US Iran Peace Talks : इराण झुकला? अमेरिकेसोबतच्या शांतता चर्चेसाठी इस्लामाबादमध्ये हालचालींना वेग, जगभरात खळबळ

US Iran Talks : अमेरिका इराणमध्ये इस्लामाबदमध्ये शांतता चर्चा होण्याची शक्यता व्यक्त केली जात आहे. अमेरिकन माध्यमांनी दिलेल्या माहितीनुसार, इराण चर्चेस सहमती दर्शवली आहे, परंतु अमेरिकेसमोर एक मोठी अट ठेवली आहे.

• अमेरिकेसमोर झुकला इराण?
• इस्लामाबादमध्ये शांतता चर्चेच्या हालचालींना वेग
• जेडी वेंस आणि गालिबाफ यांच्या पुन्हा भेटीची शक्यता

US Iran Islamabad Peace Talks : वॉशिंग्टन/तेहरान : गेल्या एक महिन्यापासून अमेरिका आणि इराणमध्ये तीव्र युद्ध (US Iran War) पेटले आहे. गेल्या आठवड्यात झालेल्या अयशस्वी शांतता चर्चेनंतर दोन्ही देशांत होर्मुझवरुन मोठा वाद सुरु आहे. असे असतानाच पुन्हा एकदा शांतता चर्चेचे संकेत मिळाले आहे. अमेरिकन माध्यमांनी इस्लामाबाद येथे होणाऱ्या शांतता चर्चेच्या दुसऱ्या फेरीसाठी सहमती दिली असल्याचे म्हटले आहे. यासाठी इराणने आपले प्रतिनिधीमंडळ  पाठवण्यास तयार आहे, परंतु यासाठी इराणने एक अत्यंत महत्त्वाची अट ठेवली आहे.

Donald Trump यांचा ‘LOCKED IN MODE’ ॲक्टिव्ह! आता फक्त विजयच; व्हाईट हाऊसच्या एका पोस्टने जगात खळबळ

काय आहे इराणची अट?

द न्यूयॉर्क टाइम्सने दिलेल्या वृत्तानुसार, इराणचे संसद अध्यक्ष मोहम्मद बाघेर गालिबाफ या चर्चेचे नेतृत्व करणार आहेत. तर दुसरीकडे अमेरिकेचे उपराष्ट्राध्यक्ष या चर्चेत स्वत: उपस्थित असतील तर ही चर्चा होईल असे इराणने म्हटले आहे. दोन्ही देशांमधील अटींचा खेळ, एकमेकांवरील अविश्वास उच्चस्तरीय वचनबद्धतेची गरज अधोरेखित करतो असे तज्ज्ञांचे मत आहे.

मिळालेल्या माहितीनुसार, या आठवड्यात पाकिस्तानच्या इस्लामाबाद येथे दोन्ही देशांची शिष्टमंडळे दाखल होण्याची शक्यता बळावली जात आहे. याच दरम्यान अमेरिकेचे अनेक अधिकारी यापूर्वीच इस्लामाबादमध्ये दाखल झाले आहे. मीडिया रिपोर्टनुसार, वाटाघाटी चर्चेसाठी जेरेड कुशनर आणि स्टीव्ह वीटकॉफ देखील सहभागी होण्याची शक्यता आहे. यावरुन अमेरिका शांतता चर्चेला गांभीर्याने घेत असल्याचे चित्र दिसून येत आहे. मात्र जेडी वेंस यांची उपस्थितीची अट इराणने ठेवली आहे. तरच ही चर्चा पुढे जाऊ शकते.

इराण झुकला?

अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी सातत्याने ही चर्चा होणार असल्याचे संकेत दिले होते. पंरतु त्यांनी युद्धबंदीचा प्रस्ताव यशस्वी झाला नाही, तर परिस्थिती गंभीर होईल असा इशाराही दिला होता. दरम्यान सुरुवातील इराणकडून चर्चेसाठी सहमती मिळत नव्हती. पण, अमेरिकेने इराणने अणु कार्यक्रम पूर्णपणे बंद करावा याएकाच मुख्य अटीवर सतत लक्ष केंद्रित केले आहे. यामुळे इराणने आपल्या भूमिकेत नरमाई घेतली असावी असे तज्ज्ञांचे मत आहे.

अनिश्चिततचे सावट कायम

सध्या दोन्ही देशांकडून या चर्चेबाबत कोणतीही अधिकृत घोषणा करण्यात आलेली नाही. होर्मुझमध्ये इराणच्या कार्गो शिप नाकेंबदीमुळे मोठा वाद पेटला आहे. यामुळे जोपर्यंत अमेरिका इराणी जहाजांची लूटमार थांबवत नाही, तोपर्यंत होर्मुझ (Hormuz) खुला करणार नाही असे संकेत इराणने दिले आहे. सध्या होर्मझवरील तणावामुळे चर्चेबाबत अनिश्चितता कायम आहे. दुसरीकडे इस्लामाबदमध्ये चर्चेसाठी हालचाली सुरु असल्याचे संकेत मिळाले आहे. ही चर्चा  यशस्वी झाल्यास मध्यपूर्वेतील तणाव कमी होण्याच्या दिशेने एक सकारात्मक पाऊल ठरेल.

Iran-US War : ‘इराणसोबतचा नवीन करार जगात शांतता प्रस्थापित करेल’; डोनाल्ड ट्रम्प यांचं विधान