सोमवार, 9 नोव्हेंबर 2026
US Iran War : अमेरिकेचा इराणला मोठा झटका! चाबहार बंदरावर भीषण हल्ला; भारताच्या अब्जावधींच्या प्रकल्पाला मोठा धक्का? (फोटो सौजन्य: सोशल मीडिया)
मीडिया रिपोर्टनुसार, अमेरिकेने चाबहार व्यापार क्षेत्राच्या अगदी जवळ पहाडी भागातील लष्करी तळांना लक्ष्य केले आहे. यामुळे इराणसोबतच्या त्यांच्या सुरू असलेल्या संघर्षात एका नव्या आघाडीच्या युद्धाला सुरुवात झाली आहे. चाबहार इराणच्या पूर्व भागात आणि पाकिस्तानच्या सीमेजवळ स्थित आहे.
यापूर्वी देखील अमेरिकेने (America) चाबहारमधील इस्लामिक रिव्लोहल्यूशनरी गार्ड कॉर्प्स(IRGC) नौदल तळांना आणि जहाजांना लक्ष्य केले होते. चाबहारवर झालेला हा दुसरा सर्वात मोठा हल्ला मानला जात आहे. चाबहार बंदर इराणच्या ‘मकरान’ किनारपट्टीवर स्थित आहे. हे बंदर ‘ओमानच्या आखाताच्या प्रवेशद्वाराजवळ स्थित असून भौगोलिकदृष्ट्या पाकिस्तानच्या ग्वादर बंदरापासून १७० किलोमीटर अंतरावर आहे.
मीडिया रिपोर्टनुसार, या बंदरावर अमेरिकेने इराणच्या कुड्स फोर्सच्या भूमिगत तळांना लक्ष्य केले आहे. अमेरिकेने व्यापारी क्षेत्राच्या भागातील लष्करी तळांवर बॉम्ब डागले आहेत. इराणच्या होर्मुझ नाकेबंदीला तोडण्यासाठी हा हल्ला केला असल्याचे सांगितले जात आहे. तसेच इराणचे एकमेव बंदर असलेल्या चाबहारवर हल्ला इराणची पुरवठा साखळी तोडण्यासाठीही असल्याचे म्हटले जात आहे.
या हल्ल्याबाबत अद्याप इतर कोणतेही तपशील समोर आलेले नाहीत. परंतु या कारवाईमुळे इराणला मोठा झटका बसला आहे. अमेरिकेच्या मते, इराणची कुड्स फोर्स या बंदरावरुन आफ्रिका आणि आशिया खंडातील त्यांच्या प्रॉक्सी संघटनांना शस्त्रे, साहित्य आणि लॉजिस्टिक मदत पाठवतो. यामुळे बंदरावरहील हल्ला इराणच्या बाह्य जाळ्यांना तोडण्यासाठी करण्यात आला आहे.
हा हल्ला भारतासाठी अत्यंत धोकादायक मानला जात आहे. भारताने या चाबहार प्रकल्पाच्या विकासासाठी इराणसोबत १० वर्षांचा करार केला आहे. या करारांतर्गत भारताने मोठी यंत्रणा आणि क्रेन तैनात केल्या आहेत. याचा उद्देश भारताला पाकिस्तान वगळून अफगाणिस्तान आणि मध्य आशियाई देशांशी थेट आणि सुरक्षित व्यापार करता यावा.
तसेच चीन-पाकिस्तानच्या ग्वादर बंदराला उत्तर देण्यासाठी भारताने चाबहारमध्ये गुंतवणूक केली आहे. परंतु अमेरिकेच्या हल्ल्यामुळे भारताचे धोरणात्मक वर्चस्व धोक्यात आले आहे. सध्या थेट चाबहार बंदरावर हल्ला न झाल्याने भारतासाठी कोणताही धोका नाही, परंतु भारतायावर बारकाईने नजर ठेवून आहे.
Ans: अमेरिकेने इराणच्या चाबहार व्यापार क्षेत्राच्या अगदी जवळ पहाडी भागातील कुड्स फोर्सच्या भूमिगत तळांवर हल्ला केला आहे.
Ans: इराणच्या होर्मुझ नाकेबंदीला तोडण्यासाठी आणि इराणची प्रॉक्सी संघटनांना शस्त्रास्त्रे पुरवण्याच्या नेटवर्कला तोडण्यासाठी हल्ला केला आहे.
Ans: इराणच्या चाबहार बंदराच्या विकासासाठी भारताने मोठी गुंतवणूक केली आहे. याच्या मदतीने भारत अफगाणिस्तान आणि मध्य आशियाईशी थेट व्यापार करु शकतो. यामुळे या बंदरावर थेट हल्ला झाल्यास भारताचे मोठे नुकसान होऊ शकते.
