बुधवार, 4 नोव्हेंबर 2026
अभिषेक शर्मा (फोटो- ians)
आंतरराष्ट्रीय क्रिकेट परिषदेने नुकत्याच जाहीर केलेल्या T20 फलंदाजांच्या ताज्या आकडेवारी आणि रँकिंगमध्ये भारतीय क्रिकेटपटूंचा दबदबा पाहायला मिळाला आहे. भारताचा स्फोटक सलामीवीर अभिषेक शर्माने आपले निर्विवाद वर्चस्व राखत जगातील नंबर १ फलंदाज म्हणून आपले स्थान कायम ठेवले आहे.
आपल्या आक्रमक फलंदाजीच्या बळावर अभिषेक शर्माने T20 रँकिंगमधील आपले पहिले स्थान टिकवून ठेवले आहे. आयसीसी रॅंकिंगमध्ये तो सध्या पहिल्या स्थानावर आहे. पाकिस्तानचा फलंदाज साहिबजादा फरहान या ताज्या रँकिंगमध्ये दुसऱ्या स्थानावर विराजमान आहे. काही दिवसांपूर्वी T20 क्रमवारीत अव्वल असलेल्या इशान किशनच्या पॉईंट्समध्ये घसरण झाल्याचे दिसून येत आहे.
Abhishek Sharma: अभिषेक शर्माच्या 40 धावा अन् तुटणार सूर्यकुमार यादवचा मोठा रेकॉर्ड, ठरणार धुरंधर!
भारतीय T20 संघाचा कर्णधार श्रेयस अय्यरसाठी देखील न्यूझीलंडची सिरीज लाभदायक ठरली आहे. त्याने आयसीसी क्रमवारीत थेट 7 व्या स्थानावर उडी मारली आहे. ICC च्या या ताज्या टी-२० क्रमवारीत भारताच्या खेळाडूंनी आपली चमक दाखवून दिली आहे. एका बाजूला अभिषेक शर्माने अव्वल स्थान बळकावून ठेवले आहे, तर दुसरीकडे कर्णधार श्रेयस अय्यरने घेतलेली सातव्या क्रमांकावरील झेप भारतीय संघासाठी अत्यंत आश्वासक मानली जात आहे.
भारत आणि न्यूझीलंड यांच्यातील T20 सिरीज संपून वनडे सिरीज सुरू झाली आहे. पहिल्या सामन्यात भारताचा विजय झाला आहे. त्याच वेळेस आयसीसीने T20 फलंदाजांची ताजी क्रमवारी जाहीर केली आहे. या ताज्या रँकिंगमध्ये भारताचा स्फोटक सलामीवीर अभिषेक शर्मा आपले पहिले स्थान टिकवून आहे. भारतीय संघाचा युवा फलंदाज अभिषेक शर्मा सध्या 889 पॉईंट्ससह पहिल्या स्थानावर आहे. T20 मालिका संपून आता भारत आणि न्यूझीलंड यांच्यात वनडे सामने खेळवले जात आहेत. मात्र पुढील टी 20 सिरीजमध्ये देखील अभिषेक शर्माला साजेसा खेळ करावा लागेल. तरच तो त्याचे हे पहिले स्थान टिकवून ठेवू शकतो.
IND Vs NZ: उद्या नुसता राडा! केवळ 35 रन्स अन् Abhishek Sharma ‘हा’ महारेकॉर्ड करणार
