मंगळवार, 10 नोव्हेंबर 2026
Middle East Conflict : वडिलांची हत्या, कमांडरचे अक्षरशः लचके तोडले...; अमेरिकी हल्ल्यातून कसे बचावले मोजतबा खामेनेई? (फोटो सौजन्य: सोशल मीडिया)
२८ फेब्रुवारी २०२६ रोजी अमेरिका-इस्रायलच्या हल्ल्यात मोजतबा खामेनेई आणि इराणचे माजी सर्वोच्च नेते अयातुल्ला अली खामेनेई (Ayatollah Ali Khamenei) यांचा मृत्यू झाला. तसेच त्यांचे मेहूणे, बहीण, पत्नी, आणि मुंलांचाही मृत्यू झाल्याचे वृत्त आहे. या घटनेने मोजतबा खामेनेईंवर दु:खाच डोंगर कोसळला आहे. धक्कादायक बाब म्हणजे, या हल्ल्या मोजतबा खामेनेई देखील मरता मरता वाचले आहे. सध्या ते गंभीर जखमी असून त्यांना उपचारासाठी गुप्त ठिकाणी ठेवण्यात आले असल्याचे इराणने अधिकृतपणे पुष्टी केली आहे.
द टेलिग्राफने दिलेल्या रिपोर्टनुसार, १८ फेब्रुवारी २०२६ च्या सकाळी अमेरिका(America)-इस्रायलने तेहरानमधील खामेनेईंच्या निवासस्थानावर हल्ला केला होता. ब्लू स्पॅरो’ बॅलिस्टिक क्षेपणास्त्रे डागण्यात आली होती. रिपोर्टनुसार, लीक झालेल्या ऑडिओमध्ये मोजतबा खामेनेई हल्ल्याच्या वेळी घराच्या अंगणात होते. घरात परत जात असतानाच्या क्षणीच क्षेपणास्त्र घरावर आदळले आणि भीषण स्फोट झाला. काही पावलांच्या अंतरामुळे मोजतबा खामेनेई बचावले परंतु त्यांच्या पायाला आणि हाताला गंभीर दुखापत झली. ओळख पटवण्यासाठी केवळ काही अवशेष उरल्याचे ऑडिओमध्ये म्हटले आहे.
रिपोर्टनुसार, लीक झालेला ऑडिओ खामेनेई यांच्या कार्यालयातील प्रमुख लष्करी कमांडर मजाहर हुसैनी यांचा असल्याचे सांगितले जात आहे. १२ मार्च रोजी झालेल्या एका गुप्त बैठकीत ते घटनेची माहिती देत होते. यामध्ये असेही संगितले जात आहे की, हल्ला इतका अचूक होता की खामेनेई कुटुंबाच्या निवासस्थानातील काही विशिष्ट खोल्यांनाच लक्ष्य करण्यात आले होते.
