पाकिस्तानच्या संरक्षण मंत्र्यांनी अफगाणिस्तानला 'ओपन वॉर'ची थेट धमकी (Photo Credit- X)
मिळालेल्या अहवालानुसार, चर्चेच्या पहिल्या टप्प्याचे नेतृत्व करणारे पाकिस्तानचे संरक्षण मंत्री ख्वाजा आसिफ यांनी सियालकोटमध्ये दावा केला की, शांतता चर्चेच्या या नवीन टप्प्याचा निकाल रविवारपर्यंत समोर येऊ शकतो. रिपोर्टनुसार, ख्वाजा आसिफ म्हणाले, “जर ही चर्चा अयशस्वी झाली, तर पाकिस्तानकडे अफगाणिस्तानसोबत खुल्या संघर्षात (ओपन वॉर) सामील होण्याशिवाय दुसरा पर्याय राहणार नाही.” मात्र, यावेळी त्यांनी दोन्ही पक्षांना शांतता हवी असल्याचेही नमूद केले. पाकिस्तानी माध्यमांनी दिलेल्या माहितीनुसार, इस्लामाबाद एक ‘थर्ड-पार्टी ओव्हरसाईट स्ट्रक्चर’ तयार करू इच्छित आहे, ज्याचे सह-अध्यक्षपद तुर्की आणि कतार भूषवतील. नियमांचे पालन न करणाऱ्यांवर कारवाई करण्यासाठी हे स्ट्रक्चर मदत करेल.
Pakistan’s defence minister Khawaja Muhammad Asif reportedly warned on Saturday that failure to reach an agreement with Afghanistan during ongoing talks in Istanbul could lead to “open war”. Read more: https://t.co/dBkQZNLgI6 pic.twitter.com/9JK2xCdk8X — Hindustan Times (@htTweets) October 25, 2025
गेल्या काही आठवड्यांपासून ड्युरंड लाईनवर अनेक चकमकी घडल्यामुळे काबूल आणि इस्लामाबादमधील संबंध सध्या अत्यंत तणावपूर्ण आहेत. पाकिस्तान अफगाणिस्तानकडून प्रतिबंधित तहरीक-ए-तालिबान पाकिस्तान (टीटीपी) चा धोका त्यांच्या हद्दीतून संपुष्टात आणण्यासाठी ठोस कारवाईची मागणी करत आहे. पाकिस्तानचा युक्तिवाद आहे की, टीटीपी अफगाण भूमीचा वापर सीमापार हल्ले करण्यासाठी करत आहे. ९ ऑक्टोबरपासून अफगाणिस्तानचे परराष्ट्र मंत्री आमिर खान मुत्ताकी यांच्या नवी दिल्लीच्या आठवडाभराच्या भेटीला पाकिस्तानी सरकारने संशयाने पाहिले. मुत्ताकीच्या भेटीच्या पहिल्याच दिवशी काबूलमध्ये ड्रोन हल्ले झाले होते.
भारताने पुलवामा हल्ल्यानंतर सिंधु पाणी कराराला स्थगिती दिल्यानंतर, आता अफगाणिस्ताननेही ‘शक्य तितक्या लवकर’ कुणार नदीवर धरणे बांधण्याची घोषणा केली आहे. या निर्णयामुळे इस्लामाबादची चिंता वाढू शकते. तालिबानचे उप माहिती मंत्री मुहाजिर फराही यांनी सोशल मीडिया प्लॅटफॉर्मवर माहिती दिली की, तालिबानचे सर्वोच्च नेते हिबतुल्लाह अखुंदजादा यांनी जल आणि ऊर्जा मंत्रालयाला कुणार नदीवर धरणांचे बांधकाम लवकर सुरू करण्याचे निर्देश दिले आहेत. कुणार नदी (चित्राळ नदी) ही उत्तर पाकिस्तान आणि पूर्व अफगाणिस्तानमध्ये ४८० किलोमीटर लांबीची नदी आहे. पाकिस्तानमधील गिलगिट बाल्टिस्तान आणि चित्राळच्या सीमेवरील चियांतर ग्लेशियरमधून ही नदी उगम पावते आणि पुढे अफगाणिस्तानमध्ये नंगरहार प्रांतात काबूल नदीला मिळते.
.png "Videos"){kind=small}
