मंगळवार, 3 नोव्हेंबर 2026
फोटो सौजन्य AI
मध्यंतरी त्यांची तब्येत खालावली असताना सुद्धा त्यांच्या सुटकेची मागणी तीव्र झाली होती . सुनील गावस्कर आणि कपिल देव सोबत जगातील बऱ्याच माजी क्रिकेटपटूंनी इम्रान खान यांना चांगल्या आरोग्य सुविधा मिळाव्यात या साठी पाकिस्तान सरकारला पत्रं लिहिलीत .
या सगळ्या पार्श्वभूमीवर इम्रान खान यांच्या पक्षाने तसेच पाकिस्तानी नागरिकांनी येत्या २७ सप्टेंबरला लॉन्ग मार्च काढणार असल्याचे जाहीर केले . आणि लॉन्ग मार्च मध्ये इम्रान खान यांची बहीण सामील होणार असल्याचे सुद्धा जाहीर झाले .
पाकिस्तान सरकारवर दबाव टाकण्यासाठी PTI ने २७ सप्टेंबर रोजी देशव्यापी आंदोलन आणि इस्लामाबादकडे लॉन्ग मार्च ची घोषणा करण्यात आली आहे . या मोर्च्यामध्ये इम्रान खान यांच्या बहीण अलीमा खान यांना त्यांच्या लाहोरमधील घरातून अटक करण्यात आल्याचे पंजाब प्रवक्त्याने सांगितले .
अटकेबाबत पाकिस्तान सरकार किंवा पोलिसांकडून तातडीने अधिकृत प्रतिक्रिया देण्यात आलेली न्हवती . अलीमा खान यांच्या मोर्च्यात सहभागी झाल्याने इम्रान खान यांना निश्चितच पाकिस्तान मधील जनतेकडून सहानभूती मिळू शकते आणि सरकार बद्दल जनतेत असंतोष वाढू शकतो या भीतीने त्यांना अटक करण्यात आल्याचे बोलले जात आहे .
PTI ने अलीमा खान यांच्या अटकेनंतर लगेचच आपला निषेध जाहीर केला आहे . पक्षाच्या पंजाब युनिटने मोठ्या संख्येने आपल्या कार्यकर्त्यांना ताब्यात घेतले जात असल्याचा आरोप केला आहे . PTI ने यापूर्वीही लॉन्ग मार्चच्या तयारी दरम्यान आपल्या कार्यकर्त्याना कारवाईला सामोरे जावे लागल्याचे सांगितले आहे . हे पाकिस्तान मधील लोकशाहीला घातक असल्याचे सांगितले आहे .
