Russia Ukraine War : मध्यपूर्वेतील तणावादरम्यान रशियाची मोठी चाल! युक्रेनवर आतापर्यंतचा सर्वात मोठा हल्ला, शांतता चर्चेला तडा?

Russia Ukraine War : रशियाने मध्यपूर्वेतील तणावाचा फायदा घेत युक्रेनवर तीव्र हल्ला चढवला आहे. यामुळे जागतिक स्तरावर गंभीर चिंतेचे वातावरण निर्माण झाले आहे. या हल्ल्याने युक्रेनमध्ये घबराट पसरली आहे.

• इराणयुद्धादरम्यान रशिया-युक्रेन संघर्ष पुन्हा पेटला
• रशियाचा युक्रेनवर भीषण ड्रोन अन् मिसाइल हल्ला
• चार नागरिकांचा बळी

Russia Attack on Ukraine News in Marathi : मॉस्को/कीव्ह : एकीकडे मध्यपूर्वेत अमेरिका-इस्रायल विरुद्ध इराणमध्ये तीव्र संघर्ष सुरु आहे. या संघर्षादरम्यान रशिया युक्रेन युद्धा(Russia Ukraine War) ला चार वर्षे पूर्ण झाली असून पुतिन यांच्या सैन्याने युक्रेनवर आतापर्यंतच भीषण हल्ला केला आहे. मध्यपूर्वेतील अशांततेचा फायदा घेत रशियाने आपली संपूर्ण ताकद युक्रेनला उद्ध्वस्त करण्यासाठी वापरली आहे. रशिया युक्रेनची राजधानी कीव्हवर हल्ला केला आहे. यामध्ये ४ निरापराध नागरिकांचा मृत्यू झाला, तर अनेक गंभीर जखमी आहेत.

US-Iran War : अमेरिका-इस्रायलच्या डोळ्यांत फेकली धूळ! इराणने हिंद महासागरातून नौसैनिकांना ‘असं’ उडवून नेलं, भारताची गुप्त मदत?

एका रात्रीत शेकडो ड्रोन्सचा मारा

युक्रेनचे राष्ट्राध्यक्ष वोलोडिमिर झेलेन्स्की (Volodymir Zelensky) यांनी या हल्ल्याची पुष्टी केली आहे. त्यांनी दिलेल्या माहितीनुसार, रशियाने एका रात्रीत तब्बल ४३० ड्रोन्स आणि ६८ क्षेपणास्त्रे कीव्ह डागली आहे. कीव्हीमधील चार प्रमुख जिल्ह्यांमध्ये भीषण स्फोट झाला असून लोकांमध्ये प्रचंड घबराट पसरली आहे. संपूर्ण शहरात इमारती कोसळून ढिगारे आणि धुराचे लोट पाहायला मिळत आहेत.

जनजीवन विस्कळीत

रशियाने या हल्ल्यात नागरी वस्ती आणि वीज प्रकल्पांना लक्ष्य केले आहे. यामुळे लाखो लोक थंडीत वीज आणि पाण्याविना तडफडत आहेत. अनेक शाळा, महाविद्यालये आणि बाजारपेठांवर क्षेपणास्त्रे कोसळ्याने मोठ्या प्रमाणात आर्थिक नुकसान झाले आहे. युक्रेनच्या सुमी शहरतील एका रहिवासी इमारतीला लागलेल्या आगीत अनेक लोकांची घरे जळून खाक झाली आहेत.

शांतता चर्चेला मोठा तडा

विशेष म्हणजे हा हल्ला अशा वेळी झाला आहे, जेव्हा अमेरिकेच्या मध्यस्थीने दोन्ही देशांमध्ये शांततात चर्चा सुरु होती. इराण युद्धामुळे ही चर्चा थांबवण्यात आली होती. मात्र रशियाच्या या हल्ल्याने जगभरात खळबळ उडाली आहे. झेलेन्स्की यांची रशियाचे अध्यक्ष व्लादिमिर पुतिन (Vladimir Putin) यांना शांतता नको असून युक्रेनला उद्ध्वस्त करायचे आहे, असा आरोप केला आहे.

मानवी संकट आणि जागतिक चिंता

गेल्या चार वर्षांपासून हे युद्ध सुरु असून यामध्ये युक्रेनचा मोठे नुकसान झाले आहे. युक्रेनमधील अनेक शहरे आता ढिगाऱ्यांमध्ये उरली आहेत. आंतरराष्ट्रीय मानवाधिक संघटनांनी यावर तीव्र चिंता व्यक्त केली आहे. परंतु सध्या मध्यपूर्वेतील स्थिती पाहता रशिया युक्रेन शांतता चर्चा थांबल्याने युद्धविरामाची चिन्हे धूसर झाली आहेत. याशिवाय अमेरिकेने इराणच्या मिसाइल्सला रोखण्यासाठी आपले पॅट्रियट इंटरसेप्टर मिसाइल मध्यपूर्वेकडे वळवले आहे. यामुळे युक्रेनची लष्करी मदत मंदावली आहे. यामुळे युक्रेनच्या संरक्षणाला धोका निर्माण होत आहे. याचा फायदा रशिया घेत आहे.

US-Iran War : इराणवर हल्ला अन् रशियाची चांदी! पुतिन यांच्या तिजोरीत पडणार अब्जावधींचा पाऊस?