Putin-Trump मध्ये गुप्त डील? अमेरिका-NATO तणावाची युक्रेनला मोजावी लागणार किंमत; झेलेन्स्कींचा वाढलं टेन्शन

Trump NATO tensions : मध्यपूर्वेतील युद्धावरुन अमेरिका-नाटो देशांत तणावाचे वातावरण निर्माण झाले आहे. नाटो देशांनी लष्करी मदत करण्यास नकार दिल्याने ट्रम्प संतप्त असून याचा युक्रेनच्या सुरक्षेवर परिणाम होण्याची भीती आहे.

• अमेरिका-नाटो तणावात युक्रेनचा बळी
• ट्रम्प-पुतिनमध्ये मोठी गुप्त डील
• झेलेन्स्कींचे वाढलं टेन्शन

Russia Ukraine War : वॉशिंग्टन : मध्यपूर्वेतील संघर्षामुळे जागतिक राजकारणात सध्या मोठी उलथापालथ सुरु आहे. नाटो देशांनी अमेरिकेला लष्करी मदत न केल्याने ट्रम्प नाराज असून याची युक्रेनला मोठी किंमत मोजावी लागण्याची शक्यता आहे. डोनाल्ड ट्रम्प (Donald Trump) आणि व्लादिमिर पुतिन (Vladimir Putin) यांच्या गुप्त डीलची चर्चा सुरु असल्याचा दावा सर्वत्र केला जात आहे. यामुळे जागतिक स्तरावर मोठी खळबळ उडाली आहे.

Middle East Conflict : मध्यपूर्व धुमसणार? US Iran युद्धात आता ‘या’ बड्या देशाची एन्ट्री, जगभरात खळबळ

नेमकं काय आहे प्रकरण?

सध्या मध्यपूर्वेत अमेरिका-इराण युद्ध (US Iran War) अधिक पेटले आहे. या युद्धात इराणने अमेरिकेवर दबाव टाकण्यासाठी होर्मुझची खाडी बंद केली आहे. यामुळे जागतिक बाजारात मोठे उर्जा संकट निर्माण झाले आहे. याच पार्श्वभूमीवर ट्रम्प यांनी नाटो देशांना होर्मुझ स्ट्रेटमध्ये लष्करी मदत पाठवण्याचे आवाहन केले होते. परंतु नाटो देश आणि दक्षिण आशियातील काही मित्रराष्ट्रांनी याला नकार दिला. यामुळे ट्रम्प अत्यंत नाराज आहेत.

युक्रेनचे दणाणले दाबे

दुसरकीडे अमेरिका – नाटोतील तणावामुळे युक्रेनचे राष्ट्राध्यक्ष वोलोडिमिर झेलेन्स्की (Volodymir Zelensky) यांची चिंता वाढली आहेत. ट्रम्प आणि पुतिन यांच्या गुप्त डील होण्याची शक्यता आहे. ज्याचा फटका युक्रेनच्या सुरक्षेवर होऊ शकतो. ब्रिटन, जर्मनी आणि फ्रान्स यांसारख्या बलाढ्य NATO राष्ट्रांनी ट्रम्प यांना लष्करी मदत करण्यास नकार दिला. यावर ट्रम्प यांनी संतापून तीव्र टीकाही केली. अमेरिका या देशांचे संरक्षण करतो, पणे हे देश त्याला संकटाच्या काळात साथ देत नाही असे म्हणत त्यांनी टीका केली.

परिणामी ट्रम्प अमेरिका फर्स्ट धोरणाला प्राधान्य देऊ शकता जी युक्रेनसाठी धोक्याची बाब मानली जाते आहे. तज्ज्ञांच्या मते, अमेरिकेने इराण युद्धामुळे आधीच आपली संरक्षण यंत्रणा मध्यपूर्वेकडे वळवली आहे. अशा परिस्थिती नाटोशी वादामुळे अमेरिका युक्रेनची लष्करी मदत अधिक कमी करण्याची शक्यता नाकारता येत नाही. याशिवाय ट्रम्प युक्रेनची जाबाबदारी पूर्णपणे नाटो (युरोपीय) देशांवर टाकू शकतात. ज्यामुळे आर्थिक दबाव वाढू शकते.

रशियाला मोठा फायदा

नाटो आणि ट्रम्पमधील नाराजीचा मोठा फायदा रशिया उचलू शकतो. यामुले रशिया-युक्रेन युद्धा(Russia Ukraine War) त पुतिनचे पारडे जड होऊ शकते. ट्रम्प यांनी यापूर्वीच युक्रेनला रशियाच्या अटी मान्य करुन शांतता प्रस्थापित करण्याचा इशारा दिला होता. याच पार्श्वभूमीवर युक्रेनला रशियाच्या अटी मान्य कराव्या लागतील. ज्यामध्ये युक्रेनला आपल्या ताब्यातील काही प्रदेश सोडावे लागू शकतात. तसेच युक्रेनच्या नाटोमध्ये प्रवेशाचाही मार्ग कायमचा बंद होऊ शकतो. तसेच रशियावरील निर्बंधही कमी होऊ शकतात.

Middle East War: ‘कोणाचीच गरज नाही…’, मित्रराष्ट्रांनी नकार दिल्याने बिथरले ट्रम्प; आक्रमक पवित्रा घेत इराणला नमतं केल्याचा दावा