Russia-Ukraine War : पुतिन यांच्या भेटीसाठी अमेरिकेचे दूत मॉस्कोत; युद्ध थांबवण्यासाठी निर्णायक चर्चा सुरू

Russia-Ukraine War : रशिया-युक्रेन युद्ध थांबवण्यासाठी अमेरिकेचे विशेष दूत स्टीव्ह विटकॉफ आणि जारेड कुशनर मॉस्कोत दाखल झाले आहेत. पुतिन यांच्यासोबत युद्ध समाप्तीच्या प्रस्तावावर चर्चा होणार असून, त्यानंतर दोन्ही दूत कीवला जाण्याची शक्यता आहे. दरम्यान, रशियाने कीववरील हवाई हल्ल्यांना ७२ तासांचा विराम देण्याचा निर्णय घेतला आहे.

• अमेरिकेच्या दूतांचे मोस्कोत आगमन
• युध्दविरामासाठी ७२ तासांचा महत्वाचा निर्णय
• भूभागाचा मुद्दा ठरणार मोठा अडथळा

Russia-Ukraine War : रशिया युक्रेन युद्ध थांबवण्यासाठी अमेरिकेने पुन्हा एकदा राजनैतिक प्रयत्नांना वेग दिला आहे . अमेरिकेचे विशेष दूत स्टीव्ह विटकॉफ आणि जारेड कुशनर मॉस्कोत दाखल झाले आहेत . दोन्ही दूत रशियाचे राष्ट्राध्यक्ष व्लादिमिर पुतीन यांची भेट घेणार असून , युद्ध संपवण्यासाठी अमेरिकेच्या प्रस्तावावर चर्चा होण्याची शक्यता आहे . दरम्यान पुतीन यांनी कीव्हवरील हवाई हल्ल्यांना ७२ तासांचा विराम देण्याचे आदेश दिल्याने चर्चेला आणखी महत्व प्राप्त झाले आहे .

अमेरिकेच्या दूतांचे मोस्कोत आगमन

राष्ट्राध्यक्ष डोनाल्ड ट्रम्प यांच्या निर्देशानुसार स्टीव्ह विटकॉफ आणि जारेड कुशनर रशिया युक्रेन युद्धावर तोडगा काढण्यासाठी मॉस्कोत पोहोचले आहेत . त्यांच्या या दौऱ्यात पुतीन यांच्यासोबत महत्वाची बैठक होणार आहे . युद्ध संपवण्यासाठी अमेरिकेकडे एक प्रस्ताव असल्याचे ट्रम्प यांनी यापूर्वी स्पष्ट केले आहे . मॉस्को नंतर दोन्ही दूत युक्रेनची राजधानी किंवा येथे जाण्याची शक्यता आहे . युक्रेनचे राष्ट्राध्यक्ष झेलन्स्की यांच्यासोबतही ते चर्चा करणार आहेत .

Africa Map Update : आफ्रिकेचा नकाशा बदलणार; UNचा मोठा निर्णय, ‘Equal Earth’ नकाशाला १६४ देशांचा पाठिंबा

युध्दविरामासाठी ७२ तासांचा महत्वाचा निर्णय

अमेरिकन दूतांच्या दौऱ्याच्या पार्श्वभूमीवर रशियाने कीव्हवरील हवाई हल्ल्यांना तीन दिवसांचा विराम देण्याचा निर्णय घेतला आहे . हा विराम चर्चेसाठी अनुकूल वातावरण निर्माण करण्याच्या दृष्टीने महत्वाचा मानला जात आहे . झेलेन्स्की यांनीही अमेरिकन दूतांच्या भेटीदरम्यान युक्रेनकडून हवाई हल्ले थांबवण्याची तयारी दर्शवली आहे . त्यामुळे दोन्ही बाजूंमध्ये तात्पुरता तणाव कमी करण्याची शक्यता निर्माण झाली .

Nepal Climate Crisis : ‘मदत नाही, कर्ज फेडा’; नेपाळच्या नुकसानभरपाईच्या मागणीला ग्रेटा थनबर्ग यांचा पाठिंबा

भूभागाचा मुद्दा ठरणार मोठा अडथळा

शांतता चर्चेचा मार्ग खुला होत असला तरी रशिया आणि युक्रेनमधील प्रमुख मतभेद अद्याप कायम आहेत . भूभागाचा प्रश्न , युक्रेनची सुरक्षा आणि नाटोशी संबंधित भूमिका हे चर्चेतील सर्वात संवेदनशील मुद्दे आहेत . रशियाच्या काही प्रमुख मागण्या युक्रेनला मान्य नाहीत . तर युक्रेन आपल्या भूभागावर तडजोड करण्यास तयार नसल्याचे स्पष्ट करत आहे . त्यामुळे अमेरिकेच्या मध्यस्थीने दोन्ही देशांना स्वीकारता येईल असा तोडगा काढणे हे मोठे आव्हान असणार आहे . दरम्यान युद्धाच्या मैदानावर हल्ले सुरूच असल्याने या चर्चेकडे संपूर्ण जगाचे लक्ष लागले आहे . विटकॉफ आणि कुशनर यांच्या मॉस्को – कीव्ह दौऱ्यातून युध्दविरामाचा ठोस मार्ग निघतो का , हे पाहणे महत्वाचे ठरणार आहे .