Russia Earthquake: रशियातील कामचत्का येथे भूकंपाचे जोरदार धक्के; 152 किमी खोल केंद्रबिंदू, नागरिकांमध्ये भीतीचे वातावरण

Russia Earthquake Latest News: रशियाच्या पूर्वेकडील कामचटका द्वीपकल्पाजवळ सकाळी ९:०५ वाजता भूकंप झाला. राष्ट्रीय सुरक्षा सेवेने त्याची खोली १५२ किलोमीटर असल्याचा अंदाज वर्तवला आहे. एनओएएने (NOAA) त्सुनामीचा इशारा जारी केला नाही.

• रशियाच्या कामचत्का भागात तीव्र धक्का
• १५२ किलोमीटर खोल केंद्रबिंदू
• त्सुनामीचा धोका टळला

शुक्रवारी सकाळी रशियाच्या (Russia Earthquake) अतिपूर्वेकडील भागात असलेल्या कामचत्का द्वीपकल्पात भूकंपाचा तीव्र धक्का बसला. भारतीय प्रमाणवेळेनुसार सकाळी ९ वाजून ५ मिनिटांनी ही भूगर्भातील हालचाल नोंदवण्यात आली. नॅशनल सेंटर फॉर सिस्मॉलॉजी (NCS) आणि आंतरराष्ट्रीय भूकंपशास्त्र संस्थांच्या प्राथमिक अहवालानुसार, या भूकंपाचा केंद्रबिंदू जमिनीखाली १५२ किलोमीटर इतक्या प्रचंड खोलीवर होता. भूकंपाचे धक्के जाणवताच स्थानिक नागरिकांमध्ये काही काळ भीतीचे वातावरण निर्माण झाले, मात्र सुदैवाने त्सुनामीचा कोणताही धोका निर्माण झालेला नाही.

१५२ किमी खोल केंद्रबिंदू, नागरिकांमध्ये भीतीचे वातावरण 

युरोपियन-मेडिटेरेनियन सिस्मोलॉजिकल सेंटरने (EMSC) दिलेल्या माहितीनुसार, या भूकंपाचा मुख्य केंद्रबिंदू सुमारे १ लाख ८७ हजार लोकसंख्या असलेल्या पेट्रोपावलोव्हस्क-कामचात्स्की शहराच्या दक्षिण-नैऋत्येस सुमारे १४६ किलोमीटर अंतरावर होता. याशिवाय, सुमारे २,६०० लोकसंख्या असलेल्या ओझेर्नोव्स्की या किनाऱ्या जवळील शहराच्या उत्तर-ईशान्येस सुमारे ८० किलोमीटर अंतरावर हा केंद्रबिंदू केंद्रित होता. भूकंपाचा केंद्रबिंदू समुद्र किनाऱ्याजवळ आणि लोकवस्तीच्या परिसरात असल्यामुळे सुरुवातीला प्रशासकीय यंत्रणा आणि नागरिकांमध्ये काळजी व्यक्त केली जात होती.

जागतिक घडामोडी संबंधित बातम्या वाचण्यासाठी येथे क्लिक करा : Pakistan : देश पेटला अन् पाकिस्तानी संरक्षण मंत्र्याचे विचित्र चाळे; मर्लिन मनरोच्या फोटोवरील ख्वाजा आसिफची ‘ती’ कमेंट VIRAL

NOAA आणि आपत्कालीन यंत्रणांचे स्पष्टीकरण

भूकंपानंतर सर्वात मोठी चिंता सागरी त्सुनामीच्या लाटांची असते. विशेषतः कामचत्का हा भाग पॅसिफिक महासागराच्या ‘रिंग ऑफ फायर’ (Ring of Fire) क्षेत्रात येत असल्यामुळे येथे त्सुनामीचा धोका नेहमीच अधिक असतो. मात्र, अमेरिकेच्या नॅशनल ओशनिक अँड ॲटमॉस्फियरिक ॲडमिनिस्ट्रेशन (NOAA) ने त्वरित परिस्थितीचा आढावा घेऊन दिलासादायक माहिती दिली. NOAA च्या पॅसिफिक त्सुनामी वॉर्निंग सेंटरने स्पष्ट केले की, या भूकंपाच्या खोलीमुळे आणि स्वरूपामुळे समुद्रात कोणत्याही धोकादायक त्सुनामीच्या लाटा निर्माण झालेल्या नाहीत.

#Earthquake (#землетрясение) confirmed by seismic data.⚠Preliminary info: M7.0 || 123 km SW of #Vilyuchinsk (Russian Federation) || 8 min ago (local time 15:35:32). Follow the thread for the updates👇 https://t.co/DFth8DoEk5 — EMSC (@LastQuake) October 16, 2026

credit – social media and Twitter

भूकंपशास्त्रज्ञांच्या मते, जेव्हा भूकंपाचा केंद्रबिंदू १०० किलोमीटरपेक्षा जास्त खोल असतो (Deep-focus earthquake), तेव्हा भूगर्भातील ऊर्जेचा मोठा भाग जमिनीच्या आतच शमला जातो. त्यामुळे भूपृष्ठावर आणि समुद्राच्या तळाशी होणारी मोठी उलथापालथ टळते. याच कारणाने कामचत्का येथे १५२ किमी खोलवर झालेल्या या भूकंपामुळे मोठा विनाश किंवा त्सुनामीची आपत्ती टळली आहे.

जागतिक घडामोडी संबंधित बातम्या वाचण्यासाठी येथे क्लिक करा : UNIFIL Withdrawal: इस्रायल-लेबनॉन सीमा विवादावर मोठा निर्णय; ‘या’ कारणामुळे UN आणि भारताचेही शांतता सैनिक अखेर मायदेशी परतणार

जीवित आणि वित्तहानीची स्थिती काय?

सध्याच्या प्राथमिक माहितीनुसार, या भूकंपामुळे कोणत्याही प्रकारची मोठी जीवितहानी किंवा मालमत्तेचे प्रचंड नुकसान झाल्याचे वृत्त नाही. रशियन आपत्कालीन सेवा मंत्रालय (EMERCOM) स्थानिक पातळीवर परिस्थितीचा आढावा घेत आहे. कामचत्का भागातील इमारती आणि पायाभूत सुविधांना काही तडे गेले आहेत का, याची तपासणी तज्ज्ञांच्या पथकांकडून केली जात आहे.

रशियाचा कामचत्का प्रदेश हा भौगोलिकदृष्ट्या अत्यंत संवेदनशील आणि सक्रिय ज्वालामुखींचा प्रदेश मानला जातो. येथे सतत होणाऱ्या भूगर्भातील हालचालींमुळे स्थानिक प्रशासन अशा आपत्कालीन परिस्थितीसाठी नेहमीच सतर्क असते. स्थानिक अधिकाऱ्यांनी नागरिकांना शांतता राखण्याचे आणि कोणत्याही प्रकारच्या अफवांवर विश्वास न ठेवण्याचे आवाहन केले आहे.