शनिवार, 19 सप्टेंबर 2026
फोटो सौजन्य सोशल मीडिया
त्यानंतर शहरात मोठे आवाज ऐकू आले आणि रियाधच्या किंग खालिद आंतरराष्ट्रीय विमानतळाच्या परिसरातून मोठ्या प्रमाणात काळा धूर आणि आगीच्या ज्वाळा दिसून आल्या. या घटनेमुळे विमानतळावरील विमानसेवेवरही परिणाम झाला.
सौदी नागरी संरक्षण यंत्रणेने रात्रीच्या वेळी संभाव्य ‘शत्रूच्या हवाई हल्ल्याचा धोका’ असल्याचा इशारा दिला. नागरिकांना घरातच राहण्यास आणि पुढील सूचना मिळेपर्यंत बाहेर न पडण्यास सांगण्यात आले. काही वेळानंतर परिस्थिती नियंत्रणात आल्याचे सांगत अलर्ट मागे घेण्यात आला.
रियाधमध्ये यापूर्वीही काही सुरक्षा अलर्ट जारी करण्यात आले होते; मात्र येमेनमधील हुथी संघर्ष पुन्हा तीव्र झाल्यानंतर राजधानीसाठी जारी करण्यात आलेला हा पहिलाच मोठा हवाई हल्ल्याचा इशारा असल्याचे समोर आले आहे. या घटनेमुळे राजधानीच्या सुरक्षेबाबत चिंता वाढली आहे.
Breaking News : ट्रम्प यांचा CNN, MS NOW आणि Politico वर व्हाईट हाऊस बंदीचा निर्णय
एअर-रेड अलर्टनंतर रियाधच्या किंग खालिद आंतरराष्ट्रीय विमानतळाजवळ मोठ्या प्रमाणात काळा धूर आकाशात पसरलेला दिसून आला. काही दृश्यांमध्ये धुरासोबत आगीच्या ज्वाळाही दिसत होत्या. हा धूर विमानतळ परिसरातील इंधन साठवणूक क्षेत्राजवळून येत असल्याचे दृश्यांवरून दिसले.
मात्र या आगीचे नेमके कारण काय आहे, तसेच विमानतळावर थेट हल्ला झाला आहे का, याबाबत सौदी प्रशासनाकडून तत्काळ स्पष्ट माहिती देण्यात आलेली नव्हती. त्यामुळे घटनेचा नेमका परिणाम किती झाला, याबाबतची परिस्थिती अद्याप स्पष्ट होत आहे.
Iran War : ३ लाख १३ हजार योद्धे मैदानात! इराणचा अमेरिकेला-इस्रायलला थेट इशारा
रियाधमधील हा अलर्ट येमेनमधील हुथी बंडखोर आणि सौदी अरेबियामधील वाढत्या संघर्षाच्या पार्श्वभूमीवर आला आहे. हुथींकडून सौदी शहरे, ऊर्जा पायाभूत सुविधा आणि लाल समुद्रातील जहाजांना लक्ष्य करण्याच्या घटना वाढल्या आहेत. दुसरीकडे, सौदी अरेबियाकडूनही येमेनमधील हुथी ठिकाणांवर हवाई कारवाई सुरू आहे.
या संघर्षाचा परिणाम केवळ सौदी अरेबियापुरता मर्यादित राहण्याची शक्यता नसून Red Sea मधील जहाज वाहतूक आणि जागतिक तेल पुरवठ्यावरही दबाव वाढण्याची चिंता व्यक्त केली जात आहे. रियाधमधील ताज्या अलर्टमुळे मध्यपूर्वेतील संघर्ष आणखी कोणत्या दिशेने वळतो, याकडे जगाचे लक्ष लागले आहे.
ताज्या वृत्तांनुसार, अलर्टनंतर सौदी अधिकाऱ्यांनी परिस्थिती नियंत्रणात आल्याचे सांगत all-clear जारी केला; विमानतळाच्या कामकाजावर मात्र मोठा परिणाम झाल्याचे वृत्त आहे.
