भारतासाठी दिलासा! होर्मुझच्या ‘डेथ झोन’मधून दोन तेलवाहू जहाजांची सुरक्षित सुटका; नौदलाकडून कडेकोट सुरक्षा

India Oil Ships : मध्यपूर्वेतील तणावादरम्यान भारताची दोन तेलवाहू जहाजे होर्मुझ खाडीतून सुरक्षित बाहेर पडली आहेत. सध्या ही जहाजे पर्शियन आखातात असून त्यांच्यावर भारतीय नौदलाची कडेकोट सुरक्षा तैनात आहे.

• भारतासाठी दिलासादायक बातमी
• होर्मुझच्या ‘डेथ झोन’मधून दोन भारतीय जहाजांची सुरक्षित सुटका
• भारतीय नौदलाकडून कडेकोट सुरक्षा

India’s Two Oil Tankers Safely Navigated Through Hormuz :  नवी दिल्ली : गेल्या एक महिन्यांपासून मध्यपूर्वेत प्रचंड तणावाचे वातावरण आहे. अमेरिका-इस्रायल विरुद्ध इराण युद्ध (US-Israel VS Iran War) सुरुच आहे. यामुळे जगातील सर्वात महत्त्वाचा तेलवाहतूकीचा मार्ग होर्मुझ बंद झाला आहे. परिणामी जागतिक स्तरावर इंधन आणि उर्जा संकट उभे राहिले आहे. पण या संकटादरम्यान भारतासाठी एक अत्यंत दिलासादायक वृत्त आहे. भारताची दोन तेलवाहू व्यापारी जहाजांनी होर्मुझची सामुद्रधुनी (Strait Of Hormuz) सुरक्षितपणे पार पडली आहे.

इंधन तुटवड्याच्या अफवा आणि इराण युद्धाचे सावट; पंतप्रधान मोदींची मुख्यमंत्र्यांसोबत महत्त्वाची बैठक, ‘या’ मॉडेलवर भर

मिळालेल्या माहितीनुसार, पेट्रोलियम पदार्थांनी भरलेली दोन भारतीय व्यापारी जहाजे ‘होर्मुझची सामुद्रधुनीतून बाहेर पडली आहेत. सध्या ही जहाजे भारताच्या दिशेने रवाना झाली असून नौदलाच्या कडेकोट सुरक्षेत आहेत. भारताच्या ‘ऑपरेशन संकल्प’ अंतर्गत जहाजांच्या सुरक्षिततेसाठी भारतीय नौदल पर्शियन गल्फ आणि ओमानच्या आखातात तैनात करण्यात आले होते.

नौदलाचे अधिकारी ड्रोन आणि सॅटेलाइटच्या माध्यमातून या मार्गावर २४ तास लक्ष ठेवून आहेत. कोणत्याही आपत्कालीन परिस्थितीत जहाजांना मदत करण्यासाठी ‘मार्कोस’ (MARCOS) कमांडो आणि तांत्रिक पथके सज्ज ठेवण्यात आली आहेत. आणखी काही जहाजे या मार्गावरुन नौदलाच्या सुरक्षेत बाहेर पडतील असे सरकारने म्हटले आहे.

भारताचा कुटनीतिक विजय

भारताला इराण(Iran)कडून मोठा दिलासा मिळाला आहे. परंतु हा भारताचा कुटनीतिक विजय मानला जात आहे. युद्ध सुरु झाल्यापासून भारत सतत इराणच्या संपर्कात आहे. भारताने इराणला संयम बाळगण्यास सांगितले आहे तर भारतीय जहाजांच्या सुरक्षेचीही मागणी केली आहे. याच पार्श्वभूमीवर भारताचे परराष्ट्री मंत्री एस. जयशंकर (S. Jaishankar) यांनी इराणचे परराष्ट्र मंत्री अब्बास अराघची यांच्याशी चर्चा केली होती.

ज्यानंतर इराणने भारत आणि इतर ४ मित्र राष्ट्रांसाठी होर्मुझचा मार्ग खुला केला. हा भारतासाठी मोठा राजनैतिक विजय मानला जात आहे. इराणचे परराष्ट्र मंत्री अब्बास अराघची यांनी स्पष्ट केले की, भारतासारख्या मित्र राष्ट्रांच्या जहाजांना या मार्गावरून जाण्यास कोणताही अडथळा येणार नाही.

भारतासाठी का महत्त्वाचा आहे होर्मुझ?

भारताची ८० टक्के उर्जा संसाधने होर्मुझच्या मार्गावरुन आयात केली जातात. देशांतर्गत एलपीजी, डिझेल आणि पेट्रोलचा पुरवठा विस्कळीत होऊ नये म्हणून हा मार्ग खुला असणे भारतासाठी अत्यंत महत्त्वाचे आहे. सध्या या मार्गावर सुरु असलेल्या संघर्षामुळे जागतिक बाजारपेठेत इंधन दर वाढण्याची शक्यता आहे. पण या संकटाच्या काळात इराणने भारताला दिलेल्या सवलतीमुळे इंधन दर नियंत्रणात राहण्यास मदत होईल.

US-Israel Iran War: युद्धाच्या काळात भारताचा मोठा डाव! थेट अमेरिकेच्या शत्रूसोबत करार, Donald Trump काही करु शकणार नाही…