Strait Of Hormuz :अमेरिकेची नाकेबंदी? इराणने होर्मुझवरुन घेतला ‘हा’ मोठा निर्णय, इस्रायललाही झटका

Strait Of Hormuz : ट्रम्प यांच्या धमकीने इराण चवताळला आहे. इराणने होर्मुझवरुन जाणाऱ्या जहाजांकडून टोल वसूलण्याचा निर्णय घेतला आहे. यामुळे जगभरात मोठी खळबळ माजली आहे. सगळ्यात जास्त धोका हा अमेरिका-इस्रायली जहाजांना आहे.

• ट्रम्प यांच्या धमकीला इराणचं चोख प्रत्युत्तर
• होर्मुझ सामुद्रधुनीतून जाण्यासाठी आता मोजावे लागणार पैसे
• अमेरिका-इस्रायलला झटका

Iran Approves Strait of Hormuz Toll : तेहरान/वॉशिंग्टन : मध्यपूर्वेतील युद्ध आता अधिक धगधगू लागले आहे. डोनाल्ड ट्रम्प (Donald Trump) यांनी स्ट्रेट ऑफ होर्मुझवरुन दिलेल्या धमकीनंतर इराणने आक्रमक पवित्रा घेतला आहे. सोमवारी(३० मार्च) इराणच्या संसदेत सुरक्षा समितीने होर्मुझ सामुद्रधुनीच्या व्यवस्थापन योजनेला मान्यता दिली आहे. यामुळे या योजनेअंतर्गत होर्मुझच्या सागरी मार्गावरुन जाणाऱ्या जहाजांकडून शुल्क वसूल केले जाणार आहेत. या योजनेत सुरक्षा व्यवस्था, सागरी सुरक्षा, पर्यावरण संरक्षण, आर्थिक यंत्रणा आणि इराणचे चलन रियाल आधारित टोल प्रणालीची अंमलबजावणी या सर्व तरतुदींचा समावेश आहे.

US Iran War : ट्रम्प यांची धमकी अन् २४ तासांत ॲक्शन सुरु; इराणच्या सर्वात मोठ्या लष्करी तळाचे झाले तुकडे, VIDEO VIRAL

अमेरिका-इस्रायलची उडाली झोप

परंतु इराणने हे स्पष्ट केले आहे की, अमेरिका आणि इस्रायलच्या जहाजांना होर्मुझ सामुद्रधुनीतून जाण्याची परवानगी दिली जाणार नाही. तसेच ज्या देशांनी इराणवर आंतरराष्ट्रीय निर्बंध लादले असतील त्या देशांच्या जहाजांनाही होर्मुझचा मार्ग बंद जाली. यासाठी इराणने ओमानसोबत एक सहकार्यचा प्रस्तावही आखला आहे. हा निर्णय अशा वेळी घेण्यात आला आहे, जेव्हा ट्रम्प यांनी इराण(Iran) ला होर्मुझ खुला न केल्यास त्यांच्या उर्जा प्रकल्पांवर हल्ल्यांची धमकी दिली होती. यानंतर इराणने अवघ्या काही तासांतच टोलच्या योजनेला मंजुरी दिली.

अमेरिकेचा इराणवर हल्ला

याच वेळी दुसरीकडे अमेरिकेने इराणच्या सर्वात महत्त्वाचे शहर इस्फाहनवर बंकर बस्टर बॉम्ब डागले असल्याचा दावा केला जात आहे. यामध्ये इराणचे सर्वात जास्त नुकसान झाले असल्याचे म्हटले जात आहे. कारण इस्फाहन इराणचे सर्वात महत्त्वाचे आणि २.७ दशलक्ष लोकसंख्या असलेले शहर आहे. तसेच या शहरात इराणची अनेक लष्करी तळे आहेत, युरेनियमचा संवर्धित साठा असल्याचा दावाही केला जातो. मात्र अद्याप याबाबत इराणकडून कोणतीही पुष्टी नाही.

होर्मुझ का महत्त्वाचे?

होर्मुझच्या खाडीचा विस्तार हा १६१ किलोमीटर इतका आहे. या मार्गावरुन जगाच्या एकणून कच्चा तेलाच्या पुरवठ्यापैकी २० टक्के पुरवठा जागतिक पातळीवर केला जाता. सध्या इराणने या मार्गावर नाकेबंदी केली आहे, ज्यामुळे जागतिक बाजारपेठेत तेल आणि गॅसचा तुटवडा निर्माण झाला आहे. यामुळे जागतिक इंधन दर आणि उर्जा संकट निर्माण झाले आहे. याचा जगाच्याच नव्हे, तर प्रत्येक देशाच्या अर्थव्यवस्थेला धक्का बसत आहे. इराणच्या या कृतीतून स्पष्ट झाले आहे की, अमेरिका(America)-इस्रायल(Israel)आणि त्याच्या मित्र राष्ट्रांना याचा सर्वाधिक फटका बसण्याची शक्यता आहे.

US Iran War : ‘होर्मुझवर इराणचा ताबा खपवून घेणार नाही’ ; अमेरिकेचा थेट युद्धाचा इशारा, मार्को रुबियो यांनी सांगितला ‘गेम प्लॅन’