पाकिस्तानच्या सर्वोच्च धर्मगुरुंचा सरकारलाच घरचा आहेर; म्हणाले ‘भारत आपल्यापेक्षा खूप…’

जनतेला युद्धापासून दूर राहण्याचे आवाहन

यामुळे पाकिस्तानचे पंतप्रधान शाहबाज शरीफ यांना मोठा धक्का बसला आहे. इस्लामाबाद येथील लाल मशिदीचे मौलवी अजीज गाझी यांनी लोकांना युद्धापासून दूर राहण्याचे आवाहन केले आहे. त्यांनी म्हटले आहे की, हे धार्मिक युद्ध नाही, त्यापासून दूर राहावे. मौलाना अजीज यांना पाकिस्तानच्या सर्वोच्च धार्मिक नेत्यांमध्ये गणले जाते. इस्लामाबादच्या लाल मिशिदीचे ते मौलवी आहेत. ही सर्वात प्रसिद्ध मशीद आहे. दरम्यान मौलाना अब्दुल अजीज गाझी यांनी लोकांना विचारले की, तुम्ही भारतासोबत युद्ध लढणार आहात का? युद्ध लढणार नसाल तर तुम्ही शहाणे आहात.

जागतिक घडामोडी संबंधित बातम्या- तणावपूर्ण परिस्थितीमध्ये पुतिन यांची मोदींना साथ; पहलगाम विरोधात घेतला आक्रमक पवित्रा

हे धार्मिक युद्ध नाही…

तसेच मौलाना अजीज यांनी असेही म्हटले की, ही भारत आणि पाकिस्तानमधील लढाई धार्मिक नाही. हे केवळ दोन देशांमधील युद्ध आहे. हे युद्ध केवळ सरकारनेच लढले पाहिजे. यामध्ये जनतेने सहभागी होऊ नये. धर्मासाठी आवश्यक असल्यास तुम्ही युद्धात सामील होऊ शकता. पण या युद्धाचा कोणालाही फायदा होणार नाही. यासाठी लढण्याची गरज नसून शहाणपणाने वागा असे मौलाना अजीज यांनी म्हटले.

पहलगाम हल्ल्यानंतर पाकिस्तानच्या अनेक नेत्यांकडून धक्कादायक अशी विधाने समोर आली आहेत. तसेच पाकिस्तानचे लष्करप्रमुख असीम मुनीर यांनी पाकिस्तानला अल्लाहचा देश म्हणून संबोधले होते. त्यांनी म्हटले होते की, अल्ल्हाच्या इच्छेने जगात केवळ दोनच देश स्थापन झाले आहे, एक सौदी अरेबिया आणि दुसरा पाकिस्तान. मुनीर यांनी हिंदूविरोधतही वक्तव्य केले होते. त्यांच्या या विधानानंतर मोठा गोंधळ निर्माण झाला होता.

तसेच भारताच्या कारवाईनंतर पाकिस्तानचे संरक्षण मंत्री, रेल्वे मंत्री यांनीही भारताला धमक्या दिल्या आहेत. पाकिस्तानकडून वांरवार अणुहल्ल्याची धमकी दते आहे.

जागतिक घडामोडी संबंधित बातम्या- मोदी, अमित शाह अन् जयशंकर यांना तुरुंगात टाकून काढली धिंड…; खलिस्तानींचा नीच व्हिडिओ व्हायरल

संबंधित बातम्या