pakistan deputy pm ishaq dar falls on red carpet egypt minister iran peace talks 2026
Ishaq Dar fall on red carpet video : जागतिक राजकारणात स्वतःला ‘मध्यस्थ’ म्हणून सिद्ध करण्याचा प्रयत्न करणाऱ्या पाकिस्तानला पुन्हा एकदा आंतरराष्ट्रीय स्तरावर मान खाली घालावी लागली आहे. मध्य-पूर्वेतील इराण-अमेरिका युद्ध (US-Israel Iran War) थांबवण्यासाठी इस्लामाबादमध्ये महत्त्वाच्या बैठका सुरू असतानाच, पाकिस्तानचे उपपंतप्रधान आणि परराष्ट्र मंत्री इशाक दार यांचा एक अत्यंत लाजिरवाणा व्हिडिओ समोर आला आहे. या व्हिडिओने पाकिस्तानच्या (Pakistan) राजनैतिक वर्तुळात मोठी खळबळ उडवून दिली असून सोशल मीडियावर मीम्सचा पाऊस पडत आहे.
रविवारी इस्लामाबादमध्ये एका भव्य राजनैतिक कार्यक्रमाचे आयोजन करण्यात आले होते. इजिप्तचे परराष्ट्र मंत्री बदर अब्देललाटी हे या बैठकीसाठी पाकिस्तानात पोहोचले होते. त्यांचे स्वागत करण्यासाठी इशाक दार रेड कार्पेटवर पुढे सरसावले. मात्र, पाहुण्यांचे स्वागत करण्याच्या नादात त्यांचा पाय घसरला आणि ते थेट जमिनीवर कोसळले. समोर इजिप्तचे प्रतिनिधी आणि बाजूला सुरक्षा रक्षक असताना घडलेल्या या प्रकारामुळे काही काळ तिथे शांतता पसरली. सुरक्षा कर्मचाऱ्यांनी तात्काळ धावत जाऊन त्यांना उचलले, पण तोपर्यंत कॅमेऱ्यात ही कैद झालेली ही घटना वारंवार पाहिली जात आहे.
जागतिक घडामोडी संबंधित बातम्या वाचण्यासाठी येथे क्लिक करा : India Nepal Border: नेपाळमध्ये सत्तांतर होताच भारतीय सीमेवर हालचालींना वेग; बालेन शाह सरकारचा मोठा ‘बॉर्डर प्लॅन’, वाचा सविस्तर
ही घटना अशा वेळी घडली आहे जेव्हा पाकिस्तान, तुर्की, इजिप्त आणि सौदी अरेबिया हे देश इराणमधील युद्ध थांबवण्यासाठी ‘दोन दिवसीय’ शांतता चर्चेत गुंतले आहेत. इराणचे राष्ट्राध्यक्ष मसूद पेझेश्कियान यांच्याशी पंतप्रधान शहबाज शरीफ नियमित संवाद साधत आहेत. पाकिस्तानला या युद्धात मोठी भूमिका बजावायची आहे, परंतु उपपंतप्रधानांच्या या शारीरिक अपघाताकडे आता राजकीय चष्म्यातून पाहिले जात आहे. अनेक तज्ज्ञांच्या मते, अशा घटनांमुळे देशाच्या नेत्यांच्या गांभीर्याबद्दल आणि व्यावसायिक प्रतिमेबद्दल नकारात्मक संदेश जातो.
نائب وزیراعظم اسحاق ڈار دفتر خارجہ میں مہمان وزرا خارجہ کا استقبال کرتے ہوئے فرش پر گر گئے۔ شکر ہے محفوظ رہے!!! pic.twitter.com/v82rMi3KOp — Nadir Baloch (@BalochNadir5) March 29, 2026
credit – social media and Twitter
हा व्हिडिओ व्हायरल होताच नेटकऱ्यांनी पाकिस्तानच्या सध्याच्या आर्थिक आणि राजकीय परिस्थितीशी त्याची तुलना करण्यास सुरुवात केली आहे. “पाकिस्तानची अर्थव्यवस्था जशी कोसळतेय, तसेच त्यांचे नेतेही कोसळत आहेत,” अशा तिखट प्रतिक्रिया उमटत आहेत. विशेषतः इराण युद्धासारख्या संवेदनशील विषयावर चर्चा सुरू असताना उपपंतप्रधानांचा तोल जाणे, हे राजनैतिक दृष्टिकोनातून ‘अशुभ’ मानले जात आहे. या घटनेमुळे पाकिस्तानची आंतरराष्ट्रीय विश्वासार्हता पुन्हा एकदा वादाच्या भोवऱ्यात सापडली आहे.
जागतिक घडामोडी संबंधित बातम्या वाचण्यासाठी येथे क्लिक करा : Pete Hegseth: युद्ध की ‘धर्मयुद्ध’! ‘हे युद्ध येशू ख्रिस्तासाठी…’, US संरक्षण सचिवांच्या विधानावर पेंटागॉनने दिले स्पष्टीकरण
कोणत्याही देशासाठी त्यांचे परराष्ट्र मंत्री हे जगासमोर त्या देशाचा चेहरा असतात. इशाक दार यांच्यासोबत घडलेली ही घटना केवळ एक अपघात असू शकतो, परंतु आंतरराष्ट्रीय राजकारणात ‘वेळ’ महत्त्वाची असते. इराण युद्ध शांत करण्याच्या प्रक्रियेत पाकिस्तान किती गंभीर आहे, यावर आता प्रश्नचिन्ह उपस्थित केले जात आहे. आता या फजितीनंतर पाकिस्तान आपले राजनैतिक वजन पुन्हा कसे सावरतो, हे पाहणे महत्त्वाचे ठरेल.
Ans: इजिप्तच्या परराष्ट्र मंत्र्यांच्या स्वागत समारंभादरम्यान इशाक दार यांचा पाय घसरला आणि ते रेड कार्पेटवर कोसळले, ज्याचा व्हिडिओ व्हायरल झाला आहे.
Ans: इराण, अमेरिका आणि इस्रायल यांच्यातील सुरू असलेले युद्ध थांबवण्यासाठी पाकिस्तान, इजिप्त, तुर्की आणि सौदी अरेबियामध्ये चर्चा सुरू आहे.
Ans: या घटनेमुळे आंतरराष्ट्रीय स्तरावर पाकिस्तानच्या नेत्यांच्या व्यावसायिक प्रतिमेची खिल्ली उडवली जात असून राजनैतिक विश्वासार्हतेवर प्रश्नचिन्ह उपस्थित झाले आहे.
.png "Videos"){kind=small}
