मंगळवार, 3 नोव्हेंबर 2026
फोटो सौजन्य सोशल मीडिया
इराणच्या महत्वाच्या सार्वजनिक बांधकामावर मिसाईल हल्ला करून उध्वस्त केले . तरी इराण युद्धात हरायला तयार नाही . तेव्हा जागतिक राजकीय वर्तुळात चर्चा सुरु झाल्या कि आता जमिनीवर उतरून सैन्य पाठवून अमेरिका इस्रायल युद्ध करू शकतं .
यावर तयारी म्हणून इराणने १८ सप्टेंबर २०२६ रोजी तेहरान मध्ये ३,१३,००० लोकांचा मोठा स्वयंसेवक सराव / लष्करी मोर्चा आयोजित केला . हा कार्यक्रम Janfadayan -e -Iran म्हणजेच इराणसाठी बलिदान देणारे या मोहिमेअंतर्गत झाला.
इराणची राजधानी तेहरान मध्ये ३.१३ लाख स्वयंसेवक सहभागी झाल्याचा दावा केला आहे . तसे व्हिडीओज सोशल मीडियावर दिसत आहेत . या मोहिमेत नागरिकांना मूलभूत लष्करी प्रशिक्षण देऊन भविष्यातील संभाव्य हल्ल्यांसाठी तयार करण्याचा उद्देश सांगितला जात आहे .
इराणच्या अधिकाऱ्यांच्या म्हणण्यानुसार ६ लाखांहून अधिक लोकांनी लष्करी प्रशिक्षणासाठी नोंदणी केली आहे . मात्र ही संख्या स्वतंत्रपणे पडताळता आलेली नाही . या कार्यक्रमात ड्रोन लष्करी उपकरणे आणि गणवेशातील स्वयंसेवकांचे प्रदर्शन करण्यात आले आहे .
हा आकडा केवळ लष्करी आकडा नसून शिया धार्मिक परंपरेशी जोडलेला आहे . शिया परंपरेनुसार सहकारी इमाम महादींसोबत उभे राहतील अशी मान्यता आहे . त्यामुळे ३,१३,००० हा आकडा प्रतीकात्मक अर्थानेही वापरला जातो .
Yemen War : येमेन हादरला! संघर्षामुळे १.१२ लाख लोक विस्थापित; हजारोंनी जिबूतीत घेतला आश्रय
फेब्रुवारी पासून सुरु असलेल्या अमेरिका – इस्रायल आणि इराणमधील युद्धाच्या पार्श्वभूमीवर हा कार्यक्रम इराण कोणत्याही संभाव्य हल्ल्यासाठी तयार आहे . असा संदेश देण्यासाठी केलेले शक्तिप्रदर्शन म्हणून पाहिला जात आहे . खासकरून इराणला भविष्यात जमिनीवरून आक्रमण होण्याची शक्यता वाटत असल्याचे त्यांच्या अधिकाऱ्यांच्या वक्तव्यांतून दिसते .
म्हणजे साध्या भाषेत इराण सामान्य नागरिकांनाही प्राथमिक लष्करी प्रशिक्षण देऊन मोठ्या प्रमाणावर रिझर्व्ह फोर्स सारखी तयारी करत आहे . आणि अमेरिका -इस्रायलला आपल्या मोठ्या मनुष्यबळाची ताकद दाखवत आहे . असे दिसून येत आहे .
