Middle East War : दुबई पुन्हा हादरलं! इराणच्या ड्रोन हल्ल्यानंतर विमानतळ तातडीने बंद; थरकाप उडवणार VIDEO आला समोर

Middle East War : मध्यपूर्वेतील युद्धामुळे प्रचंड अस्थिरता पसरली आहे. अमेरिका-इराण युद्धात आखाती देशांचा बळी जात आहे. इराणने पुन्हा एकदा दुबईला लक्ष्य केले असून थेट आंतरराष्ट्रीय विमानतळावर हल्ला केला आहे.

• दुबईवर पुन्हा एकदा इराणचा भीषण हल्ला
• हल्ल्यामुळे विमानतळ ठप्प
• पहा थरारक दृश्य

Iran Attack on Dubai : अबू धाबी /तेहरान : मध्यपूर्वेतील तणाव आता टोकाला पोहोचला आहे. अमेरिका-इस्रायल विरुद्ध इराण युद्धाने (US-Israel VS Iran War) शेजारी आखाती देशांनाही ओढले आहे. इराणने त्यांच्यावरील हल्ल्यानंतर आक्रमक पवित्रा घेत आखाती देशांवरही हल्ले चढवले आहेत. यामुळे जागतिक स्तरावर गंभीर चिंतेचे वातावरण निर्माण झाले आहे. नुकतेच इराणने दुबई (Dubai) आंतरराष्ट्रीय विमानतळावर भीषण ड्रोन हल्ले केले आहेत. यामुळे परिसरात गोंधळ उडाला असून स्फोटानंतर सुरक्षेच्या कारणास्तव विमानतळ तातडीने बंद करण्यात आले आहे. सर्व उड्डाणेही रद्द करण्यात आली आहे. या घटनेचा थरारक व्हिडिओही सोशल मीडियावर पाहायला मिळत आहे.

Middle East War : होर्मुझची खाडी बनली डेथ ट्रॅप! १७ जहाजांवर भीषण हल्ले; जागतिक व्यापार कोलमडीस?

कधी आणि कसा झाला हल्ला?

मिळालेल्या माहितीनुसार, दुबई आंतरराष्ट्रीय विमानतळावर सोमवारी(१६ मार्च २०२६) पहाटे अचानक स्फोटांचे आवाज ऐकू येऊ लागले. इराण(Iran)ने विमातळावर ड्रोनने हल्ला केला होता. ड्रोन्स विमानतळांच्या अगदी जवळ असलेल्या इंधन टॅंकला येऊन धडकला. यामुळे मोठा स्फोट होऊन भीषण आग लागली. या घटनेचा व्हिडिओ सोशल मीडियावर पाहायला मिळत असून आकाशात धुराचे लोट पाहायला मिळत आहेत. या हल्ल्यांमुळे नागरिकांमध्ये प्रचंड घबराट पसरली आहे.

विमानतळ तातडीने बंद

या हल्ल्यांच्या पार्श्वभूमीवर दुबई सिव्हिल एव्हिएशन ऑथॉरिटीने प्रवाशांच्या सुरक्षेला प्राधान्य देत विमानतळ बंद केले आहे. सर्व कामकाज बंद करण्यात आले असून उड्डाणेही स्थगित करण्यात आली आहेत. तसेच येणाऱ्या उड्डाणांनाही परतण्याचा इशारा देण्यात आला आहे. विमानतळ प्रशासनाने प्रवाशांना गर्दी न करण्याचे आवाहन केले आहे. तसेच फ्लाइट्सचे अपडेट्सही तपासण्यास सांगितले आहेत.

यापूर्वीही दुबईवर हल्ला

दुबईत आतापर्यंत इराणने केलेला हा दुसरा सर्वात मोठा हल्ला आहे. यापूर्वी गेल्या आठवड्यातही इराणने दुबईवर क्षेपणास्त्रे आणि ड्रोन्स डागले होते.यामध्ये एका भारतीय नागरिकासह चार जण जखमी झाले होते. मध्यपूर्वेतील अमेरिका(America)-इस्रायल (Israel) विरुद्ध संघर्षात दुबईचा दुसऱ्यांदा बळी गेला  आहे. दुबई हे जागतिक आर्थिक आणि पर्यटन केंद्र असून त्यावर हल्ला झाल्यामुळे आंतरराष्ट्रीय बाजारपेठेत आणखी तणाव निर्माण होण्याची शक्यता आहे. या युद्धजन्य परिस्थितीमुळे आंतरराष्ट्रीय समुदायात चिंतेचे वातावरण पसरले आहे.

See more

🇦🇪🇮🇷 Dubai airport reportedly hit in Iranian drone strike. pic.twitter.com/jzkmNfvfHr — Adi Baz (@AdiBazi16) March 16, 2026

Middle East War : नेतान्याहूंची झोप उडाली! इस्रायलचे अभेद्य ‘सुरक्षा कवच’ कोसळणार? इराणच्या मिसाइलपुढे Iron Dome हतबल