सोमवार, 2 नोव्हेंबर 2026
US News: 'मेडे, मेडे'चा तो शेवटचा कॉल; ट्रम्प यांच्या घरापासून हाकेच्या अंतरावर विमान कोसळून 9 ठार, हवाई संरक्षण यंत्रणा तैनात ( फोटो सौजन्य : सोशल मीडिया )
अमेरिकेच्या राजकारणात (US News) आणि सुरक्षेत सध्या एक अत्यंत खळबळजनक घटना समोर आली आहे. अमेरिकेच्या सिक्रेट सर्व्हिसने राष्ट्राध्यक्ष डोनाल्ड ट्रम्प यांच्या फ्लोरिडातील प्रसिद्ध ‘मार-ए-लागो’ (Mar-a-Lago) निवासस्थानाजवळ तातडीने हवाई संरक्षण प्रणाली तैनात केली. ही सुरक्षा यंत्रणा बसवल्यानंतर अवघ्या काही तासांच्या आत, या ठिकाणापासून केवळ १४ किलोमीटर अंतरावर एक व्यावसायिक जेट विमान कोसळले. या भीषण दुर्घटनेत विमानातील सर्व ९ प्रवाशांचा व कर्मचाऱ्यांचा मृत्यू झाल्याची पुष्टी प्रशासनाकडून करण्यात आली आहे. या दुहेरी घटनांमुळे संपूर्ण अमेरिकेत मोठी खळबळ उडाली आहे.
मिळालेल्या सविस्तर माहितीनुसार, राष्ट्राध्यक्षांच्या पाम बीच येथील निवासस्थानाभोवती सुरक्षेचा भाग म्हणून ‘एएन/टीडब्ल्यूक्यू-१ अव्हेंजर शॉर्ट-रेंज एअर डिफेन्स सिस्टम्स’ (SHORADS) बसवण्यात आल्या आहेत. ड्रोन आणि इतर संभाव्य हवाई धोक्यांपासून राष्ट्राध्यक्षांचे संरक्षण करण्यासाठी ही पावले उचलण्यात आली आहेत. मात्र, ही सुरक्षा वाढवली गेल्यानंतर लगेचच रविवारी पाम बीच काउंटीमधील क्रेस्टहेवन परिसरात एक मोठी दुर्घटना घडली. ९ लोकांना घेऊन जाणारे ‘लिअरजेट ६०’ (Learjet 60) हे व्यावसायिक विमान अचानक खाली कोसळले आणि त्यात भीषण स्फोट होऊन आग लागली.
जागतिक घडामोडी संबंधित बातम्या वाचण्यासाठी येथे क्लिक करा : UK-India Ties : ‘गुलामगिरीबद्दल ब्रिटन भारताची माफी मागणार पण नुकसानभरपाई…’; पंतप्रधान अँडी बर्नहॅम यांचे ऐतिहासिक विधान
हा अपघात ट्रम्प यांच्या मार-ए-लागो निवासस्थानापासून अवघ्या नऊ मैल म्हणजेच सुमारे १४ किलोमीटर अंतरावर घडला. विशेष म्हणजे, राष्ट्राध्यक्ष डोनाल्ड ट्रम्प स्वतः त्या दिवशी मार-ए-लागो येथे उपस्थित होते. अपघाताच्या अगदी एक तास आधी, सकाळी ११:५५ वाजता, ते जवळच्या राष्ट्राध्यक्ष डोनाल्ड जे. ट्रम्प आंतरराष्ट्रीय विमानतळावरून ‘एअर फोर्स वन’ विमानात बसून तिथून रवाना झाले होते. विमान अपघात आणि वाढवण्यात आलेले सुरक्षा उपाय यांचा आपसात कोणताही संबंध नाही, असे प्रशासनाकडून स्पष्ट करण्यात आले आहे.
NOW: President Trump shares his costume for the annual Halloween party at his Mar-a-Lago estate in Florida. Donning a familiar dark blue suit and red tie, the president jokingly said he came dressed “as Donald Trump.” https://t.co/v6yu3ARQA8 — Fox News (@FoxNews) November 1, 2026
credit – social media and Twitter
फ्लाइट ट्रॅकिंग डेटा आणि एअर ट्रॅफिक कंट्रोलमधील संभाषणांवरून असे लक्षात आले आहे की, अपघातापूर्वी या विमानाला अत्यंत खराब हवामानाचा सामना करावा लागला होता. हवेचे तीव्र झोत (turbulence) आणि बर्फ जमा झाल्यामुळे विमानाचे नियंत्रण बिघडले होते. पायलटने हवेच्या तीव्र झोतांमुळे विमान सुमारे ७०० फूट वर-खाली होत असल्याचे कंट्रोल रूमला कळवले होते आणि सुरक्षिततेसाठी आणखी २,००० फूट वर जाण्याची परवानगी मागितली होती.
जागतिक घडामोडी संबंधित बातम्या वाचण्यासाठी येथे क्लिक करा : US Iran war : डोनाल्ड ट्रम्प यांच्या धमकीनंतर इराणचा युद्धखोर पवित्रा; मोजतबा खामेनी यांनी लष्कराला दिली खुली सूट
काही क्षणातच परिस्थिती हाताबाहेर गेली आणि…
परंतु, काही क्षणातच परिस्थिती हाताबाहेर गेली आणि विमान विक्रमी वेगाने खाली कोसळू लागले. पायलटने ‘मेडे, मेडे’ (Mayday) अशी आपत्कालीन मदतीसाठी हाक मारली. एअर ट्रॅफिक कंट्रोलसोबतच्या शेवटच्या संभाषणात पायलटने सांगितले की, विमान प्रति मिनिट तब्बल १०,००० फूट वेगाने खाली उतरत आहे आणि ते थेट जमिनीवर आदळणार आहे. या भीषण थरारानंतर काही वेळातच विमान क्रॅश झाले.
या संपूर्ण घटनेमुळे विमान वाहतूक सुरक्षा आणि व्हीआयपी सुरक्षेचा प्रश्न पुन्हा एकदा ऐरणीवर आला आहे. दरम्यान, ‘अव्हेंजर’ क्षेपणास्त्र प्रणाली ही एक मोबाईल (फिरती) कमी पल्ल्याची हवाई संरक्षण यंत्रणा असून, जी ३६०-अंश फिरू शकते आणि स्टिंगर क्षेपणास्त्रांच्या माध्यमातून कोणत्याही हवाई धोक्याचा अचूक मुकाबला करण्यास सक्षम आहे. फेडरल एव्हिएशन प्रशासन (FAA) आणि नॅशनल ट्रान्सपोर्टेशन सेफ्टी बोर्ड (NTSB) या दोन्ही यंत्रणा संयुक्तपणे या विमान अपघाताची कसून चौकशी करत आहेत.
Ans: सुरक्षेचा भाग म्हणून अमेरिकेच्या सिक्रेट सर्व्हिसने तिथे 'एएन/टीडब्ल्यूक्यू-१ अव्हेंजर' (AN/TWQ-1 Avenger) ही अल्प-पल्ल्याची हवाई संरक्षण क्षेपणास्त्र प्रणाली तैनात केली आहे.
Ans: हा अपघात मार-ए-लागो निवासस्थानापासून अवघ्या ९ मैल म्हणजेच सुमारे १४ किलोमीटर अंतरावर (पाम बीच काउंटीमधील क्रेस्टहेवन परिसरात) झाला.
Ans: या अपघातात लिअरजेट ६० (Learjet 60) व्यावसायिक विमानातील सर्व ९ प्रवाशांचा आणि कर्मचाऱ्यांचा जागीच मृत्यू झाला.
