Middle East War : होर्मुझच्या सामुद्रधुनीत पुन्हा युद्धाचा भडका? ट्रम्प यांनी ‘या’ सात देशांसोबत केली गुप्त चर्चा

Strait of Hormuz crisis : इराणने होर्मुझची खाडी बंद केल्याने जागतिक बाजारपेठेत तेल- वायूचा तुटवडा निर्माण झाला आहे. अनेक तेल आणि गॅसवाहू जहाजे होर्मुझच्या खाडीत अडकली आहे. यामुळे इंधन आणि उर्जा संकट निर्माण झाले आहे.

• होर्मुझ खाडी सुरक्षित करणार ट्रम्प
• सात प्रमुख राष्ट्रांना केले लष्करी मदतीचे आवाहन
• मित्र राष्ट्रांवर संताप व्यक्त

Donald Trump Strait of Hormuz : वॉशिंग्टन : अमेरिका(America)-इस्रायलच्या हल्ल्यानंतर इराणने संतप्त होत ‘स्ट्रेट ऑफ होर्मुज’ बंद केले आहे. यामुळ आंतरराष्ट्रीय बाजारपेठेत तेल आणि वायूच्या किमतींनी उच्चांक गाठला आहे. याचा सर्वसामान्यांच्या खिशाला फटका बसत आहे. याच पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प (Donald Trump )यांनी आक्रमक भूमिका घेतली आहे. त्यांनी इराणच्या नौदल आणि हवाई दलाला उद्ध्वस्त केल्याचा दावा केला आहे.

Middle East War : दुबई पुन्हा हादरलं! इराणच्या ड्रोन हल्ल्यानंतर विमानतळ तातडीने बंद; थरकाप उडवणार VIDEO आला समोर

तसेच आता त्यांनी होर्मुझ खाडी सुरक्षित करणार असल्याचेही म्हटले आहे. यासाठी ट्रम्प काही देशांसोबत महत्त्वपूर्ण चर्चा करत असल्याचे व्हाईट हाऊसने म्हटले आहे. मिळालेल्या माहितीनुसार, ट्रम्प यांनी होर्मुझ सामुद्रधुनीतील सुरक्षा कायम राखण्यासाठी मित्रराष्ट्रांकडे मदतीची मागणी केली आहे. असे न झाल्यास नाटोचे अस्तित्व धोक्यात येईल असा इशाराही ट्रम्प यांनी दिला आहे.

सात देशांसोबत ट्रम्प यांची गुप्त चर्चा

रविवारी (१५ मार्च २०२६) एका पत्रकार परिषदेत ट्रम्प यांनी सांगितले की, होर्मुजची सामुद्रधुनी पुन्हा पूर्णपणे सुरक्षित करण्यासाठी त्यांचे प्रयत्न सुरु आहेत. यासाठी सध्या ते सात प्रमुख राष्ट्रांशी चर्चा करत आहेत. यामध्ये चीन(China), फ्रान्स(France), जपान, दक्षिण कोरिया आणि ब्रिटन (Britain) यांसारख्या देशांचा समावेश आहे.

ट्रम्प यांनी म्हटले की, अमेरिकेने गेल्या अनेक दशकापासून या मार्गाचे रक्षण केले आहे, पण आता इतर देशांनी स्वत:च्या हितासठी पुढे यावे. अमेरिकेला या मार्गावर केवळ १% तेल मिळते, तर चीनसारख्या देशांना ९०% तेल याच मार्गाने मिळते. यामुळे अमेरिकेनेच रक्षण का करावे? असा प्रश्न ट्रम्प यांनी उपस्थित केला आहे.

मित्रराष्ट्रांवर संताप

ट्रम्प यांच्या या आवाहनाला अद्याप प्रतिसाद मिळालेला नाही. ऑस्ट्रेलियाने यापूर्वीच स्पष्ट केले आहे की, होर्मुझमध्ये त्यांच्या युद्धनौका पाठवणार नाहीत. तर जर्मनीने देखील यासाठी नकार दिल आहे. ब्रिटनने देखील गेल्या आठवड्यात मदत उशिरा पाठवल्याच्या भूमिकेवर ट्रम्प यांनी नाराजी व्यक्त केली आहे.

त्यांनी म्हटले की, दोन आठवड्यांपूर्वी गरजेच्या वेळी ब्रिटनने जहाजे पाठवण्यास नकार दिला आणि आता आम्ही शत्रूला कमकुवत केल्यानंतर ते मदतीचा प्रस्तावर देत आहेत. पण आम्हाला गरज नाही. संकटकाळात कोणी मदत केली नाही, हे अमेरिका लक्षात ठेवेल. असेही ट्रम्प यांनी कडाडून म्हटले.

Middle East War : मध्यपूर्वेतील युद्धाचा ऑस्ट्रेलियाला फटका; चीनने घेतला ‘हा’ कठोर निर्णय