रविवार, 25 ऑक्टोबर 2026
फोटो सौजन्य सोशल मीडिया
मस्क यांच्या विधानाने युक्रेनच्या लष्करी हालचाली आणि अमेरिकेशी असलेल्या संबंधावर पुन्हा चर्चा सुरु झाली आहे . या युद्धात स्टेरलिंकचा वापर करून युक्रेनने रशियाला मोठे नुकसान पोहोचवले आहे . तसेच इराणमध्ये अमेरिकेच्या हल्ल्यात एकाच वेळी जवळपास १६० लहान मुलं मुली मारल्या गेल्या तेव्हा मस्क यांची माणुसकी कुठे होती . ज्या माणुसकीने ते आज युक्रेनवर वर आरोप करून आपली नैतिकता दाखवत आहेत . असे ही प्रश्न मस्क यांना विचारले जात आहेत .
रशिया युक्रेन युद्धात अचानक युक्रेनमधील स्टारलिंक ही इंटरनेट सेवा बंद झाल्याने जागतिक पातळीवर चर्चा सुरु झाल्या . सुरवातीला विश्लेषक तर्क वितर्क काढत असतानाच इलॉन मस्क यांनी सोशल मीडिया प्लॅटफॉर्मवर म्हणजेच एक्स वर पोस्ट करत खुलासा केला कि , युक्रेनच्या सैन्याने स्टेरलिंकच्या सेवा अटींचे उल्लंघन केले .स्टारलिंक ही व्यावसायिक आणि नागरी इंटरनेट सेवा असून , लोकांना ठार मारण्यासाठी याचा वापर करणे चुकीचे आहे .
खासकरून ड्रोन हल्ल्यात याचा वापर झाला असल्याचे त्यांनी सांगितले . आमच्या या सेवेचा वापर करून माणसांना मारण्याची परवानगी युक्रेनला कधीही दिली न्हवती असे त्यांनी म्हंटले . या वापरासाठी असलेली तांत्रिक पळवाट बंद करण्यात आल्याचेही मस्क यांनी सांगितले आहे .
गेल्या आठवड्यात स्टारलिंकने सेवा बंद केल्यानंतर युक्रेनच्या सैन्याला अडचणींचा सामना करावा लागला . खासकरून वेगाने प्रवास करणाऱ्या ड्रोन आणि लष्करी उपकरणांच्या संपर्क व्यवस्थेवर परिणाम झाला . सैनिकांमधील संवाद , लष्करी रसद आणि रशियन ड्रोन हल्ल्यानां उत्तर देण्याच्या क्षमतेवरही त्याचा परिणाम झाल्याचे समोर आले आहे .
याच दरम्यान युक्रेनचे अध्यक्ष झेलेन्स्की यांनी २४ ऑक्टोबर रोजी स्टारलिंक आणि स्टारशील्ड सेवा पूर्वीच्या वेगाने सुरु झाल्याचे जाहीर केले . युक्रेनच्या संरक्षणमंत्र्यांनीही सेवा स्थिर झाल्याची माहिती दिली . मस्क यांनी स्टारशील्ड ही वेगळी लष्करी प्रणाली असून तिचे नियंत्रण अमेरिकन सरकारकडे असल्याचे स्पष्ट केले .
स्टारलिंक सेवा पूर्णपणे बंद झाल्यास युक्रेनची बाजू कमकुवत होऊन ढासळू शकते . असा इशाराही त्यांनी दिला आहे . या सगळ्या प्रकरणामुळे आधुनिक युद्धात खाजगी कंपन्यांच्या उपग्रह इंटरनेट सेवेचे महत्व आणि त्यावरील नियंत्रणाचा प्रश्न पुन्हा ऐरणीवर आला आहे .
