US-Iran Conflict : ‘करार होणारच होता… पण’, इराणच्या परराष्ट्र मंत्र्यांनी सांगितले सत्य; शस्त्रसंधी संपणार, मिसाईल्स बरसणार?

US-Iran War: इस्लामाबादमध्ये अमेरिका आणि इराण यांच्यातील २१ तासांची महावाटाघाटी बैठक दोन्ही देशांनी एकमेकांवर दोषारोप केल्याने अयशस्वी ठरली असून, त्यामुळे दोन आठवड्यांच्या शस्त्रसंधीचे संकटात रूपांतर झाले आहे.

• २१ तासांचा थरार निष्फळ
• इराणचा खळबळजनक दावा
• युद्ध अटळ?

US-Iran Peace Talks Islamabad 2026 : जागतिक राजकारणातील सर्वात मोठ्या शांतता प्रयत्नाला आज जबरदस्त खिळ बसली आहे. पाकिस्तानची राजधानी इस्लामाबाद येथे ९ आणि १० एप्रिल रोजी पार पडलेली अमेरिका-इराण ‘महावाटाघाटी’ (US-Israel Iran War) बैठक कोणत्याही निष्कर्षाशिवाय संपली आहे. सलग २१ तास चाललेल्या या मॅरेथॉन चर्चेत दोन्ही बाजू कराराच्या अगदी जवळ पोहोचल्या होत्या, असे मानले जात होते. मात्र, रविवारी दोन्ही देशांच्या प्रतिनिधींनी जाहीर केलेल्या विधानांमुळे ही चर्चा केवळ अपयशीच ठरली नाही, तर यामुळे मध्य-पूर्वेत युद्धाची ठिणगी पुन्हा पेटली आहे.

नेमकं कुठे माशी शिंकली? अराघची यांनी उघड केले गुपित!

इराणचे परराष्ट्र मंत्री अब्बास अराघची यांनी ‘X’ वर आपली खंत व्यक्त करताना अमेरिकेवर विश्वासघाताचा आरोप केला आहे. अराघची यांच्या मते, इराणने ४७ वर्षांत प्रथमच इतक्या उच्च स्तरावर अमेरिकेशी थेट संवाद साधला होता. “आम्ही चांगल्या हेतूने टेबलावर आलो होतो आणि करार पूर्ण होण्याच्या बेतात होता. मात्र, अंतिम टप्प्यात वॉशिंग्टनने आपली भूमिका अधिक कठोर केली आणि नवीन, अतिरिक्त मागण्या समोर ठेवल्या,” असा दावा त्यांनी केला आहे. अमेरिकेने शेवटच्या क्षणी आपले धोरण बदलल्यामुळे ही चर्चा फिसकटली, असे इराणचे ठाम मत आहे.

See more

In intensive talks at highest level in 47 years, Iran engaged with U.S in good faith to end war. But when just inches away from “Islamabad MoU”, we encountered maximalism, shifting goalposts, and blockade. Zero lessons earned Good will begets good will.
Enmity begets enmity. — Seyed Abbas Araghchi (@araghchi) April 12, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : Hormuz Blockade: ‘US Centcom’ मैदानात! आज संध्याकाळी 7:30 पासून होर्मुझमध्ये टाळेबंदी; इराणी अहंकाराला अमेरीकन नौदलच देणार उत्तर

गालिबाफ यांचा अमेरिकेवर निशाणा: “विश्वास ठेवणे कठीण”

इराणच्या संसदेचे अध्यक्ष मोहम्मद बागेर गालिबाफ, ज्यांनी इराणी शिष्टमंडळाचे नेतृत्व केले, त्यांनीही अमेरिकेवर जोरदार टीका केली. त्यांनी स्पष्ट केले की, इराणची करार करण्याची इच्छा होती, परंतु अमेरिकेच्या बदलत्या भूमिकेमुळे त्यांचा विश्वास जिंकण्यात वॉशिंग्टन अपयशी ठरले. “भूतकाळातील कडवट अनुभवांमुळे आम्हाला अमेरिकेवर विश्वास ठेवणे कठीण जात आहे,” असे गालिबाफ यांनी म्हटले आहे. या चर्चेदरम्यान इराणी जनतेने आपल्या सरकारला दिलेल्या पाठिंब्याबद्दल त्यांनी जनतेचे आभारही मानले.

See more

Following 21 hours of intensive talks, Iranian Foreign Minister Abbas Araghchi announced the failure to reach an agreement to end the war, describing the U.S. stance as ‘maximalist demands’ and an attempt to shift negotiation terms at the last minute. pic.twitter.com/2kYoepyGI7 — Eye on Palestine (@EyeonPalestine) April 12, 2026

credit – social media and Twitter

जे.डी. व्हान्स यांची भूमिका: “करार न होणे हे इराणच्या हिताचे नाही”

दुसरीकडे, अमेरिकन उपराष्ट्राध्यक्ष जे.डी. व्हान्स यांनी पत्रकार परिषदेत आपली बाजू मांडली. व्हान्स यांच्या मते, चर्चा अनिर्णित राहण्याचे कारण इराणचा हेका आहे. त्यांनी इशारा दिला की, “शांतता करार न होणे हे इराणसाठी अधिक धोक्याचे आहे.” अमेरिकेने स्पष्ट केले की, प्रादेशिक सुरक्षिततेच्या बाबतीत कोणतीही तडजोड केली जाणार नाही. दोन्ही देशांमधील मतभेद इतके खोल आहेत की, २१ तासांची चर्चाही ते मिटवण्यासाठी अपुरी पडली आहे.

जागतिक घडामोडी संबंधित बातम्या वाचण्यासाठी येथे क्लिक करा : Diplomatic War: 4,596 वर्षांचा तुरुंगवास? तुर्कियेचा नेतान्याहूंना दणका; इस्रायलनेही ‘कागदी वाघ’ म्हणत केली एर्दोगानची गुपितं उघड

मध्य-पूर्वेत युद्धाचे ढग गडद

४० दिवसांच्या भीषण संघर्षानंतर डोनाल्ड ट्रम्प यांनी जाहीर केलेल्या दोन आठवड्यांच्या शस्त्रसंधीचा काळ आता संपत आला आहे. इस्लामाबाद चर्चा अपयशी ठरल्यामुळे ही शस्त्रसंधी पुढे वाढवली जाण्याची शक्यता आता मावळली आहे. यामुळे इराण आणि इस्रायल-अमेरिका यांच्यात पुन्हा एकदा मोठा लष्करी संघर्ष सुरू होण्याची भीती व्यक्त केली जात आहे. जर हे युद्ध सुरू झाले, तर त्याचा परिणाम जागतिक तेल पुरवठा आणि अर्थव्यवस्थेवर होईल, ज्यामुळे भारतासारख्या देशांचेही टेन्शन वाढणार आहे.