Oil Politics: तेल खरेदीवरुन पुन्हा उडणार भडका? भारताचा अर्थसंकल्प सादर होत असताना डोनाल्ड ट्रम्प यांची मोठी घोषणा

Donald Trump on India Oil Deal: ट्रम्प यांनी एक खळबळजनक विधान केले आहे. दावा केला आहे की, भारत इराणकडून नाही, तर व्हेनेझुएलाकडून तेल खरेदी करणार आहे. यासाठी अमेरिकेची भारताशी चर्चा झाली आहे.

• भारताच्या बजेटदरम्यान डोनाल्ड ट्रम्प यांची मोठी घोषणा
• इराण नव्हे व्हेनेझुएलाकडून तेल खरेदी करणार भारत?
• अमेरिकेसोबत भारताने बजेटपूर्वीच केली डील?

Donld Trump : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी मोठी घोषणा केली आहे. ट्रम्प यांनी दावा केला आहे की, भारत व्हेनेझुएलाकडून तेल खरेदी करणार आहे. यासाठी त्यांनी भारताशी आधीच करार केला आहे. ट्रम्प यांच्या दाव्याने जागतिक स्तरावर मोठी खळबळ उडाली आहे. सध्या भारताचे केंद्रीय अर्थसंकल्प सादर होत आहे. भारताच्या अर्थमंत्री निर्मला सीतारमण सलग 9व्यांदा भारताचे बजेट (Budget) सादर करत आहे. याच वेळी ट्रम्प यांच्या विधानाने खळबळ उडाली आहे.

Budget 2026: अमेरिका ते रशिया… संपूर्ण जगाच्या नजरा भारताच्या तिजोरीवर; जागतिक अस्थिरतेदरम्यान अर्थसंकल्प बदलणार चित्र?

डोनाल्ड ट्रम्प यांनी फ्लोरिडा येथे विमाना एअर फोर्सच्या पत्रकारांशी बोलत असताना हे विधान केले आहे. त्यांनी म्हटले की, भारत आणि अमेरिकेत आधीच तेलावर करार झाला होता. या करारवर संपूर्ण योजना आखण्यात आली होती. दोन्ही देशांनी यासाठी मूलभूत चौकट, समजूतदार पैलूंवर चर्चा होऊन करार करण्यात आला आहे. या कराराला ट्रम्प यांनी कॉन्सेफ्ट ऑफ डील असे म्हटले आहे.

चीनचेही केले स्वागत

दरम्यान याच वेळी ट्रम्प यांनी असेही म्हटले की, व्हेनेझुएला (Venezuela) तेल खरेदीसाठी चीन देखील अमेरिकेसोबत करार करु शकतो. त्यांचेही अमेरिका मोठ्या उत्साहाना स्वागत करेल. ट्रम्प यांच्या मते यामुळे आंतरराष्ट्रीय बाजारात व्हेनेझुएला तेल व्यवहाराला अधिक व्यापक स्वरुप मिळेल. ट्रम्प यांच्या या विधानामुळे मात्र आंतरराष्ट्रीय स्तरावर खळबळ उडाली आहे.

ट्रम्प यांची धोरणे आणि आंतरराष्ट्रीय परिणाम

ट्रम्प यांच्या या विधानामुळे आंतरराष्ट्रीय स्तरावर खळबळ उडाली आहे. तज्ज्ञांच्या मते, ट्रम्प भारताला पुन्हा रशियाकडून तेल खरेदी बंद करण्याचा इशारा देत आहे. व्हेनेझुएलाकडून भारताने तेल खरेदी केल्यास रशियाकडून होणारी तेल आयात भारत कमी करेल आणि यामुळे रशियन युक्रेने युद्धाला मिळणार निधी बंद होईल असे ट्रम्प यांच्या विधानातून लक्षात येते. ट्रम्प यांचे हे विधान रशिया युक्रेन संघर्ष कमी करण्यासाठी महत्वाचा मानला जात आहे. परंतु त्यांच्या या विधानामुळे संपूर्ण जगाचे लक्ष जागतिक तेल बाजारात भारतावर लागले आहे. भारत रशियाकडून तेल खरेदी बंद करुन व्हेनेझुएलाचा पर्याय स्वीकारणार का? असा प्रश्न निर्माण झाला आहे.

See more

#WATCH | US President Donald J Trump says, “China is welcome to come in and make a great deal on oil… We’ve already made a deal. India is coming in, and they’re going to be buying Venezuelan oil as opposed to buying it from Iran. So, we’ve already made the concept of the… pic.twitter.com/278HCUHg5V — ANI (@ANI) February 1, 2026

भारताचे तेल धोरण Trump ठरवणार का? ‘व्हेनेझुएला डील’वरून काँग्रेसचा Modi सरकारवर घणाघात; ‘ऑपरेशन सिंदूर’वरही विचारले बोचरे प्रश्न