Proud Indian: कॅन्सर संशोधनात भारतीयाचा डंका! 65 पेटंट्स असणारे रघुरामन कन्नन यांना अमेरिकेची प्रतिष्ठित NAI फेलोशिप जाहीर

Raghuraman Kannan NAI Fellow 2025 : राष्ट्रीय शोधक अकादमीकडून फेलोशिप मिळाल्यानंतर, भारतीय वंशाचे शास्त्रज्ञ रघुरामन यांनी आनंद व्यक्त केला आणि म्हणाले, "एनएआय फेलो म्हणून नाव मिळणे हा एक मोठा सन्मान आहे.

• भारतीय वंशाचे कर्करोग संशोधक रघुरामन कन्नन यांची अमेरिकेतील ‘नॅशनल अकादमी ऑफ इन्व्हेंटर्स’ (NAI) च्या फेलो म्हणून निवड झाली आहे.
•  कन्नन यांच्या नावावर ६५ पेटंट्स असून, त्यांनी कॅन्सर निदानासाठी आणि उपचारांसाठी क्रांतिकारक संशोधन केले आहे.
•  ही निवड त्यांना अमेरिकेतील सर्वात प्रभावशाली शैक्षणिक नवोन्मेषकांमध्ये (Academic Inventors) स्थान मिळवून देणारी ठरली आहे.

Raghuraman Kannan NAI Fellow 2025 : कर्करोग (Cancer) या जीवघेण्या आजारावर संशोधन करणाऱ्या भारतीय वंशाच्या शास्त्रज्ञाने जागतिक स्तरावर भारताची मान अभिमानाने उंच केली आहे. मिसूरी विद्यापीठातील (University of Missouri) नामांकित प्राध्यापक आणि संशोधक रघुरामन कन्नन (Raghuraman Kannan) यांची अमेरिकेतील प्रतिष्ठित नॅशनल अकादमी ऑफ इन्व्हेंटर्स (NAI) च्या फेलो म्हणून निवड करण्यात आली आहे.

हा सन्मान केवळ वैयक्तिक नसून, विज्ञानाच्या क्षेत्रात मानवी जीवन सुसह्य करण्यासाठी दिलेल्या योगदानाचा तो मोठा गौरव आहे. नॅशनल अकादमी ऑफ इन्व्हेंटर्स ही संस्था अशाच व्यक्तींची निवड करते, ज्यांच्या संशोधनाचा समाजावर, आर्थिक विकासावर आणि मानवी कल्याणावर सकारात्मक परिणाम झाला आहे. रघुरामन कन्नन हे २०२५ च्या प्रतिष्ठित फेलो वर्गासाठी निवडले गेलेले दोन प्राध्यापकांपैकी एक आहेत. त्यांच्यासोबत वनस्पती अनुवंशशास्त्राचे प्राध्यापक हेन्री गुयेन यांचीही निवड झाली आहे.

६५ पेटंट्स आणि कर्करोगाशी लढा

रघुरामन कन्नन यांचे वैशिष्ट्य म्हणजे त्यांच्या नावावर असलेले ६५ पेटंट्स. संशोधनाच्या क्षेत्रात पेटंट मिळवणे ही सोपी गोष्ट नाही, परंतु कन्नन यांनी सातत्यपूर्ण संशोधनातून कॅन्सरवर मात करण्यासाठी नवनवीन मार्ग शोधले आहेत. त्यांचे कार्य प्रामुख्याने नॅनोमेडिसिन, रेडिओफार्मास्युटिकल्स आणि कर्करोगाचे लवकर निदान करणाऱ्या तंत्रज्ञानावर आधारित आहे. त्यांच्या या शोधांमुळे कर्करोगाच्या उपचारांमध्ये मोठी क्रांती होण्याची शक्यता वर्तवली जात आहे.

जागतिक घडामोडी संबंधित बातम्या वाचण्यासाठी येथे क्लिक करा : Denis Alipov : ‘रशिया कधीही भारताशी मैत्री…’; व्लादिमीर पुतिन यांच्या भेटीनंतर रशियाच्या राजदूतांनी केली मोठी घोषणा

या निवडीनंतर आनंद व्यक्त करताना रघुरामन कन्नन म्हणाले, “एनएआय फेलो म्हणून नाव मिळणे हा माझ्यासाठी मोठा सन्मान आहे. पण ही ओळख केवळ माझी नाही; ती माझ्या सहकाऱ्यांची, विद्यार्थ्यांची आणि ज्यांनी मला या प्रवासात साथ दिली त्या सर्वांची आहे.” त्यांच्या या विधानातून त्यांच्यातील नम्रता आणि विज्ञानाप्रती असलेले समर्पण स्पष्टपणे दिसून येते.

See more

Indian-origin professor #RaghuramanKannan of University of Missouri has been elected National Academy of Inventors (NAI) Fellow for 2025. NAI selects fellows whose work has led to inventions with proven benefits to quality of life, economic development & society#Diaspora pic.twitter.com/xVCS2ehzL4 — TheSouthAsianTimes (@TheSATimes) December 16, 2025

credit : social media and Twitter

कन्नन यांच्या संशोधनाचा सामाजिक प्रभाव

नॅशनल अकादमी ऑफ इन्व्हेंटर्सने फेलो म्हणून निवड करताना कन्नन यांच्या संशोधनाचा सामाजिक कल्याणावरील प्रभाव बारकाईने तपासला आहे. अमेरिकेतील सर्वात प्रभावशाली शैक्षणिक नवोन्मेषकांच्या यादीत स्थान मिळवणे, हे सिद्ध करते की त्यांचे काम केवळ प्रयोगशाळेपुरते मर्यादित नसून ते प्रत्यक्ष रुग्णांच्या आयुष्यात बदल घडवून आणणारे आहे.

जागतिक घडामोडी संबंधित बातम्या वाचण्यासाठी येथे क्लिक करा : Adil Raja: ‘म्हणून पुतीन यांनी केला शाहबाजचा अपमान…’ माजी अधिकाऱ्याच्या जबाबामुळे घरातूनच लागले पाकड्यांच्या खोटेपणाला ग्रहण

भारतात जन्मलेल्या आणि वाढलेल्या एका शास्त्रज्ञाने अमेरिकेसारख्या प्रगत देशात जाऊन तिथल्या सर्वोच्च अकादमीचा सन्मान मिळवणे, ही जगभरातील भारतीय विद्यार्थ्यांसाठी मोठी प्रेरणा आहे. विज्ञानाच्या माध्यमातून मानवी वेदना कमी करणे, हेच त्यांच्या आयुष्याचे ध्येय असून या फेलोशिपमुळे त्यांच्या संशोधनाला आता अधिक गती मिळणार आहे.