे. युरोपियन कमिशनच्या प्रस्तावात सोशल मीडिया कंपन्यांना वापरकर्त्यांचे वय पडताळण्याची जबाबदारी देण्याचाही विचार आहे.
AI Threat : बिल गेट्स यांचा गंभीर इशारा; घातक आजार निर्माण करण्यासाठी AIचा गैरवापर होऊ शकतो!
१३ ते १५ वर्षांच्या मुलांना सोशल मीडिया वापरण्यास पूर्ण स्वातंत्र्य न देता मर्यादित सुविधा देण्याचा प्रस्ताव आहे. या वयोगटातील अकाउंट्सवर पालकांची परवानगी आणि देखरेख असू शकते. स्क्रीन टाइमवर मर्यादा तसेच काही फीचर्सवर नियंत्रण ठेवण्याची शक्यता आहे.
१५ वर्षांवरील किशोरवयीन मुलांना सोशल मीडिया वापरण्याची अधिक मुभा असेल; मात्र प्लॅटफॉर्मना त्यांच्या सुरक्षेसाठी ‘safe by design’ पद्धतीचा अवलंब करावा लागणार आहे.
Iran War : युद्ध की पैशांचा महापूर? अमेरिकेने खर्च केले तब्बल ३३.४ अब्ज डॉलर
या प्रस्तावाचा परिणाम TikTok, Instagram आणि YouTubeसारख्या मोठ्या डिजिटल प्लॅटफॉर्मवर होऊ शकतो. मुलांना सतत स्क्रोल करत ठेवणाऱ्या डिझाइन पद्धती, कृत्रिम नोटिफिकेशन्स आणि वापरकर्त्यांचा सहभाग वाढवण्यासाठी वापरल्या जाणाऱ्या काही पद्धतींवरही निर्बंध आणण्याचा विचार आहे.
मुलांच्या ऑनलाइन सुरक्षेबाबत युरोपमध्ये आधीपासूनच चर्चा सुरू आहे. आता संपूर्ण EUमध्ये समान नियम लागू करण्याचा प्रयत्न केला जात आहे. मात्र प्रस्तावाला युरोपियन संसद आणि सदस्य देशांची पुढील मंजुरी आवश्यक आहे. त्यामुळे प्रत्यक्ष नियम कधी आणि कोणत्या स्वरूपात लागू होतील, हे पुढील कायदेशीर प्रक्रियेनंतर स्पष्ट होणार आहे .
