Middle East Conflict : मध्यपूर्व धुमसणार? US Iran युद्धात आता ‘या’ बड्या देशाची एन्ट्री, जगभरात खळबळ

US Iran War : ट्रम्प यांच्या लष्करी मदतीच्या आवाहनाला नाटो देश आणि दक्षिण आशियातील मित्र राष्ट्रांनी नकार दिला आहे. पण याच वेळी एक मोठी देश अमेरिकेच्या मदतीसाठी पुढे सरसावला आहे. पण यासाठी एक मोठी अट ठेवण्यात आली आहे.

• तिसऱ्या महायुद्धाचा भडका उडणार?
• अमेरिका-इराण युद्धात फ्रान्सची एन्ट्री
• फ्रान्सने अमेरिकेसमोर ठेवली मोठी अट

Middle East War News in Marathi : मध्यपूर्वेतील युद्धाने आता भंयकर वळण घेतले आहे. इराण (Iran) आणि अमेरिका(America)-इस्रायलमध्ये सतत हल्ले सुरु असून प्रचंड अस्थिरता निर्माण झाली आहे. इराणकडून मध्यपूर्वेतील अमेरिकन दूतावासा आणि इस्रायलवर ड्रोन आणि क्षेपणास्त्र हल्ल्यांमुळे मोठी खळबळ माजली आहे. याच पार्श्वभूमीवर एक मोठी माहिती समोर आली आहे. अमेरिका स्ट्रेट ऑफ होर्मुझमधून इराणला हटलण्यासाठी लष्करी तयारी करत असून फ्रान्सने यासाठी मदतीचे संकेत दिले आहेत. परंतु फ्रान्स युद्धात थेट उतरणार नसल्याचे सांगितले जात आहे.

US Iran War : ‘अमेरिकेच्या ग्रीन झोन’मध्ये घुसला इराण; बगदादमधील दूतावासावर भीषण ड्रोन हल्ल्याने रडार सिस्टमही निकामी, VIDEO

फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) यांनी अमेरिकेचे राष्ट्राध्यक्ष डोनाल्ड ट्रम्प (Donald Trump) यांच्या मदतीच्या आवाहनाला प्रतिसाद दिला आहे. त्यांनी अमेरिकेला मदतीची तयारी दर्शवली आहे. परंतु यासाठी एक महत्त्वूर्ण अट ठेवण्यात आली आहे. मॅक्रॉन यांनी म्हटले आहे की, फ्रान्स या युद्धाचा भाग नाही. तसेच केवळ होर्मुझ मुक्त करण्यासाठी कोणत्याही प्रकारच्या लष्करी कारवाईत सहभागी होणार नाही. फ्रान्सचा भर इराणसोबत शांतता चर्चेवर असून तणाव कमी करण्यासाठी प्रयत्न केला जाईल. ही मदत केवळ सागरी सुरक्षेसाओठी मर्यादित राहील असे मॅक्रॉन यांनी स्पष्ट केले.

ट्रम्प यांचे मित्र राष्ट्रांनाही आवाहन

ट्रम्प यांनी होर्मुझच्या आखातात अमेरिकन जहाजांच्या सुरक्षेसाठी नाटो देश व काही मित्र राष्ट्रांकडे मदतीचे आवाहन केले होते. परंतु नाटो देशांनी आणि दक्षिण आशियातील ऑस्ट्रेलिया, जपान आणि दक्षिण कोरिया यासारख्या मित्र राष्ट्रांनी ट्रम्प यांचा लष्करी मोहिमेत सहभागी होण्याचा प्रस्ताव फेटाळला होता. परंतु फ्रान्सने याला प्रतिसाद दिला आहे. यावर ट्रम्प यांनी तीव्र नाराजी व्यक्त केली आहे.

ट्रम्प यांनी ट्रुथवर पोस्ट करत नाटोला एकतर्फी संस्था संबोधले. त्यांनी नाटोवर गंभीर आरोप केला की, अमेरिकेने त्यांच्या सुरक्षेसाठी अब्जावधी डॉलर्स खर्च केले, पण जेव्हा अमेरिकेला त्यांची गरज पडली तेव्हा त्यांनी मदत करण्यास नकार दिला. यामुळे  अमेरिकेला आता कोणत्याच देशाची गरज नसल्याचा म्हणतं त्यांनी इराणला गुडघ्यावर आणल्याचा दावाही केला.

ट्रम्प यांनी असाही दावा केला की, इराणचे नवे सुप्रीम लीडर मोजतबा खामेनेई यांच्याकडे आता अमेरिकेला किंवा मध्यपूर्वेतील कोणत्याही देशांना धमकी देण्याएवढी ताकद उरलेली नाही. इराण आता गुडघ्यावर आला आहे असे सांगत त्यांनी अमेरिकेच्या पराक्रमाचा पाढा वाचला.

इस्रायलच्या दबावामुळे अमेरिका युद्धात उतरली

याच वेळी अमेरिकेचे काऊंटर टेररिझम चीफ जो कँट यांनी आपल्या पदाचा राजीनामा दिला आहे. त्यांनी अमेरिका इस्रायल(Israel)साठी इराणविरोधी युद्धात उतरली असल्याचे म्हटले आहे. यामुळे अमेरिका फर्स्ट धोरणालाही धक्का बसला असल्याचा दावा कॅंट यांनी केला आहे. यामुळे संपूर्ण जगात खळबळ उडाली आहे.

Middle East War: ‘कोणाचीच गरज नाही…’, मित्रराष्ट्रांनी नकार दिल्याने बिथरले ट्रम्प; आक्रमक पवित्रा घेत इराणला नमतं केल्याचा दावा