Middle East War : इराणसह लेबनॉनही इस्रायलच्या निशावण्यावर; भीषण हल्ल्यात ८३ चिमुकल्यांसह शेकडो मृत्यूमुखी

Middle East War : सध्या मध्यपूर्वीतील युद्धाने भयंकर रुप धारण केले आहे. इराण आणि अमेरिका-इस्रायल दोन्ही बाजूंनी सतत वार सुरु आहेत. याच वेळी इस्रायलने दक्षिण बेरुतची राजधानी लेबनॉनमध्येही हल्ला केला आहे.

• इराणनंतर लेबनॉन इस्रायलच्या निशावण्यावर
• भीषण हल्ल्यात ८३ चिमुकल्यांसह शेकडो मृत्यूमुखी
• जगभरात खळबळ

Israel Attack on Lebnon : तेल अवीव : मध्यपूर्वेतील अमेरिका-इस्रायल विरुद्ध इराण संघर्षाने (US-Israel VS Iran) भयंकर रुप धारण केले आहे. परिस्थिती नियंत्रणाबाहेर गेली असून दोन्ही बाजूंनी सतत हल्ले होत आहेत. मात्र या हल्ल्याचा फटका मध्यपूर्वेतील सामान्य नागरिकांना बसत आहे. मिळालेल्या माहितीनुसार, इराणमध्ये सध्या 1,332 लोकांचा मृत्यू झाला आहे. याशिवाय इस्रायलने लेबनॉनवरही हल्ला केला आहे. या हल्ल्यातही लहान महिला आणि मुलांसह शेकडो लोक मृत्यमूखी पडले आहेत.

US Iran War : इराणमध्ये रक्ताचा सडा! मृतांचा आकडा १३०० पार ; १० व्या दिवशीही युद्धाने गाठली भीषण पातळी

इस्रायलने इराणची प्रॉक्सी संघटना हिजबुल्लाहला दक्षिण लेबनॉनमध्ये लक्ष्य केले आहे. यामुळे इस्रायल हल्ल्यात लेबनॉनमध्ये प्रचंड नुकसान आणि जीवितहानी झाली आहे. अनेक लोकांना आपली घरी सोडावे लागली आहेत. लेबनॉनच्या सोशल अफेर्यने दिलेल्या माहितीनुसार, इस्रायलच्या हल्ल्यांमुळे सुमारे ५,१७,००० लोक राहतात. यातील १,१७,२२८ लोक सध्या सरकारी निवासस्थानांमध्ये राहत आहेत, तर उर्तरित सीमा भागातील  लोकांनी शहरे रिकामी केली आहेत.

लेबनॉनमध्ये आधीपासून इस्रायल आणि हिजबुल्ल्हामध्ये युद्ध सुरु होते. यामुळे मोठ्या प्रमाणात आर्थिक आणि राजकीय नुकसान झाले होते. अशा परिस्थिती इस्रायलने पुन्हा सुरु केलेल्या हल्ल्यांमुळे परिस्थिती दयनीय झाली आहे. इस्रायलने लेबनॉनमधील निवासी आणि शहरी भागांमध्ये हल्ले केले असल्याचे आंतरराष्ट्रीय वृत्तांमध्ये सांगितले जात आहे. राजधानी बेरुतमध्येही भीषण प्रहार करण्यात आला आहे.

लेबनॉनच्या पब्लिक हेल्थ मंत्रालयाने दिलेल्या माहितीनुसार, पुन्हा सुरु झालेल्या इस्रायली हल्ल्यात आठवड्याभरात ३९४ लोक ठार झाले आहे. यामध्ये ८३ चिमुकले, ४२ महिला आणि ९ बचावकर्मींचाही समावेश आहे. तसेच शेकडो लोक गंभीर जखमी झाले असून रुग्णालयांवर मोठा ताण निर्माण झाला आहे. परंतु इस्रायलकडून हल्ले सुरुच आहेत.

ऑपरेशन एपिक फ्युरी

२८ फेब्रुवारी २०२६ रोजी अमेरिका-इस्रायलने संयुक्तपणे इराणवर हवाई हल्ले केले होते. याचा उद्देश इराणच्या अणु कार्यक्रमांना पूर्णपणे नष्ट करण्याचा आणि खामेनेईंची सत्ता उलथवून टाकण्याचा होता. या हल्ल्यात इराणचे सर्वोच्च नेते अयातुल्ला अली खामेनेई (Ayatollah Ali Khamenei) यांचा मृत्यू झाला असून इराण तीव्र पेटला आहे. इराणनेही मध्यपूर्वेतल अमेरिकन लष्करी तळे आणि दूतावासांवर हल्ले केले आहेत. या हल्ल्यात अमेरिकन सैनिकांचाही मृ्त्यू झाला आहे. आताही दोन्ही बाजूंनी हल्ले सुरु असून आज युद्धाचा १० वा दिवस आहे.

जागतिक स्तरावर परिणाम

या युद्धाचा जागतिक स्तरावर गंभीर परिणाम झाला आहे. इराणने आपली तेलाची सर्वात मोठी होमुर्झ सामुद्रधुनी बंद केल्याने जागतिक तेल पुरवठा साखळीत अडथळा निर्माण झाला आहे. या मार्गावरुन होणार तेलाचा व्यापार ठप्प झाला आहे. ज्यामुळे तेलाच्या किंमती प्रचंड वाढल्या आहेत. शेअर बाजारातही मोठी घसरण झाली आहे.

Iran Leadership : राष्ट्राध्यक्ष की सुप्रीम लीडर? इराणमध्ये नक्की कोणाचे हुकूम चालतात; जाणून घ्या सत्तेचं गणित