India Pakistan Conflict : भारताने UNSC पाकिस्तानची बोलती केली बंद; दहशतवादावर भर सभेत सर्जिकल स्ट्राईक

India Pakistan Tension : UNSC त भारताने पुन्हा एकदा पाकिस्तानची बोलती बंद केली आहे. पाकिस्तानच्या दहशतवादी प्रपोगंडाला चोख प्रत्युत्तर दिले आहे. पाकिस्तानने दहशतवादाविरोधात ठोस पावले उचलावीत असे भारताने म्हटले आहे.

• पाकिस्तानची पुन्हा बोलती बंद
• UNSC मध्ये दहशतवादावर भारताने सुनावले खडे बोल
• जाणून घ्या काय म्हटले?

India on Pakistan in UNSC : नवी दिल्ली : संयुक्त राष्ट्र शिखर परिषदेत भारताने पुन्हा एकदा पाकिस्तानला (Pakistan) खडे बोल सुनावले आहे.  भारताने दहशतवाद आणि  दुहेरी भूमिकेवर पाकिस्तानच्या धोरणावर कठोर टीका केली आहे. भारताचे संयुक्त राष्ट्रातील स्थायी प्रतिनिधी पी. हरीश यांनी पाकिस्तानवर दहशतवाद्यांना समर्थन करणे, खोटा प्रपोगंडा पसरवणे आणि आंतरराष्ट्रीय नियमांचे उल्लंघन केल्याचा आरोप केला आहे. त्यांनी पुराव्यांसह स्पष्ट केले आहे की, पाकिस्तानचा केवळ भारताला आणि भारतीय नागरिकांना नुकसान पोहोचवण्याचा हेतू आहे.

‘आम्ही भारताचा नकाशा बदलू…’ ; पाकिस्तानची पुन्हा युद्धाची धमकी; दहशतवाद्यांसह असीम मुनीरचा नवा डर्टी प्लॅन उघड

गेल्या वर्षी संयुक्त राष्ट्र परिषदेत पाकिस्तानच्या प्रतनिधींनी भारताच्या पाकिस्तानवरील लष्करी कारवाईवर द्वेषपूर्ण विधाने केली होती. भारताने ही विधाने खोटे आणि स्वार्थी असल्याचे स्पष्ट केले आहे. भारताने पहलगाम हल्ल्याचा उल्लेख करत या हल्ल्यात २६ निरापराध लोकांचा बळी घेतला असल्याचे सांगितले. हा हल्ला पाकिस्तानच्या दहशतवादाला खतपाणी देण्यामुळे झाला असल्याचे सांगितले.

आत्मपरिक्षणाचा सल्ला

UNSC मध्ये बोलताना पी. हरीश यांनी पाकिस्तान आंतरराष्ट्रीय कायद्याचे उल्लंघन करत असल्याचे म्हटले. तसेच त्यांनी पाकिस्तानच्या अंतर्गत परिस्थितीवर भाष्य करत देशाच्या संविधानात २७ व्या घटनादुरुस्तीद्वारे लष्कराला संरक्षण दिले असल्याचे म्हटले. ही कृती पाकिस्तानच्या लोकशाही व्यवस्थेला धोका पोहोचवणारी असल्याचे पी. हरीश यांनी ठासून सांगितले.

दहशतवादविरोधी पावले उचलण्याचा सल्ला

याच वेळी पी. हरीश यांनी पाकिस्तानला दहशतवादाविरोधात कारवाई करण्याचा सल्ला दिली. तसेच त्यांनी आंतरराष्ट्रीय समुदायाला आवाहन केले की, जोपर्यंत पाकिस्तान दहशतवाद्यांविरोधात आणि दहशतवादाविरोधात कठोर पावले उचलत नाही तोपर्यंत पाकिस्तानच्या धोरणांवर आणि दाव्यांवर विश्वास ठेवू नये. भारताने हेही स्पष्ट केले की, दहशतवादाला पाठिंबा देणाऱ्यांसाठी आंतरराष्ट्रीय व्यासपीठ उपलब्ध करणे योग्य नाही. भारताच्या सुरक्षेसाठी हे पाऊल उचलण्याचे स्पष्ट केले.  याशिवाय पी. हरीश यांनी भारत नेहमीच पाकिस्तानच्या दहशतवादी आणि धोकादायक भूमिकेविरोधात कारवाई करत राहिले असे स्पष्ट केले.

See more

India advises Pakistan to introspect about the rule of law at UNSC. Raises questions on the 27th amendment under which the Pakistani military engineered a “constitutional coup”. Statement by @IndiaUNNewYork @AmbHarishP pic.twitter.com/R7HjdGX2le — Sidhant Sibal (@sidhant) January 27, 2026

पाकिस्तानची बोलती बंद! UNSC च्या बैठकीत हल्ल्याबाबत एकाही प्रश्नाचे देता आले नाही उत्तर