Hajj Pilgrimage 2026 : युद्धाच्या सावटात हज यात्रेला सुरुवात ; सौदी अरेबियाकडून यात्रेकरुंसाठी विशेष हवाई सुरक्षा तैनात

Hajj Pilgrimage News : इराण युद्धाच्या सावटात हज यात्रेला सुरुवात झाली आहे. याच पार्श्वभूमीवर सौदीने १५ लाख भाविकांसाठी सुरक्षेच्या दृष्टीकोनातून एअर डिफेन्स, विशेष कमांडो आणि मिलिटरी मक्का-मदिना येथे तैनात केली आहे.

• युद्धाच्या सावटात हज यात्रेला सुरुवात
• सौदी अरेबियाकडून यात्रेकरुंसाठी विशेष हवाई सुरक्षा तैनात
• संपूर्ण देशात हाय अलर्ट

Hajj Pilgrimage 2026 : रियाध : सध्या अमेरिका इराणमध्ये शांतता चर्चा सुरु असली तरी मध्यपूर्वेत तणावपूर्ण परिस्थिती आहे. दरम्यान या युद्धाच्या सावटात यंदाच्या पवित्र हज यात्रेला प्रारंभ झाला आहे. २५ ते २९ मे २०२६ दरम्यान होणाऱ्या यात्रेसाठी जगभरातून तब्बल १५ लाखाहून अधिक मुस्लिम बांधव यात्रेसाठी मक्का आणि मदिना येथे दाखल झाले आहेत. यामुळे युद्धजन्य परिस्थितीच्या पार्श्वभूमीवर सौदी अरेबियाकडून देशभरात कडक सुरक्षा तैनात करण्यात आली आहे.

‘I Love Modi…’ : दिल्लीतील कार्यक्रमात Donald Trump यांचा थेट व्हिडिओ कॉल; स्वत:ला केलं PM मोदींचा मोठा फॅन घोषित

मक्का आणि मदीन भोवती हवाई संरक्षण तैनात

सौदी अरेबियाच्या सरंक्षण मंत्रालयाने दिलेल्या माहितीनुसार, 

• यंदाच्या सुरक्षेत सर्वात महत्त्वाचे म्हणजे हवाई संरक्षण प्रणाली हाय-अलर्टवर तैनात करण्यात आल्या आहेत. इराण आणि अमेरिकेतील तणाव अद्यापही निवळलेला नाही.
• याच पार्श्वभूमीवर मक्का आणि मदीन या पवित्र शहरांवर होणाऱ्या संभाव्य हल्ल्याच्या पार्श्वभूमीवर हवाई संरक्षण प्रणाली तैनात करण्यात आली आहे. जेणेकरुन हवाई हल्ला, क्षेपणास्त्र, ड्रोन यांना हवेत नष्ट केले जाईल.

सौदी अरेबियाने केवळ लष्करीच नव्हे, तर डिजिटल आणि आधुनिक तंत्रज्ञानाचा वापर करुन एक व्यापर ऑपरेशन प्लॅन तयार केला आहे.

• गर्दीचे नियंत्रण करणे आणि ग्रॅंक मॉस्क परिसराचे रक्षण करण्यासाठी विशेष मिलेटरी आणि कमांडो सैनिक तैनात केले आहेत.
• याशिवाय रासायनिक, जैविक, रेडिओलॉजिकल आणि आण्विक धोक्यांचा सामना करण्यासाठी देखील विशेष सुरक्षा तैनात करण्यात आली आहे.
• यात्रेवर लक्ष्य ठेवण्यासाठी अत्याधुनिक ड्रोन, क्विक रिस्पॉन्स टीम आणि डिजिटल कोऑर्डिनेशन सिस्टमचा वापर करण्यात आला आहे.

अमेरिका इराण तणाव

फेब्रुवारी २०२६ पासून अमेरिका इराणमध्ये तीव्र संघर्षाचे वातावरण होते. अमेरिका-इस्रायलने इराणविरोधात ऑपरेशन एपिक फ्युरी नावाची लष्करी मोहिम सुरु केली होती. याचा उद्देश इराणच्या अण्वस्त्र कार्यक्रमाला रोखणे होता. या हल्ल्यांमध्ये इराणचे सर्वाेच्च नेते अयातुल्ला खामेनेई यांचा मृत्यू झाला. ज्यामुळे परिस्थिती चिघळली.

इराणने सर्वोच्च नेत्याच्या हत्येनंतर आक्रमक होत आखाती देशातील अमेरिकेच्या लष्करी तळांना लक्ष्य केले. यामुळे प्रचंड तणाव निर्माण झाला होता. सौदी अरेबिया, कतार, यूएईमध्ये मिसाइल आणि ड्रोन इराणने डागले होते. हीच परिस्थिती लक्षात घेता पुन्हा हल्ला झाल्यास त्याला रोखता यावे यासाठी सौदी अरेबियात कडक सुरक्षा तैनात करण्यात आली आहे

Israel Warns Iran : ‘गरज पडल्यास पुन्हा हल्ला करु’ ; US Iran शांतता चर्चेदरम्यान इस्रायलचा उघड इशारा