Russia Iran Relation : आता खेळ पलटणार! इराणसाठी Putin मैदानात; UN मध्ये थेट अमेरिकेला ललकारले

Russia Iran Relations : जागतिक राजकारणात सध्या मोठा बदल घडताना दिसत आहे. रशिया आणि इराणची मैत्री अधिक घट्ट होताना दिसत आहे. संयुक्त राष्ट्रात इराणचे समर्थन करत रशियाने अमेरिकेला सुनावले आहे.

• जागतिक राजकारणात नवा ट्विस्ट
• इराणच्या मदतीसाठी धावला रशिया
• संयुक्त राष्ट्रात थेट अमेरिकेला ललकारले

Russia Support Iran in UN : मॉस्को : अमेरिका इराणमधील संघर्ष आता केवळ जमिनीपर्यंत मर्यादित न राहता समुद्रातही पेटला आहे. यामुळे जागतिक व्यापारात मोठा अडथळा निर्माण होत आहे. याच पार्श्वभूमीवर सोमवारी(२७ एप्रिल) संयुक्त राष्ट्रांची एक महत्त्वपूर्ण बैठक पार पडली आहे. या बैठकीत इराणविरोधात आक्रमक भूमिका घेण्यात आली. मात्र, रशियाने या बैठकीत  इराणचे जोरदार समर्थन करत पाश्चात्य देशांना खडे बोल सुनावले.

US Iran Peace Talks : ट्रम्प संतापले! अणु कारारावरुन अमेरिका इराणमध्ये मोठा राडा, आता थेट युद्ध होणार?

रशियाने संयुक्त राष्ट्रात इराणला पाठिंबा देत, स्ट्रेट ऑफ होर्मुझ मार्ग  कायदेशीररित्या बंद करण्याचा अधिकार असल्याचे त्याला असल्याचे सांगितले. तर अमेरिकेची तुलना २१ व्या शतकातील समुद्री डाकू अशी केली.

पुतिन-अराघची भेट

एकीकडे संयुक्त राष्ट्रात रशियाने इराणची बाजू घेतली, तर दुसरीकडे सेंट पीटर्सबर्ग येथे रशियाचे अध्यक्ष व्लादिमिर पुतिन यांनी इराणचे परराष्ट्रा मंत्री अब्बास अराघची यांची भेट घेतली आहे. या भेटीने रशिया आणि इराणचे संबंध केवळ राजनैतिक नसून सागरी भागीदारीचेही आहेत आणि रशिया इराणच्या पाठीशी खंबीरपणे उभा आहे.

रशियाचा अमेरिकेवर हल्लाबोल

संयुक्त राष्ट्रातील रशियाचे स्थायी प्रतिनिधी वासिली नेबेंजिया यांनी इराणच्या बाजूने रशियाची भूमिका स्पष्ट केली. त्यांनी अमेरिकेसह पाश्चात्य देशांना सुनावले. त्यांनी म्हटले की, जे देश स्वत:ला आंतरराष्ट्रीय कायद्याचा रक्षक समजतात, तेच देश समुद्रात लुटमार करत आहेत. पाश्चात्य देशांची इराणवर दबाव टाकण्याची रणनीती ही समुद्री डाकूसारखी असल्याचे त्यांनी म्हटले.

त्यांनी पुढे स्पष्ट केले की, इराणला त्यांच्या सुरक्षेसाठी समुद्री नाकेबंदी सार्वभौम अधिकार आहे. अमेरिका आणि युरोपीय देश स्वत:च्या सोयीनुसार, आंतरराष्ट्रीय कायद्याचा वापर करतात असाही आरोप करण्यात आला. रशियाच्या मते, इराणने त्यांच्या सुरक्षेसाठी समुद्रात नाकेंबदी केली तो धोका आणि हेच पाश्चात्य देशांनी केले तर त्याला नियम मानले जाते जो उघडपणे पाखंडीपणा आहे असे रशियाने म्हटले.

सध्या रशियाच्या या भूमिकेमुळे जगभरात खळबळ उडाली आहे. स्ट्रेट ऑफ होर्मुझ हा मार्ग जागतिक व्यापारासाठी महत्त्वाचा आहे. परंतु यावर इराणचे नियंत्रण योग्य असल्याचे रशियाने म्हटल्याने येणाऱ्या काळात  तेल पुरवठा आणि सागरी सुरक्षेवरुन महासत्तांमध्ये संघर्ष सुरु होण्याची शक्यता आहे. सध्या संपूर्ण जगाचे लक्ष आता अमेरिका यावर काय भूमिका घेते याकडे लागले आहे.

US Iran Tension : पाकिस्तान फेल! आता UN ने सांभाळला मध्यस्थीचा मोर्चा, इराणला होर्मुझ खुला करण्याचा अल्टीमेटम