Iran Israel War : इराणशी युद्ध इस्रायलला पडतंय महागात? ६ दिवसांत २७ हजार कोटी खाक; अर्थव्यवस्थेवर टांगती तलवार

Israel Iran War : मध्यपूर्वेत अमेरिका-इस्रायल विरुद्ध इराण संघर्षाने मोठी अस्थिरता निर्माण झाली आहे. मात्र या युद्धाचा इस्रायलला मोठा फटका बसला आहे. इराणशी युद्धात इस्रायलने आतापर्यंत 27 हजार कोटी खर्च केले आहेत.

• इराणशी युद्धाचा इस्रायलला आर्थिक फटका
• दर आठवड्याला सुमारे 27 रुपयांचा खर्च
• देशातील अनेक शाळा, व्यवसाय, महत्त्वाची कामे ठप्प

Israel Iran War News in Marathi : जेरुसलेम : सध्या मध्यपूर्वेत प्रचंड अस्थिरतेचे वातावरण पसरले आहे. इराण आणि इस्रायल मध्ये तीव्र संघर्ष (Iran Israel War) सुरू आहे. यामुळे जागतिक स्तरावर गंभीर चिंतेचे वातावरण निर्माण झाले आहे. अमेरिकेसोबत मिळून इस्रायलने इराणविरोधात २८ फेब्रुवारी २०२६ रोजी युद्ध पुकारले होते. तेव्हापासून दोन्ही देशांमध्ये भयंकर हवाई संघर्ष सुरु आहे. मात्र गेल्या ६ दिवसांपासून सुरु असलेल्या या युद्धाचा इस्रायलला मोठा आर्थिक फटका बसत आहे.

US Iran War : इराणला मोठा दणका! भारताच्या दारात विनाशकारी वॉरशिप ‘नेस्तनाबूत’; अमेरिकेने केला गेम?

इस्रायलच्या वित्त मंत्रालयाने दिलेल्या माहितीनुसार, इराणशी युद्धात देशाला दर आठवड्याला ९ अब्ज शेकेल म्हणजेच सुमारे २७ हजार कोटी भारतीय रुपये इतका प्रचंड खर्च  करावा लागत आहे. यामुळे रेड अर्लट जारी करण्यात आला आहे. या युद्धामुळे इस्रायलला केवळ आर्थिक फटकाच नव्हे तर देशातील नागरिकांच्या दैनंदिन जीवनावरही परिणाम होत आहे.

• युद्धाच्या पार्श्वभूमीवर इस्रायलमध्ये अनेक कडक निर्बंध लागू करण्यात आले आहेत. यामुळे देशातील दैनंदिन जीवन पूर्णपणे विस्कळीत झाले आहे.
• अनेक शाळा आणि महाविद्यालये बंद ठेवण्यात आली आहे. केवळ आवश्यक सेवा सुरु असून सर्वांना घरुन काम करण्याचे आदेश देण्यात आले आहेत. तसेच अनेक व्यावसायही बंद ठेवण्यात आले आहेत.
• यामुळे बाजारातील उलाढाल ठप्प झाली आहे. मोठ्या प्रमाणावर रिझर्व्ह सैनिकांची युद्धभूमीवर  रवानगी केल्यामुळे अनेक क्षेत्रात मनुष्यबळ कमी पडत आहे.

नुकसान कमी करण्यासाठी प्रयत्न सुरु

इस्रायली वित्त मंत्रालयाने सरकारला निर्बंध कमी करण्याचा सल्ला दिला आहे. काही कार्यलये पुन्हा सुरु होऊ शकतात असे मंत्रालयाने म्हटले आहे. यामुळे नुकसान ४.३ अब्ज शेकेल पर्यंत कमी होण्यास काहीशी मदत मिळेल. मात्र अद्याप यावर सरकारने कोणताही ठोस निर्णय घेतलेला नाही.

अमेरिकेचा शस्त्रसाठ्यावर ताण

दुसरीकडे अमेरिकेच्या पेंटागॉननेही युद्ध दीर्घकाळ सुरु राहिल्यास काही शस्त्रास्त्रांच्या पुरवठ्यावर ताण येऊ शकतो असे म्हटले आहे. इराणशी गेल्या सहा दिवसांपासून अमेरिका (America) युद्ध करत आहे. इराणने मध्यपूर्वेतील आखाती देशांमध्ये अमेरिकेन दूतावास आणि लष्करी तळांना घेरले आहे. याला पलटवार करताना अमेरिकेचेही मोठे नुकसान होत आहे.

जागतिक परिणाम

याच वेळी जागतिक स्तरावरही या युद्धाचा प्रचंड ताण पडत आहे. होमुर्झ सामुद्रधुनी बंद झाल्याने तेलाचा व्यापार ठप्प झाला आहे. यामुळे पुरवठा कमी होऊन तेलाच्या किमतींमध्ये वाढ झाली आहे. याशिवाय शेअर बाजारातही मोठी घसरण झाली आहे. यामुळे जगाला आर्थिक फटका बसवण्याची शक्यता आहे.

US Iran War : इराणशी युद्धात अमेरिका संपणार? अवघ्या १० दिवसांचाच शस्त्रसाठा शिल्लक; होणार महाभयंकर विनाश