शनिवार, 17 ऑक्टोबर 2026
Iran-US War : इराण-अमेरिका युद्ध अद्यापही थांबेनाच ! इराणने अमेरिकेचे आणखी दोन जेटसह हेलिकॉप्टरही पाडले ( फोटो सौजन्य : सोशल मीडिया )
तेहरान : इराण युद्धाच्या ३५ व्या दिवशी, अमेरिकेचे अध्यक्ष डोनाल्ड ट्रम्प यांनी इराणविरुद्धच्या आपल्या धमक्या अधिक तीव्र केल्या आहेत. त्यांनी इशारा दिला आहे की, अमेरिकन सैन्याने देशातील उर्वरित पायाभूत सुविधा नष्ट करण्यास अजून सुरुवातही केलेली नाही, तर दुसरीकडे अमेरिकेच्या हल्ल्यात देशातील सर्वात मोठा पूल आधीच उद्धवस्त झाला आहे. इराणच्या हवाई हद्दीत आलेले अमेरिकेच्या हवाई दलाचे दोन जेट लढाऊ विमाने आणि एक ब्लॅक हॉक हेलिकॉप्टर शुक्रवारी पाडल्याचा दावा इराणने केला आहे.
अमेरिकेने ही विमाने आणि हेलिकॉप्टरच्या पायलटचा शोध सुरू केला आहे. इराणच्या सैन्याने इशारा दिला आहे की, जर अमेरिका आणि इस्त्रायलने हल्ले वाढवले, तर ते अमेरिकेच्या प्रादेशिक मालमत्ता नष्ट करतील. कुवेतच्या म्हणण्यानुसार, इराणने एका जलशुद्धीकरण प्रकल्पाला आणि एका तेल शुद्धीकरण कारखान्याला लक्ष्य केले होते. तेहरानने जलशुद्धीकरण प्रकल्पाला लक्ष्य केल्याचा इन्कार केला आहे. इराणने इस्त्रायलवरही क्षेपणास्त्रे डागली असून, तेथील घरे आणि गाड्यांचे नुकसान केले आहे. इराणने त्यांचे ताजे हल्ले संयुक्त अरब अमिराती, बहरीन आणि इस्त्रायलमधील लक्ष्यांवर होते. इराणच्या खातिम अल-अंबिया मुख्यालयाने हा दावा केला आहे.
दरम्यान, ढिगाऱ्याच्या तपासणीत ब्रिटनच्या लेकनहीथ हवाई तळावरील खुणा आढळून आल्या, जो ब्रिटनमधील अमेरिकी हवाई दलाचा एक महत्त्वाचा तळ आहे. वैमानिकाच्या जगण्याची शक्यता कमी असली तरी, इराणने त्याला ओलीस ठेवल्याचा दावा केला आहे.
पाम बाँडीमुळे ट्रम्प येणार अडचणीत
पाम बाँडी आता अॅटर्नी जनरल नाहीत, पण त्यांना काँग्रेसमध्ये अजूनही अडचणीचा सामना करावा लागू शकतो. हाऊस ओव्हरसाईट अँड गव्हर्नमेंट रिफॉर्म कमिटीचे अध्यक्ष जेम्स कॉमर यांनी गेल्या महिन्यात १४ एप्रिल रोजी बाँडी यांना साक्ष देण्यासाठी समन्स बजावले आहे. समितीच्या जेफ्री एपस्टाईन चौकशीच्या संदर्भात बॉडी यांची साक्ष नोंदवण्यासाठी झालेल्या द्विपक्षीय मतदानानंतर हे समन्स जारी करण्यात आले. जबाबदार लोकांना जबाबदार धरण्याच्या प्रत्येक प्रयत्नात त्यांनी अडथळा आणला आहे.
आता पदावरून दूर झाल्यामुळे, बॉडी आपल्या साक्षीतून एपस्टाईनच्या मुद्द्यावर ट्रम्प यांच्यासाठी अडचणी निर्माण करू शकतात. फ्रेंच जहाज होर्मुझमधून निघाले. अमेरिकेला युद्धात मदत न केल्याचे फायदे फ्रान्सला आता मिळत आहेत आणि इराणने त्याला एक मोठी भेट दिली आहे. जहाजाच्या ट्रॅकिंग डेटानुसार, फ्रेंच शिपिंग कंपनी सीएमए सीजीएमचे एक कंटेनर जहाज इराण युद्ध सुरू झाल्यापासून होर्मुझच्या सामुद्रधुनीतून पश्चिम युरोपच्या दिशेने जाणारे पहिले जहाज ठरले आहे.
एपस्टाईन फाईल्स प्रकरणी 14 तारखेला साक्ष
इराणची सरकारी वृत्तसंस्था, फार्सने, आखात आणि जॉर्डनमधील आठ महत्त्वाच्या पुलांची यादी प्रसिद्ध केली आहे, ज्यांना इस्लामिक रिव्होल्यूशनरी गार्ड कॉप्सने हल्ल्यासाठी लक्ष्य म्हणून ओळखले आहे. कुवेतची राष्ट्रीय तेल कंपनी, कुवेत पेट्रोलियम कॉर्पोरेशनच्या (केपीसी) माहितीनुसार, शुक्रवारी पहाटे मीना अल-अहमदी शुद्धीकरण प्रकल्पावर ड्रोनद्वारे हल्ला करण्यात आला. या हल्ल्यानंतर, शुद्धीकरण प्रकल्पातील अनेक कार्यरत युनिट्सना आग लागली.
