Israel Hamas War: ‘बाबा, मला ज्यूंना शूट करायचे आहे’, इस्रायली सैन्याने हमास प्रमुखाच्या 10 वर्षांच्या मुलाचे पत्र आणले समोर

Israel Hamas War: इस्रायली सैन्याने हमासचे माजी प्रमुख याह्या सिनवार यांच्या १० वर्षांच्या मुलाचे एक पत्र प्रसिद्ध केले आहे. त्यात, त्या मुलाने आपल्या वडिलांच्या आठवणींना उजाळा दिला असून ज्यूंना गोळ्या घालण्याची इच्छा व्यक्त केली आहे.

• १० वर्षांच्या मुलाचे खळबळजनक पत्र
• गाझातील कारवाईदरम्यान हस्तगत
• कट्टरपंथी विचारसरणीचे दर्शन

बाबा, मला कलाश्निकोव्हने ज्यूंना गोळ्या घालायच्या आहेत”

पश्चिम आशियातील इस्रायल आणि हमास (Israel Hamas War) यांच्यातील संघर्ष गेल्या दीर्घ काळापासून जगाच्या चिंतेचा विषय बनला आहे. दरम्यान, इस्रायली संरक्षण दलाने (IDF) एक अत्यंत खळबळजनक आणि धक्कादायक दस्तऐवज सार्वजनिक केला आहे. हमासचा माजी प्रमुख याह्या सिनवार याच्या १० वर्षांच्या मुलाने, इब्राहिमने लिहिलेले एक वैयक्तिक पत्र इस्रायली सैन्याने प्रसिद्ध केले आहे. या पत्रात मुलाने आपल्या वडिलांविषयीचे प्रेम व्यक्त करतानाच ज्यूंविरुद्ध तीव्र द्वेष आणि हिंसक भावना व्यक्त केल्याचे दिसून येत आहे.

इस्रायली सैन्याने प्रसिद्ध केले पत्र

इस्रायली लष्कराच्या माहितीनुसार, हे पत्र युद्धाच्या सुरुवातीच्या काळात लिहिले गेले होते. २०२४ मध्ये गाझा पट्टीत राबवलेल्या शोधमोहीमेदरम्यान सैनिकांना ही कागदपत्रे सापडली होती. या पत्रात १० वर्षांचा इब्राहिम आपल्या वडिलांना उद्देशून लिहितो की, त्याला त्यांची खूप आठवण येत आहे. त्याने आपल्या वडिलांना विजयी होऊन घरी परतण्याची आणि त्याला मिठी मारण्याची विनंती केली आहे. मात्र, या भावनिक आवाहनासोबतच पत्रातील एका ओळीने सर्वांचे लक्ष वेधून घेतले आहे, जिथे तो कलाश्निकोव्ह (AK-47) सारख्या प्राणघातक रायफलने ज्यूंवर गोळीबार करण्याची आपली इच्छा स्पष्टपणे व्यक्त करतो.

जागतिक घडामोडी संबंधित बातम्या वाचण्यासाठी येथे क्लिक करा : Pakistan : देश पेटला अन् पाकिस्तानी संरक्षण मंत्र्याचे विचित्र चाळे; मर्लिन मनरोच्या फोटोवरील ख्वाजा आसिफची ‘ती’ कमेंट VIRAL

मुलाने आपल्या दैनंदिन दिनचर्येचाही उल्लेख केला आहे

पत्रातील मजकुराची सविस्तर पाहणी केली असता, मुलाने आपल्या दैनंदिन दिनचर्येचाही उल्लेख केला आहे. तो लिहितो की, मोकळ्या वेळेत तो पुठ्ठा आणि कागदाच्या साहाय्याने रणगाडे, पिस्तूल आणि कलाश्निकोव्ह रायफलची मॉडेल्स तयार करत असतो. आपल्या वडिलांच्या सुरक्षिततेसाठी आणि युद्ध लवकरात लवकर संपण्यासाठी तो देवाकडे प्रार्थनाही करतो. पत्राच्या शेवटी त्याने पारंपरिक इस्लामी पद्धतीने अभिवादन केले आहे.

The IDF has revealed a letter written by Yahya Sinwar’s 10-year-old son, Ibrahim, expressing his desire to “hold a Kalashnikov and shoot Jews.” Recovered in Gaza in 2024, the letter includes drawings of weapons and missiles. https://t.co/dwNJEnFjuE — Israel National News – Arutz Sheva (@ArutzSheva_En) October 15, 2026

credit – social media and Twitter

तर इस्रायली सैन्याने या पत्रासोबत सापडलेली काही चित्रे

केवळ पत्रच नाही, तर इस्रायली सैन्याने या पत्रासोबत सापडलेली काही चित्रे आणि रेखाटनेही प्रसिद्ध केली आहेत. ही चित्रे इब्राहिमने स्वतः काढल्याचा दावा सैन्याने केला आहे. या चित्रांमध्ये गाझा आणि इस्रायलच्या सीमेवरील तारांच्या कुंपणाजवळ तैनात असलेले रणगाडे, हातात असलेली शस्त्रे आणि इस्रायलच्या भूप्रदेशाच्या दिशेने डागली जाणारी क्षेपणास्त्रांचे दृश्य स्पष्टपणे रेखाटलेले दिसत आहे.

जागतिक घडामोडी संबंधित बातम्या वाचण्यासाठी येथे क्लिक करा : China Pakistan: ‘पाकिस्तानी मुलींपासून दूर राहा’, चीन सरकारने आपल्या नागरिकांना का दिला इशारा? ‘हे’ आहे मुख्य कारण

या दस्तऐवजाचा दाखला देत असे म्हटले आहे की…

इस्रायली संरक्षण दलाने (IDF) या दस्तऐवजाचा दाखला देत असे म्हटले आहे की, गाझामध्ये लहानपणापासूनच मुलांच्या मनावर हमासच्या हिंसक आणि कट्टरपंथी विचारसरणीचा कसा प्रभाव टाकला जातो, हे या पत्रावरून सिद्ध होते. दुसरीकडे, गाझामधील हा प्रदीर्घ संघर्ष तेथील लाखो कुटुंबांसाठी विस्थापन, दुःख आणि प्रचंड जीवितहानीचे कारण ठरला आहे.

याह्या सिनवार हा गाझामधील हमासचा मुख्य नेता होता आणि ७ ऑक्टोबर २०२३ रोजी इस्रायलवर झालेल्या भीषण दहशतवादी हल्ल्याचा मुख्य सूत्रधार मानला जात होता. इस्रायली सैन्याने केलेल्या एका विशेष लष्करी कारवाईत त्याला ठार करण्यात आले. सिनवार याच्या मृत्यूनंतर आता त्याच्या १० वर्षांच्या मुलाचे हे पत्र समोर आल्याने हमासची विचारसरणी आणि त्याचा लहान मुलांवर होणारा सामाजिक-मानसिक परिणाम यावर आंतरराष्ट्रीय स्तरावर पुन्हा एकदा मोठी चर्चा सुरू झाली आहे.