सौदी अरेबियाने ओढले अमेरिकेवर ताशेरे (फोटो सौजन्य - Google Gemini AI)
युद्धादरम्यान सौदी अरेबियाने केलेले हे विधान महत्त्वपूर्ण आहे, कारण इराण संघर्षात सामील झाल्यामुळे त्यांना मोठे नुकसान सोसावे लागले आहे. इराणने सौदी लष्करी तळांवर क्षेपणास्त्रांचा मारा केला. होर्मुझ सामुद्रधुनीतील नाकेबंदीमुळे सौदी अरेबियाला मोठे आर्थिक नुकसान झाले, तसेच इराणने त्यांच्या तेल शुद्धीकरण प्रकल्पांवर हल्ले केले, ज्यामुळे अमेरिका हतबल झाली. या घटनांमुळे सौदी अरेबियाचा अमेरिकेवरील विश्वास कमी होत असल्याची सद्यस्थिती निर्माण झाली आहे.
होर्मुझवरील अमेरिकेच्या भूमिकेमुळेही सौदी अरेबिया नाराज
अमेरिकन वृत्तपत्र ‘द वॉल स्ट्रीट जर्नल’नुसार, सौदी अरेबिया अमेरिकेवर होर्मुझच्या सामुद्रधुनीवरील नौदल नाकेबंदी तात्काळ उठवण्यासाठी आणि वाटाघाटीच्या टेबलावर परत येण्यासाठी दबाव आणत आहे. सौदी अरेबिया आणि इतर आखाती देशांना भीती आहे की, जर अमेरिकेने ही नाकेबंदी सुरू ठेवली, तर इराण त्यांचे पर्यायी मार्ग रोखून प्रत्युत्तर देऊ शकतो. अशी परिस्थिती त्यांच्या अर्थव्यवस्थेसाठी एक मोठा धक्का असेल.
सध्या, सौदीचे तेल बाब अल-मंदेबमार्गे तांबड्या समुद्रातून वाहते. जर अशांतता वाढली, तर हा मार्गही बंद होण्याची शक्यता आहे आणि सौदी अरेबियाला हे अजिबात नको आहे. होर्मुझच्या सामुद्रधुनीनंतरही त्यांचे तेल इतर मार्गांनी वाहत होते, परंतु ट्रम्प यांच्या या निर्णयामुळे ते धोक्यात येईल.
सौदी अरेबिया ट्रम्प यांच्या प्रभावापासून दूर पळत आहे
